一場疫情，學課停課，學生留喺屋企網上學習，即使陸續復課，電子學習係未來教育嘅大趨勢，但部份基層家庭未必負擔得起買平板電腦，作為全港第一大強積金計劃保薦人嘅宏利，就推出「學無紙境」助學計劃，向十三間小學捐出四百部全新iPad，協助解決電子鴻溝問題，真係好有心。
宏利朋友話，佢哋嘅義工走訪荃灣嘅中華基督教會全完第一小學同元朗嘅八鄉中心小學，親身將iPad送到受惠學童嘅手上。參與計劃嘅全完第一小學四年級生陳梓峰家長話：「電子學習工具動輒數千元，實在難以負擔。無辦法之下，兒子停課時需要與家中兩位姐姐輪流用自己的手機上網學習，十分不便。衷心感謝熱心企業捐贈iPad，兒子有好好的學習工具上課及做功課，希望他會更用功讀書。」
宏利係今年二月與聖雅各福群會聯推出結合環保及教育雙重意義的「學無紙境」助學計劃，只要達一萬五千名宏利強積金成員登記選用電子結單及電子通知服務，宏利將會向聖雅各福群會建議之本地小學，捐贈四百部全新嘅iPad，喺宏利強積金成員支持下，計劃提前達標，目前累積逾二萬名位成員登記選用電子服務。
Kelly Chu
