屋企有貓又有狗 江美儀望帶愛犬出國旅行

美儀最希望帶愛犬去日本浸溫泉。

屋企有貓又有狗的江美儀連續第二年擔任紐西蘭天然貓狗糧品牌的代言人，今次兩隻愛犬Teddy及Tina同樣有份，美儀笑言自己「母憑子貴」，多得兩位小毛孩帶挈搵真銀，但講到尾願意續約，全因為兩隻愛犬轉食天然糧後健康轉好。

江美儀帶兩隻愛犬拍廣告，期待下次見埋兩隻貓貓。

江美儀近日養多了一隻貓叫Tiffany，姐姐Tasha有妹妹陪她玩嘞。

美儀說：「最明顯係妹妹，食咗一年，大隻咗好多，兩個毛髮亦比以前健康，唔好睇少佢哋個波波頭，冇豐厚、柔韌嘅毛髮，冇可能剪到，我都好樂意介紹畀身邊人，幫到人，又搵到錢，哈哈！」「狗奴」美儀自封購物狂，為拍攝今次廣告特別為愛犬準備了多套戰衣出鏡，「無辦法，阿媽鍾意shopping，屋企有一個大衣櫃放置Teddy同Tina嘅靚衫，其實阿仔唔鍾意着衫，今次拍攝過程冇扭計，算畀足面我。」

兩位小毛孩好乖望鏡頭。

提到愛犬拍攝的表現，美儀說：「其實我前一晚有跟Teddy同Tina講，第二日要拍廣告影相，一定要乖、要醒目、要笑，唔好失禮媽咪，拍攝當日早上，兩兄妹好積極，一早起身食早餐，準備出發時，妹妹更吠我，叫我快啲出門口。」

Teddy及Tina企定定影相。

當日美儀兩隻愛犬相當乖巧，尤其拍攝硬照時，美儀總會在攝影師旁邊，手持零食吸引愛犬望鏡頭，令拍攝進度更加順利。視愛犬如己出的美儀最大心願，希望將來有機會帶住愛犬一家三口出國旅行，「我覺得人生係由好多快樂嘅回憶所組成，好希望其中一個回憶，係我跟兩隻狗狗去旅行，因為Teddy同Tina唔會陪到我終老，希望喺佢哋有生之年，能夠達成呢個心願，彼此感受呢份快樂！」

江美儀為愛犬慶祝生日。

至於最想去邊？美儀不失幽默本色：「梗係去瑞士搵飄零燕啦，去埋巴黎鐵塔影張相，哈哈！但比較實際其實去日本，因為當地好多酒店都歡迎主人帶寵物入住，又可以一齊浸溫泉，又會安排寵物膳食，我相信我食少幾餐、買少幾個手袋、接多幾個廣告，待疫情過去，到時我應該有能力帶Teddy同Tina去日本吧！哈哈！」

《一個好人》今晚（4月3日）播出最後一集，江美儀分別拜訪了義務為長者剪頭髮的傑仔（陳楚傑）、義務教授傷健人士潛水兼贊助裝備的Stephen（區紹堅）及義剪腳甲的貓姑娘（吳詠珊）。

傑仔從小獲祖母灌輸要樂於助人，作為髮型師的他利用專長技能、組織團隊為長者進行義剪服務，美儀認為「窮得只剩下錢，內裡卻是空」也沒意思：「傑哥好幸運，有嫲嫲由細灌輸錢唔係我哋所追求嘅嘢，所追求嘅係幫助一啲冇能力嘅人，呢種快樂唔可以用錢買到。」

傑仔從小獲嫲嫲灌輸要樂於助人。

傑仔從小獲嫲嫲灌輸要樂於助人。

美儀為長者義剪頭髮。

美儀為長者義剪頭髮。

美儀為長者義剪頭髮。

美儀與一眾義工合照。

潛水可讓傷健人士在水中的無重狀態有效鍛鍊肢體，潛水用品店老闆Stephen為國際傷健潛水協會（香港）名譽顧問，每月舉辦至少一次潛水訓練活動，除了擔任潛水教練，還為協會免費提供潛水裝備包括潛水氣瓶，讓傷健人士毋須負擔昂貴費用也能享受潛水樂趣，及體驗水底傷健共融的世界。美儀在節目中穿上full gear裝備，與傷健人士一起潛水，事後美儀感觸謂：「傷健人士同普通人潛水完全冇分別，佢哋有好多障礙困難都可以克服到，其實我哋有啲咩咁難呢？」

Stephen除咗教傷健人士潛水，仲為國際傷健潛水協會（香港）免費提供潛水裝備。

Stephen除咗教傷健人士潛水，仲為國際傷健潛水協會（香港）免費提供潛水裝備。

Stephen除咗教傷健人士潛水，仲為國際傷健潛水協會（香港）免費提供潛水裝備。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

香港殘奧運動員Wilson大讚Stephen細心體貼，每次跟佢出海都非常放心。

另外，原來不少長者因難以彎身、視力模糊未能自行修剪腳甲，導致發炎紅腫而寸步難行。善心美甲師「貓姑娘」因一次機緣巧合為90歲婆婆剪腳甲後，了解到社會上有不少獨居、隱蔽長者需要協助和關懷，2016年開始展開「義剪之路」，由起初與客人、同事一起義剪，直到現在每月定期與義工團隊舉辦義剪活動。回望數年前初辦義剪服務，貓姑娘透露曾遭社區中心拒絕，令她一度感到氣餒：「好記得個姑娘話『我唔會攞啲長者對腳畀你玩囉』，我哋成班都係專業嘅美甲師，亦真係抽私人時間去幫長者服務，我都唔明白。」

美甲師貓姑娘每月均為長者進行義剪腳甲服務。

美甲師貓姑娘每月均為長者進行義剪腳甲服務。

美甲師貓姑娘每月均為長者進行義剪腳甲服務。

美儀被貓姑娘嘅善心感染。

貓姑娘除了遇過感染灰甲的長者，最棘手試過見到一隻小昆蟲從腳甲裡走出來！疫情期間學懂修甲的美儀，將技能解鎖應用於是次義剪體驗中；其中一位長者因兒子忙於工作，至少3年沒有修剪腳甲，連碰一碰也感到疼痛，美儀細心為其打磨後分享感受：「你問我驚唔驚污糟，我真係驚㗎，其實好厭惡性呢件事。不過問題係，如果我哋都係咁諗嘅時候，咁呢班人點算呢？」她勸喻大家多關懷身邊長者，並鼓勵大家每天至少抽5分鐘時間陪伴。

聽到貓姑娘遇過小昆蟲喺腳甲走出嚟，江美儀大吃一驚！

江美儀聽到貓姑娘遇過小昆蟲從腳甲走出嚟，嚇到眼都凸埋！

美儀獻出義剪腳甲初體驗。

美儀為至少3年冇修剪腳甲嘅長者義剪。

貓姑娘同美儀勸喻大家多關懷身邊長者。

貓姑娘同美儀勸喻大家多關懷身邊長者。