Xenia大讚老公有責任心,雖然破咗產,但每月仍有畀家用她。
曾經因為前度張致恆多次偷食,Hurt到幾乎想跳樓的莊韻澄(Xenia,前名莊端兒),於上月12日閃嫁拍拖僅兩個月嘅經理人呂成忠(Joe),變身幸福人妻。對於老公被踢爆欠債累累兼已破產,Xenia力撐老公靠得住:「佢叫我放心,承諾等佢處理好之後,會好好照顧我,我信佢會翻到身。」
![雙喜臨門 Dry足四年終於搵到真愛,莊韻澄一提老公即笑。佢亦希望出年年尾補擺婚宴,到時搞埋百日宴,講到咁白,咁大家明白未?](https://image.bastillepost.com/1024x/wp-content/uploads/hongkong/2020/12/2020120123082113297-1024x683.jpg.webp)
雙喜臨門 Dry足四年終於搵到真愛,莊韻澄一提老公即笑。佢亦希望出年年尾補擺婚宴,到時搞埋百日宴,講到咁白,咁大家明白未?
莊韻澄改名後,真的好運齊來,Dry足四年終於搵到真愛,換上deep V噴血晚裝的Xenia接受《頭條日報》訪問時感受特別深:「喺工作上合作咗年幾,直至今年4月佢先對我表白,9月開始發展。」Xenia表示她一路拖,並用工作繁忙而推搪3次,「為咗想睇清楚呢個人,每次都話遲啲先啦,難得阿Joe每次都肯耐心等候。」
![人妻莊韻澄晒半球性感迷人,笑說老公朝朝起身見到佢應該好開心、好幸福。](https://image.bastillepost.com/683x/wp-content/uploads/hongkong/2020/12/2020120123081950746-683x1024.jpg.webp)
人妻莊韻澄晒半球性感迷人,笑說老公朝朝起身見到佢應該好開心、好幸福。
觀察期間,Xenia會表露自己最差一面,如發脾氣,會好野蠻及不化妝,但因為對方一次表現令她好感動,即時心軟,「發生喺去年社運其間,佢真係好緊張我,覺得一個女仔喺出面做嘢會好危險,成日話『不如我嚟車你啦!就算喺條街有乜事,都係喺我架車啫,唔係你架車。』有次街頭真係遇上催淚彈,佢緊張到捉住我,好驚我會有乜意外,同平時認識嘅佢好唔同。」
![因為要專心跟黃秋生做《大師班》,莊韻澄曾推搪同呂成忠拍拖。](https://image.bastillepost.com/820x/wp-content/uploads/hongkong/2020/12/2020120123083060954-820x1024.jpg.webp)
因為要專心跟黃秋生做《大師班》,莊韻澄曾推搪同呂成忠拍拖。
![為咗主持《Show肌》,莊韻澄再叫阿Joe耐心等吓。](https://image.bastillepost.com/1024x/wp-content/uploads/hongkong/2020/12/2020120123083232379-1024x576.jpg.webp)
為咗主持《Show肌》,莊韻澄再叫阿Joe耐心等吓。
Xenia強調當時和對方並不是太熟,只是曾一起工作,關係曖曖昧昧,「所以當時心諗『真係咁緊張咩?呢個男仔幾有責任感喎!至少有事時唔會掉低你走咗去先!』以前真係遇過呢類人,原來身邊有一個好驚你會受傷嘅人真係好有安全感,都想同呢個人拍拖囉,而且佢唔會口花花,個人好悶好內歛,咁就唔擔心會出軌。」
![32E、24、35嘅莊韻澄身材冇得輸,佢最擔心將來做媽咪時谷奶會好辛苦。](https://image.bastillepost.com/683x/wp-content/uploads/hongkong/2020/12/2020120123083376545-683x1024.jpg.webp)
32E、24、35嘅莊韻澄身材冇得輸,佢最擔心將來做媽咪時谷奶會好辛苦。
![莊韻澄唔介意老公呂成忠破咗產,相信他幾年後會翻到身。](https://image.bastillepost.com/973x/wp-content/uploads/hongkong/2020/12/2020120123082544886.jpg.webp)
莊韻澄唔介意老公呂成忠破咗產,相信他幾年後會翻到身。
對於老公被爆破產,Xenia直認一早知,「合作時都知道佢破產,為乜破產就不便提,但我同老公財政獨立,佢還錢係佢嘅事,我係唔會幫佢還嘅,但佢嘅錢係我嘅錢,我嘅錢係我嘅錢,所以佢好慘㗎,啲錢全部落晒我袋,同埋佢喺呢個環境,每個月都有畀家用我,係個負責任嘅男人,到現時為止喺財政上我都未操心過。」
![當日同張致恆愛得痴纏,一度蒙蔽了雙眼,原諒男友多次偷食。](https://image.bastillepost.com/460x/wp-content/uploads/hongkong/2020/12/2020120123082670038.jpg.webp)
當日同張致恆愛得痴纏,一度蒙蔽了雙眼,原諒男友多次偷食。
![同張致恆拍咗近4年拖,一度想開花結果,仲揀埋婚紗。](https://image.bastillepost.com/345x/wp-content/uploads/hongkong/2020/12/2020120123082712376.jpg.webp)
同張致恆拍咗近4年拖,一度想開花結果,仲揀埋婚紗。
![同張致恆啱啱分手時,Xenia壓力大到胃痛,原來膽石引致膽發炎,要入院做手術。](https://image.bastillepost.com/768x/wp-content/uploads/hongkong/2020/12/2020120123082788215.jpg.webp)
同張致恆啱啱分手時,Xenia壓力大到胃痛,原來膽石引致膽發炎,要入院做手術。
![莊韻澄喺節目《吃掉前男友》中爆喊,指喺記者口中得知前度多次出軌,飽受情傷。](https://image.bastillepost.com/1024x/wp-content/uploads/hongkong/2020/12/2020120123082812628-1024x576.jpg.webp)
莊韻澄喺節目《吃掉前男友》中爆喊,指喺記者口中得知前度多次出軌,飽受情傷。
![張致恆同雯雯奉子成婚後,目前係兩子之父。](https://image.bastillepost.com/768x/wp-content/uploads/hongkong/2020/12/2020120123082985621-768x768.jpg.webp)
張致恆同雯雯奉子成婚後,目前係兩子之父。
至於前度張致恆老婆雯雯反撃Xenia數他老公,不滿的表示:「唔使提醒我老公係一個咩人!」Xenia笑言:「有啲嘢發生咗就發生咗,佢哋開心咪得囉,我諗佢哋相處咗咁耐,唔會唔知對方係咩人,當然佢好愛老公先至會咁講啦,比着我都會咁做。」