三人都認為寧缺勿濫。
張惠雅（Regen）與孖女張蔓姿（Gigi）張蔓莎（Sabrina）早前參與ViuTV真人騷《吃掉前男友》，齊齊大數前度。單身五年的Regen去年底以為遇到真命天子，不惜放低定下的標準，卻換來只能維持三個月的愛情；Gigi跟圈外男友因溝通不足分手，單身了三年；而年前跟吳肇軒公開戀情的Sabrina，早前兩人因性格不合分開。三女雖然單身，但她們認為寧缺勿濫，參與《吃》節目後，更加相信緣份，有愛情當然好，但單身一樣可以好精彩。
點擊看圖輯
張惠雅與孖女張蔓姿（右）張蔓莎（左）坦承作為女藝人真的較難搵對象。
Regen、Gigi和Sabrina因拍攝《吃掉前男友》而成為好友。
單身5年的Regen去年底以為遇到真命天子，不惜放低定下的標準，卻換來只能維持3個月的愛情。
Regen跟前度分手後激瘦，體重只淨下80多磅。
Gigi 跟圈外男友因溝通不足分手，單身了3年，而年前跟吳肇軒公開戀情的Sabrina，早前因性格不合分開。
三女都被節目嘉賓張慧儀的故事所激勵。
節目中，Gigi被林欣彤的愛情經歷感動而狂喊。
Sabrina跟吳肇軒分手後，再見亦是朋友，早前軒仔都有放兩人合照上社交網。
三女雖然單身，但她們一致認為愛情應該寧缺勿濫。
張惠雅與孖女張蔓姿（右）張蔓莎（左）坦承作為女藝人真的較難搵對象。
Regen、Gigi和Sabrina因拍攝《吃掉前男友》而成為好友。
32歲的Regen單身五年，去年底遇上細她5年多的圈外心儀對象，因男方仍未放低前度，令她打爛醋罈，最終戀情只維持了三個月，「我單身咗五年，有set到唔可以細我好多，同埋啱啱分手嘅人，點知set咁多嘢係廢嘅，舊年12月識佢嗰陣，佢係啱啱分咗手冇耐，但係佢同之前嗰個咁深感情，我唔係咁鍾意夾喺中間，有啲可惜，好難得搵到個自己好鍾意好欣賞嘅人。」
單身5年的Regen去年底以為遇到真命天子，不惜放低定下的標準，卻換來只能維持3個月的愛情。
Regen跟前度分手後激瘦，體重只淨下80多磅。
Gigi就單身了三年多，「我又冇覺得好慘痛，我好樂觀面對自己嘅生活，有好多嘢係緣份，我同ex做番朋友，冇特別傷，我喺佢身上仲學到好多嘢，佢係我好欣賞嘅人，大家仲有聯絡。」講到分手原因，Gigi說：「未一齊會有好多幻想，但一齊之後好多生活上、溝通上唔容易，同一個人好溝通好自如咁生活唔簡單，一切隨緣。」
Gigi 跟圈外男友因溝通不足分手，單身了3年，而年前跟吳肇軒公開戀情的Sabrina，早前因性格不合分開。
三女都被節目嘉賓張慧儀的故事所激勵。
節目中，Gigi被林欣彤的愛情經歷感動而狂喊。
至於18年跟吳肇軒因拍《身後事務所》而撻着的Sabrina，就坦承已單身一段日子，但兩人再見亦是朋友，「我哋依然係好朋友，佢見證咗我成長嘅一個人，𠵱家只係換咗一個身份同角色去繼續陪住大家成長，我遇到問題問佢都會覆我，聚會都會見面，間唔中會聯絡。（分手原因？）性格上嘅嘢，大家各有各嘅追求，我諗大家都係事業心重，我哋都想大家事業好，會默默支持大家。我拍呢個節目都有同佢備定案，佢回覆都係好鼓勵性嘅。」
Sabrina跟吳肇軒分手後，再見亦是朋友，早前軒仔都有放兩人合照上社交網。
原來當日兩人拍拖，孖生姐姐Gigi扮演重要角色，因Gigi讀演藝跟軒仔同班了四年，Gigi說：「軒仔聚會時有問過我，可唔可以追我阿妹，好尊重，當然我決定唔到任何嘢，佢鍾意就嘗試，最緊要對佢好。」
三女雖然單身，但她們一致認為愛情應該寧缺勿濫。
三人都認為作為女藝人，確實較難搵對象，Regen說：「會避忌啲，小心少少，自己圈子比較窄啲，呢個年代好多交友app，節目入面教我哋煮嘢食嗰個女人，佢都係交友app識佢老公，仲結埋婚，但係我哋身份唔可以玩呢啲嘢，變咗難啲囉！」不過三人都一致認為寧缺勿濫，Gigi說：「每個女仔都要獨立，當然嚮往戀愛，但係單身一樣可以好精彩。」Sabrina都認同，「自己準備拍拖先可以畀到幸福人，當然可以一齊去尋找，慢慢嗰個人就會出現。」
