拍劇綜藝兩兼顧 黎諾懿感恩無忽略囝囝成長事

電視上經常見到諾懿又拍劇又下廚，認真忙碌。

本網記者攝

由高海寧、馬國明、黎諾懿主演的《C9特工》最近熱播中。現實中，諾懿是一位多功能老公，又愛下廚又顧家，更分享與太太甜蜜相處之道。

《C9特工》劇照

黎諾懿劇中飾演專業特工。「《C9特工》分別講述師奶同特工，我第一次做的角色係無名字，只有代號B3。呢套係親情倫理劇，想觀眾知道特工世界係幾冷酷無情，而高ling屋企係幾咁溫暖，兩方面都係並存，想觀眾睇到高ling佢會揀邊一個世界。」

《C9特工》劇照

談到拍攝難度，諾懿透露：「主要同女性打，好驚整親佢哋，其次係高ling拍攝第二日就受傷，所以我地動作戲拍攝上都要遷就佢，佢本身唔係打女，要錫住佢。」諾懿還笑說自己反而在一場文戲「出事」，「當時有塊板跌下來，令頭部受傷流血，好彩傷勢唔算嚴重無留疤。」

網上圖片

網上圖片

現時諾懿已成家立室，被問拍劇會否更錫身，「老婆永遠在我出門之前提醒，唔好做呀、唔好做呀，我就答好，但應承佢之後，去到拍攝時我又唔記得自己係爸爸身份，跳呀碌呀。我明白佢擔心，但如果自己做到都想做，因為隨年紀漸長，想襯後生時做咗先，如果太危險就會俾替身做。」

本網記者攝

除了拍劇，近期諾懿負責主持《疫境廚神》綜藝節目亦大獲好評，諾懿透露：「個心情比較尷尬，好開心同大家傾計煮嘢食，但傾得耐就知疫情未完，我又好想疫情快完，希望之後將疫境廚神改名，或者拍其他東西。 現時去街市買菜有主婦稱呼我做廚神，但我唔敢認，自問廚藝仲有好多進步空間，自己好開心有一個頻道同大家交流同玩，自己亦學好多新菜式。不過，我喺屋企就少煮，除非大時大節先親自下廚。」

資料圖片

拍劇綜藝兩兼顧，工作忙不停，諾懿竟直言今年幾舒服。「今年幾鬆動，好似拍《刑偵日記》，我係拍得好舒服，綜藝都係，無須日以繼夜工作，變咗多咗好多時間陪老婆同囝囝，所以好享受而家生活。呢一年，睇住囝囝成長，無忽略到佢任何事，反而上天安排囝囝未懂事之前，我就真係好忙，由《燦爛的外母》到《BB來了》，忙到真係返唔到屋企，人又好累，都算係幾奇妙嘅過程。」

由黎諾懿、Ali李佳芯主演的馬來西亞Astro Originals黑幫權謀劇《義和》（The Exiled），開播以來不僅話題十足，而且口碑甚佳，二人飾演的黑幫人物江湖味十足，一洗七年前《BB來了》的新手爸媽形象，新劇不乏追車、講數、槍戰、打鬥等刺激場口，不過吸睛鏡頭的背後，兩位主角都付上「代價」，其中連場打戲的黎諾懿，觸痛舊患，膊頭韌帶九成撕裂，而Ali則指今次角色大部分都是沉重場口，絕對是有血有淚。

黎諾懿、李佳芯飾演黑幫人物，江湖味十足，一洗7年前《BB來了》的新手爸媽形象。

《義和》講述黑幫「義和」老大突然身亡，內部權力真空引爆連場角力，飾演老大老婆「冰姐」的Ali與社團第二把交椅「漢哥」的黎諾懿，及虎視眈眈的黑幫新勢力和警方，展開一場龍爭虎鬥，當中「漢哥」黎諾懿更有連場打戲，黎諾懿表示：「今次有好多古惑仔打鬥戲，有好多拳腳、動刀，最驚險係用到真嘅鐵刀、鐵鏟，要拍啲斬人戲份，真係要好小心，記得其中一個演員打完之後，佢成手都係血，因為佢畀個鐵鏟整親。」

李佳芯、黎諾懿再度合作，默契十足。

靭帶撕裂九成

黎諾懿亦因為拍攝打戲，膊頭嚴重受傷，「本身右邊膊頭有舊患，而為了應付大量打戲，搞到靭帶撕裂咗九成，而家仲醫緊，未完全康復，今次真係瞓身演出。」問到諾懿今次飾演古惑仔，可有向老友鄭伊健取經？黎諾懿自言角色表面斯文、內𥚃兇狠，是一位渴望洗白的古惑仔，沒有任何角色可參考。

飾演江湖人物的黎諾懿，在劇中有不少槍戰。

在劇中連場打戲。

親自上陣演打戲。

為應付大量打戲，觸痛舊患。

至於飾演社團大嫂「冰姐」的Ali，為了投入角色，數月來沉浸在陰沉的情緒當中差點崩潰，她說：「冰姐係一個好多經歷嘅人，老公過身、擔起社團責任，又要打、撞車，仲要有聲嘶力竭咁喊嘅戲份，大部分都係沉重場口，對演員嚟講係好慘，開機拍攝前嘅準備，連埋拍攝，幾個月都要沉溺呢種情緒！好彩暫時呢幾年，我都係一年一劇，有足夠嘅體力同精神去應付，雖然係沉重，但演繹上係過足戲癮，因為正常人生好難會做到呢啲嘢！」

李佳芯為投入角色，數月來沉浸在陰沉的情緒當中。

氣場極大反差

「冰姐」的人設與現實的Ali可謂有極大反差，Ali指：「其實飲酒、食煙，出入夜場，對現實生活嘅我已經係反差，不過講最大反差就係『氣場』，外人可能覺得我好硬淨，但我覺得自己唔係好有氣場，我個底蘊係順其自然，所以同冰姐一出場就要好壓場，喝一聲啲人就靜晒個氣場，好大反差。」

李佳芯飾演社團大嫂，江湖味濃。