IG被hack頭像變大波妹 許廷鏗崩潰：點解要揀張咁冇taste嘅相

好彩最後都攞得返個帳戶。

日前勇奪「叱咤男歌手金獎」的許廷鏗（Alfred），昨晚（5日）IG帳戶遭黑客入侵，頭像被換成性感女子，個人簡介被更改，並貼了一個土耳其國旗圖案，原有的貼文更慘被刪除，令Alfred欲哭無淚，幸好數小時後成功取回帳戶。

黑客入侵了許廷鏗IG，並上載了一張土耳其國旗相片並寫道「Red and White」。

Alfred昨晚在FB發文求助:「Instagram被hacked#點解要揀一張咁冇taste嘅相做profile #唔好再delete我啲post啦#打得好辛苦㗎救命#你邊度人啊」。

許廷鏗昨晚FB發文求助。

網民不斷留言提供方法和並安慰Alfred：「希望快啲攞得返，hacker好無品，delete咗好多千字文」、「要經常改password，避免用出面嘅wifi」、「你post個有胸肌嘅相出嚟啦，等hacker知何謂叫靚。」

許廷鏗成功取回帳戶後，撰寫長文描述過去數小時的心路歷程。

數小時後，Alfred透過Instagram官方協助，成功取回帳戶控制權，被刪除的貼文亦成功還原，但他在IGTV上的影片卻無法取回。重奪主權的Alfred留言：「各位我回來了！」他表示過去數小時經歷了2021年第一個失而復得，坦言剛才心情很慌亂，看着自己用心雕琢的貼文不斷被消失，感覺很難受。

許廷鏗取回帳戶後，上載一張日前在叱咤頒獎禮後台拍下的照片。

Alfred上載一張日前在叱咤頒獎禮後台拍下的照片：「這張相攝於當我拿了男歌手金獎的後台一瞬間、台上再鎮定 我都會有情緒爆發的時候、是感動的眼淚，正好用來表達我現在的感受、謝謝instagram各地方的專才、謝謝替我擔心慰問的所有朋友家人、謝謝你們的關心及愛、謝謝留言給我的你們、原諒我慌張得失常、我會好好繼續為大家經營好我們的橋樑、有什麼都可以隨時繼續在這裡分享交流。」最後他表示2021年請繼續指教，一再強調被黑客更換的頭像品味其差，馬上把頭像更換成自己的照片。

許廷鏗在今屆叱咤頒獎禮首奪叱咤男歌手金獎。

其後，Alfred又在IG限時動態幽默分享，笑言被黑客入侵期間，帳戶反而多了粉絲追蹤：「唔見IG Account，反而多左（咗）1K followers，係唔係大家鍾意大波妹多啲」。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。