由「馬子妮」到「水姐」，蔣家旻的演技令觀眾眼前一亮。
《萬千星輝頒獎典禮2020》各大獎項揭盅，「飛躍進步女藝員」獎項由蔣家旻奪得。現年31歲的蔣家旻入行13年，參演過多部為人熟悉的劇集，得獎一刻感慨萬分。
本網記者攝
默默耕耘13年，提及首次演藝上的滿足感，蔣家旻馬上想到是參演10年前的神劇《天與地》。「我當時飾演少女版呀佘，因為我無諗過有咁大迴響，當時我哋有好多訪問，亦都令觀眾留意到我哋幾個年青人，當時係好有滿足感。當時嘅我哋好直接去演，唔需要加任何雜質去演出。」
本網記者攝
本網記者攝
其後，蔣家旻幸運遇上「馬子妮」一角，令「妹妹」形象成功入屋。本以為漸漸可以獲得監製賞識，但家旻卻沒因「馬子妮」而得到更多演出機會。「當拍完《愛回家》處境劇，未有其他劇集拍會好唔習慣，即係個摩打好似突然剎停咗，咁一直等嘅時候就諗，點解仲未有劇拍？就會開始好迷惘，覺得自己儲了4年觀眾緣，最後又被人標籤咗我只可以做細妹，都好無奈，唔係我想一直做細妹，因為個形象太深入民心，全人類都覺得我係馬子妮嘅時候，咁就要搵方法去改變，當時係有少少迷惘同不知所措，因為演員係被動，我想同大家講我都係等待一個機會去改變。」
網上圖片
網上圖片
網上圖片
直至去年《反黑路人甲》的成功，憑著出色演技，令觀眾完全感受到「水姐」那種嫵媚感覺，最終實至名歸奪得殊榮，她在訪問中特別感激一位好姊妹──朱千雪。「頒獎禮之前，大家都有支持我，投我一票，叫我平常心面對，平時我哋好少講一啲肉麻嘅說話，收到佢哋嘅鼓勵係好窩心，我亦好想衷心多謝朱千雪，因為佢喺我拍《反黑路人甲》時幫我好多，佢唔係在演戲上幫我，因為佢話自己都係好理智演戲，佢亦好相信我演戲能力，反而係要令我有信心，佢會分享同王浩信合作嘅點滴，然後話我知唔應該給自己太大壓力，又例如我外在條件唔夠高ling咁高，我可能會質疑自己做唔到黑社會大家姐，但我相信監製選角。」
網上圖片
「千雪會同我理性分析，叫我唔好諗個角色會帶給我什麼，而係嘗試搵一些同類型演員去參考，佢提起周迅，因為她個子唔高，但演繹剛強角色處理得好好，不會因為她身高而影響角色說服力，千雪令我思維清晰，放下一些無謂的擔心或者自卑，可以全程投入去演好這個角色，最後我得到的比我預期多，我當初純粹希望得到大家見我成長，但現在得到更多是大家認同和進步，以及希望我得獎，所以2020年我不敢說是一個收成期，但對我來說算是有少少成績，終於可以給大家見到我可以眼前一亮！」
網上圖片
網上圖片
Hair: Jay Cheung @ Hair
Make up : Stephen Lau
場地安排: Barry工作室
場地: Kolworkshop
由測量師轉戰幕前、憑《東張西望》中敢言採訪風格令人印象深刻的俞可程（Kanis），近日接受本網專訪，暢談參選港姐的另類原因、父親對其轉行的反對，以及擔任主持的各種「奇遇」。
「東張女神」俞可程（Kanis）近日接受本網專訪。
俞可程憑藉在《東張西望》中敢於挑戰棘手個案的硬朗作風，迅速獲得觀眾注目。
Kanis接受專訪時直言，轉行全因想「走出舒適圈」，即使面對父親的傳統觀念，她亦選擇以行動證明自己，將一切視為推動工作的力量。
分手後想搵新目標 計過數覺得選美「冇蝕底」
Kanis參選港姐的決定，背後有段鮮為人知的故事：「當時同男朋友分手冇幾耐，個人空虛虛，想搵啲嘢填滿個生活。」恰巧完成測量師牌照考試及累積四年工作經驗後，她對刻板生涯感到「好悶」，渴望「走出舒適圈」。她更以一套現實計算解釋動機：「出面學禮儀班、化妝班好貴㗎！選港姐免費有得學，仲可以去旅行拍外景，我覺得點計都冇蝕底。」她笑言自己首次面試時「求其打個底，連眼影都冇化」，正是抱著學習心態踏出第一步。
