賀緋聞男友鄭衍峰29歲生日 馮盈盈IG洩「蜜」

公開戀情？

鄭衍峰29歲生日真開心。

馮盈盈突然喺IG上載咗上月自己生日Party上嘅靚相。

現年26歲的馮盈盈（Crystal）自從去年底與拍拖4年的醫生男友Martin分手後講明放盤，期間緋聞不斷，傳過秘撻娛樂新聞台大隻仔主播鄭衍峰（Leonard），之後指她藉住船P釣金龜，結識到已故賭王公子何猷亨，不過，日前舊愛陳瀅高姿態陪住猷亨出入賭王喪禮，戀情浮面。

鄭衍峰同馮盈盈喺《後生仔傾吓偈》結緣。

原來昨日7月13日係Leonard 29歲生日，尋日馮盈盈竟然喺Instagram上載咗上月自己生日Party上嘅靚相，但就注明「20200713 Happy Birthday#latergram」，原來係有鬼馬！因為當日壽星仔係Leonard，Leonard咁受緋聞女友重視，成個開心晒，生日飯局上馮盈盈當然係席上客，壽星仔拎住手機同在場好友玩Ig Filter濾鏡，仲同馮盈盈玩足十秒，兩人毫不避嫌望向鏡頭，合拍得似足一對小情侶。

鄭衍峰係大隻型男，唔怪得吸引到馮盈盈。

日前陳瀅高姿態陪住猷亨出入賭王喪禮，明顯交情不淺。

鄭衍峰留言：「多謝大家同我 #熱烈慶祝鄭衍峰成立29週（周）年，禮物從來都不是在乎平或貴。是送禮者那份願意搞（絞）盡腦汁氹你開心的心意。對一些IT人來說，要由零開始製作一個ig filter絕對是輕而易舉。但對佢來講... 這可能比連續吹水20個鐘更加難。It s the effort that counts 你呢？你收到那份令你最最最感動不已的生日禮物未？I know I have. Thank you  #想玩個filter可以dm我 #send俾（畀）你」

馮盈盈近日為Erryday Vitamin日之源NMN拍攝廣告，營養學出身的盈盈表示接拍前研究相關文獻、報告，笑言希望有絕佳狀況示人：「因為研發產品好高難度，自己就唔敢研究啦，都係落街買到最方便！依家都有好多贊助比產品我，都會想Share比家人食，但係都要揀咗先比佢地試。」

馮盈盈近日為Erryday Vitamin日之源NMN拍攝廣告。

讀養學出身的盈盈表示接拍前研究相關文獻、報告。

早前盈盈社交網頁「大解放」，上載性感廣告相片：「我覺得每個人都要比自己不斷『升級』嘅，所以無論身材定咩，都要比自己Fit啲、更加有健康活力展示，呢啲真係唔容易！」呢日廣告拍攝期間，盈盈大騷瑜伽天份：「我有接觸過瑜伽，之前都有同林德信上堂同埋拍片，不過我覺得自己嘅柔軟度有待改善，我會試吓拉多啲秀、提升能量，先會更有感覺！」

拍攝花絮

拍攝花絮