茶水姐姐拒洗高層骯髒飯盒 慘遭針對被調職

飯盒滿佈食物殘渣，只用開水浸住

職業無分貴賤，不同職級都應該互相尊重。近日有網民分享指，公司外判茶水姐姐因拒洗女高層的骯髒飯盒，被對方不斷投訴，最後更被逼調職。事主嘆茶水姐姐平時盡忠職守，丈夫又曾中風行動不便，擔心茶水姐姐會失去工作。不少網民看到帖文，留言怒斥女高層無理取鬧。

女主管自恃職位高就欺負茶水姐姐。示意圖

有網民在社交網站Facebook專頁「辦公室日報」投稿，指公司的外判茶水姐姐嫻姨平日主要負責整理行政部的茶水間，包括洗杯、倒垃圾等，平日亦很盡責。惟樓主的女主管每次都會把飯盒放在茶水間，要求嫻姨為她清潔。樓主形容女主管的飯盒非常骯髒，「啲飯粒同埋餸頭餸尾唔會先倒落垃圾桶，真係就咁開水喉水浸住，因為積水緣故，好多時啲飯粒啊、骨頭啊、肉屑啊，仲會瀉晒出嚟塞住鋅盤，我行過都想作嘔，先唔計咩氣味，淨係個畫面已經好似嘔吐物」。

茶水姐姐因拒洗高層飯盒而被投訴。示意圖

雖然清洗飯盒並非嫻姨的工作範圍，不過嫻姨仍妥協願意幫忙，但要求女主管需先清理好食物殘渣，怎料女主管因此勃然大怒，認為嫻姨「落佢面」，多次打去外判公司投訴。而早前嫻姨不慎打破一隻價值約6元的水杯，女主管更借題發揮，「話嫻姨態度唔好，特登打爛嘢，要求換另一個pantry lady，同時叫外判公司炒咗嫻姨，唔好用一啲唔聽話嘅員工」，最後外判公司亦派了另一個茶水姐姐代替嫻姨。

資料圖片

樓主因為擔心嫻姨被人解僱，於是向新來的茶水姐姐及外判公司打聽，結果得悉嫻姨原來需要照顧中風的丈夫，膝下無兒無女，嫻姨事後一度擔心詢問「隻杯係咪好貴？」，打算賠錢道歉。而外判公司則表示，並沒有解僱嫻姨，只是將她調到另一棟大廈工作，又指「我哋唔會再做你公司生意㗎啦，因為你阿姐成日投訴，太麻煩嘅客唔想留住啦，加上呢棟大廈幾個姐姐都知你公司惡做，個個都唔肯嚟，今日個pantry lady捱義氣頂到月尾㗎咋！」

資料圖片

樓主指，因為沒有外判公司肯委派茶水姐姐來工作，令到公司需要額外出錢聘請茶水姐姐，據知連老闆亦對此表示不滿。有不少網民看到帖文後，都斥女主管以為身居高位就可以欺負人，「以為有錢就大晒」、「呢個世界硬係有啲人自覺高人一等，做茶水同admin咪又係打工」、「個啊head自己都係打份工，做清潔姐姐都係一份要尊重嘅工種，無咗佢地幫手，唔通佢會自己清垃圾桶啊！」

鸚鵡除了會學舌，還特別記仇。近日就有市民因一時大意無情驅趕一隻白色野生鸚鵡而「得罪」對方，翌日竟遭逾20隻同類鸚鵡「大軍壓境」報復，不但咬爛天台燈飾，更每隔數日上門「巡舖」，令事主束手無策，最終不得不上網求救。

threads圖片

事主日前在Threads以「發生一啲好離奇嘅事情」為題撰文，指早前在在家天台發現一隻白色野生鸚鵡，丈夫不假思索揮手驅趕其離開，誰想到翌日天台竟出現逾20隻同類鸚鵡，「點知第二日佢叫咗20幾個兄弟嚟」。這群鸚鵡不只將天台燈飾咬爛，更每隔幾日就會再度到訪「巡視」。

threads圖片

threads圖片

事主更拍下鸚鵡大軍壓境的影片，可見有2至3隻鸚鵡在天台附近不斷徘徊，被逼得哭笑不得且走投無路的事主直言「我都冇佢哋辦法」，未有上網求助萬能的網友。

threads圖片

threads圖片

帖文曝光掀起網民熱議，有鳥類專家一眼認出該批白色鸚鵡是瀕危物種「小葵花鳳頭鸚鵡」：「全世界2000隻，全港200隻，你天台20隻」、「全球野生小葵花僅剩二千隻，香港佔了二百隻，全球第二大族群」、「極度瀕危、極度頑皮、極度記仇，你真係大鑊了」、「得罪野生葵花群，你有排受了」、「得罪咗銅鑼灣揸fit雞」。

事主得悉該批鸚鵡是瀕危物種後，亦在求助帖文後留言回覆：「真係多謝大家咁熱心，雖然佢哋而家每日都嚟探我，但係其實我哋都係好被動嘅，我都唔敢掂佢哋，所以愛護動物嘅朋友唔使擔心。」