現年27歲的俞可程為2024年港姐十強佳麗之一。
Kanis在決賽當晚表演空中瑜伽獲得不少掌聲。
俞可程坦言選港姐是分手後想填滿生活。
她更笑言：「免費學禮儀化妝，點計都冇蝕底」。
父親傳統盼女穩定 三女一男家中靠母親家姐支持
轉行之路並非一帆風順，Kanis透露父親一直不贊成：「佢好傳統，覺得我讀咁多書應該做返份穩定工，唔好拋頭露面。」她理解父親的擔憂：「佢覺得呢一行好唔穩定，都擔心我收入唔穩定同壓力大。」然而，家中「三個女人」——母親同家姐均全力支持她追夢，父親最終亦無奈尊重女兒選擇。Kanis坦言現時父親態度沒有改變過，但她會以行動證明自己。
俞可程於香港城市大學測量學學士畢業，2023年正式考獲測量師牌照。
參與過大大小小許多不同的建築項目。
雖然落選但俞可程仍獲TVB賞識簽約成為旗下藝員，擔任收視保證節目《東張西望》主持。
Kanis毅然放棄工料測量師的高薪厚職。
但轉行之路未獲父親支持，幸得媽媽家姐鼓勵。
俞可程坦言父親至今仍不認同其轉行。
但她決心以行動證明自己。
早前她與網民玩「你問我答」時，意外曝光索爆家姐。
主動要求追訪棘手個案 試過驚到心都離一離
加入《東張西望》後，Kanis主動要求挑戰前線追訪工作：「我專登打聽邊組係做麻煩個案，主動加入，反正入得行就想試多啲啦！」她分享曾因追訪一名樣子兇神惡煞的健碩男子而感到害怕，但更多時候是為受訪者故事動容。她特別提到「名校補習社」及「虐老」兩個個案，直言聽到受害人心聲時感觸落淚：「做人點可以咁冇良心？」
俞可程憑「靚樣靚身材」而深受網民追捧，成為「東張女神」之一。
她亦非常識做，不時在社交平能分享靚相派福利。
俞可程IG圖片
俞可程專揀《東張西望》最麻煩個案，希望挑戰自己。
Kanis淡定而充滿智慧的主持方式贏得了眾多觀眾的讚賞。
為了做好訪問，她每單個案都會親自上網「起底」，做足功課。
面對採訪對象兇神惡煞，俞可程都試過驚到心都離一離！
本網記者攝
本網記者攝
俞可程表示會反省網上負評，主動同節目組溝通求進步。
認真備案親自「起底」 網民Cap圖當宣傳
Kanis對工作極為認真，每接到個案都會提前做足功課：「會自己上網『起底』，睇晒對方嘅舊Post，諗定幾個訪問方法。」對於網民經常截圖其採訪畫面，戲稱為「魔鬼視角」，她大方回應：「我覺得其實都幾creative，最緊要大家肯關注單新聞，係好事。」
俞可程展現高情商，大方回應「魔鬼視角」截圖。
俞可程更笑言樂於為網民提供新Cap圖。
《東張西望》節目截圖
《東張西望》節目截圖
本網記者攝
面對負評反省調整 盼嘗試拍劇拓展戲路
面對網絡負評，Kanis自認是「絲打」，會仔細審視網民留言：「最唔開心係連自己都覺得做得唔好嗰陣。」她以「公屋賣淫」個案為例，指曾反思自己語氣是否過硬，並會主動與監製、編導溝通，尋求改善。展望未來，她希望嘗試拍劇：「咩類型都得，我係新人乜都想試！」她更不介意被傳媒稱為「意外界KOL」，笑言：「希望下年可以大紫大紅！」
俞可程去年非常黑仔，曾遇上恐怖車禍，在左臂留下巨大傷疤。
之後接受激光矯視手術又發生罕見意外，令「眼角膜皺摺埋一齊」。
展望2025年，Kais希望嘗試拍劇：「我係新人乜都想試！」
場地提供：Madame Fu-Grand Cafe Chinois；髮型：Jan Chiu@Il Colpo Group
