Don李逸朗在FB一張與Mandy蔣雅文「七年之約」的合照和自嘲短片令退隱已久的Mandy不滿，貼文澄清同Don無拍過拖，搞到粉絲都不明白這對拍檔可以突然變得如此陌生。
資料圖片
Don在2005年被當時所屬公司安排，與前3T成員Mandy組成「Don & Mandy」，並發行過三張大碟、並拍電影、廣告及出席活動。兩人鏡頭前成日手拖手態度親密，被不少粉絲認定是一對，但Don當時其實已跟葉翠翠拍拖。
資料圖片
可惜Don同Mandy星運平平，Don自稱患了情緒病要服情緒藥，工作上與Mandy有太多磨擦；Mandy亦曾認兩人對工作期許和處事方式不合，甚至影響到日常生活，於是在07年決定分道揚鑣，各自發展。
資料圖片
Mandy翌年向英皇娛樂請假半年到台灣學設計，09年在台北與朋友合資開咖啡店及服裝店，並表明不會重返娛樂圈，去年底和台灣生意拍檔朱經雄結婚。
圖：蔣雅文FB
而Don在2010年與英皇結完約後往內地發展，一直無跟香港友人包括Mandy聯絡，成為香港樂壇「失蹤人口」，但他一月突然蒲頭推出翻唱專輯，一首哭腔《傻女》成為網絡紅人，並找一班昔日友人見面，並與Mandy拍了世紀重遇合照。
資料圖片
ViuTV原創劇《foodpanda 呈獻：存酒人》逢星期一至五晚上9時30分播出。劇集講述「市井酒吧」因快將結業，所以將多支無人領取的存酒歸還給客人。過程中，意外地發現每支存酒的背後，都有著獨一無二的故事。而在酒吧進行倒數的階段，眾人為這裡帶來令人難以忘懷的燦爛時光。
蔣雅文、Julio@Soler驚喜組合成首支存酒故事主人翁。
昨晚（12月22日）播出的第一集，就有8、90後童年回憶人物蔣雅文（Mandy）和Soler成員Julio成為首個故事的主角。二人已多年未有在香港參與幕前演出，相信會勾起不少觀眾的回憶。上次拍戲已是18年前的Mandy坦言今次劇本內容令她很感動：「可能自己都有返咁上下人生經驗，所以有時候都會懷念過去。過去有好多回憶的而且確經歷完、吸收完啲養份先會喺度。劇本都係想帶出咁樣嘅Message」。第一次合作的Many和Julio於戲外有不少共通點，她笑言二人同是處女座、少少混血和父母性格亦十分相似。Mandy分享指幕後團隊在選角的過程中直覺二人會有火花和共鳴，令她未開始時已十分期待合作。
蔣雅文指拍攝開始前已十分期待和Julio合作。
蔣雅文坦言被劇本感動答應演出。
而Julio分享指同是被劇本吸引，又大讚角色很有魅力：「角色有種我好鍾意嗰啲好似好頹廢又翻生嘅感覺。成個劇本結構都幾鍾意。存酒呢樣嘢，每一支酒都有一個人嘅故事。透過每一集，希望大家明白好多我哋認為無乜意思嘅嘢，其實後面可能有個故事、歷程。多啲留意身邊嘅人同細微嘅嘢，可能會搵到啲好矜貴嘅體驗」。今次劇集令久未在香港拍攝的Julio重遇很多熟悉的臉孔，十分開心：「今次有差唔多同時間出道嘅一班演員，甚至乎我嘅造型都似返當時出道嘅樣，好似翻返去出道個陣嘅感覺」。
Julio大讚角色有魅力！
Julio亦是被劇本吸引而答應演出。
