睇個樣真係好愁咁......
現年58歲的鄧梓峰（十郎）一向好識享受人生，私下經常約老友夾Band、打Golf、飲飲食食、揸飛機周圍去，而20多歲的孖仔鄧柏暉（Matthew）和鄧松暉（Justin）每次從美國返港都會陪爸爸，三父子感情深厚，惟其創辦的補習社近日因有導師提及「武漢肺炎」一詞而遭解僱，引來大批網民聲討，令到他十分煩惱，連Family Day都無法好好享受。
點擊看圖輯
十郎育有4名子女，分別是大女鄧瓊芝（左一）、孖仔鄧松暉（右一）和鄧柏暉（左前二），以及細女鄧淑芝（右二）。
一對孖仔 Matthew和Justin每次從美國返港都會陪老竇周圍去。
十郎創辦的「梓峰教育」月初因一名導師被家長投訴向學生提及「武漢肺炎」而遭炒魷，引來網民不滿。
十郎在電器舖內繞晒手、托晒頭研究手機，但隻手掂到口罩好唔衛生！
十郎胸有成竹咁款，握實拳頭擺喺心口，並快步走去Apple shop買手機。
細仔Justin在門外一邊撳手機一邊等爹哋媽咪。
入到Apple shop，十郎依然皺晒眉頭，睇嚟內心都好多嘢煩緊。
買部手機啫，十郎同Staff溝通都神色凝重，輕鬆啲啦香港人。
鄧太好醒目，臨走前噴吓消毒液清潔雙手，但十郎一買完就急急腳走，好趕喎。
身兼數職的十郎行去停車場途中，一路好忙碌地低頭覆Message。
十郎育有4名子女，分別是大女鄧瓊芝（左一）、孖仔鄧松暉（右一）和鄧柏暉（左前二），以及細女鄧淑芝（右二）。
一對孖仔 Matthew和Justin每次從美國返港都會陪老竇周圍去。
「億萬金牌司儀」鄧梓峰好玩得，不單止肯放下身段扮「巴斯光年」，還經常於社交網出Po搞爛Gag，好似年初爆發新冠肺炎時，有專家指病毒源頭是野生動物，網上一度流傳內地人食蝙蝠湯的影片，十郎亦湊熱鬧於Facebook貼出手執龍蝦照，搞笑地叫大家「唔好P做蝙蝠」，以諷刺食野味的人。
不過，事隔7個月，月初其創辦的「梓峰教育」爆出炒魷風波，事緣一名導師被家長投訴在Zoom教授小一面試班時，對學生稱目前正經歷「武漢肺炎」，中心隨即向家長致歉，並以該導師不適合於旗下所有分校任教為由，將其解僱，結果掀起網上一片謾罵。
十郎創辦的「梓峰教育」月初因一名導師被家長投訴向學生提及「武漢肺炎」而遭炒魷，引來網民不滿。
雖然已發聲明否認因投訴一事解僱涉事導師，又強調「堅決拒絕把任何政治元素或議題帶進教學」，但也無法平息網民怒火，相信一向豁達的他呢排都好難再「輕輕鬆鬆鄧梓峰」！
日前傍晚6點，十郎與太太帶埋一對孖仔去又一城行街，一家四口先走入電器舖睇手機，細佬Justin就捧住一Pack六支的啤酒，同大佬Matthew和媽媽站在側邊陪爸爸，見十郎繞晒手、托住頭望實櫃中的iPhone，好專注。
十郎在電器舖內繞晒手、托晒頭研究手機，但隻手掂到口罩好唔衛生！
估計是型號不合心意，十郎聽Justin分析完一輪，大約10分鐘後便離開，一家之主十郎一個快步向Apple shop進發，Matthew就獨自去攞車先，Justin則在門口等父母。其間，由睇手機、等攞貨到同Staff講嘢，十郎都全程眉頭深鎖，就算老婆在旁邊都少出聲，心情似乎好沉重，未知是否受公事所困呢？
十郎胸有成竹咁款，握實拳頭擺喺心口，並快步走去Apple shop買手機。
細仔Justin在門外一邊撳手機一邊等爹哋媽咪。
入到Apple shop，十郎依然皺晒眉頭，睇嚟內心都好多嘢煩緊。
買部手機啫，十郎同Staff溝通都神色凝重，輕鬆啲啦香港人。
鄧太好醒目，臨走前噴吓消毒液清潔雙手，但十郎一買完就急急腳走，好趕喎。
身兼數職的十郎行去停車場途中，一路好忙碌地低頭覆Message。
逗留半個鐘左右，成功購入一部新iPhone的十郎便跟太太離開，尾隨的鄧太防疫意識相對地高，臨走前都識得噴一噴手消毒，而十郎卻只顧覆Message，一邊行去停車場會合囝囝回家。
