港女苦惱應否分手 只因男友拒生B

亦有網友指，並非生小朋友才算完整的家庭。

設計圖片

不少人都希望「結婚生仔」。近日有一名28歲女網民表示，與男朋友拍拖3年，已到談婚論嫁的階段，惟兩人一直在生小朋友的問題無法達成共識。女網民苦惱多時，最後向網民求意見，「係咪應該搵過第二個會同我有小朋友嘅男人？ 」

設計圖片

該位女網民於「香港討論區」上發文指，與男朋友於網上結識，拍拖已3年，最近亦正式見家長。對方曾向她表示有結婚意欲，並暗示待疫情完結後就會求婚。惟兩人在生小朋友的問題上一直都未有共識，「我想生小朋友，但佢唔想」。女網民曾開玩笑說要跟他分手。

女網民表示，自己一直希望可以有自己家庭，惟男友卻持不同意見指，目前環境不適合生小朋友，更稱「佢覺得養仔，不如養寵物」，「佢話我都好鐘意貓貓，可以一齊養」。女網民直言希望在3年間令雙方的想法有改變，「我以為我呢三年可以改到佢既想法，或者可以比佢改到我既想法」，惟失敗告吹，最後她亦吐出心聲，「我係咪應該搵過第二個會同我有小朋友嘅男人？ 」

港女望生B，但男友卻不想，令她感頭痛。unsplash圖片

女網民其後補充指，男朋友各方面都十分遷就她，性格好好，惟在生小朋友問題一直無法達共識，令樓主開始質疑互相愛得不夠深，「我覺得佢可能唔夠愛我，但我真喺好想生小朋友，可能我都唔夠愛佢」。

設計圖片

帖文引起不少網民的討論，很多網民認為若價值觀不同，無謂再勉強一起，「核心問題不一致，可以分手」，「他已作出唔生仔決定，勉強冇幸福」，有人指並非生小朋友才算完整的家庭，「兩個人唔喺家庭咩？一定要有仔女先叫家庭咩？」，亦有網民表示生小朋友面對的經濟壓力巨大，籲女網民應先考慮清楚再決定。

日前社交平台流出一條短片，只見一隻白鴿突然闖入地鐵車廂，剛開始車廂內的乘客還可以冷靜應對若無其事，但當白鴿在車廂內亂竄，有乘客驚慌逃離，而現場亦不斷傳出嘩嘩聲！

一隻白鴿突然闖入地鐵車廂，港鐵職員拿着捕網捉捕。threads影片截圖

白鴿在車廂內亂飛。threads影片截圖

乘客遭「空襲」車廂嘩聲四起

片段中的白鴿一開始只是在車廂內「慢步」，但當醒覺有港鐵職員持着捕捉網接近時，即警愓地在車廂內拍翼亂飛，港鐵職員亦即場向控制室報告「飛咗入去車廂內」。此時白鴿飛撲向其中一名女乘客，乘客即起身避開，行去第二個車廂，其後另一名女乘客亦慘遭「空襲」，令車廂嘩聲四起，女乘客隨即躲避。片段在此結束。

白鴿在車廂內亂飛。threads影片截圖

女乘客不幸被白鴿空襲。threads影片截圖

網驚：飛埋嚟就會好驚

樓主寫到「白鴿搭地鐵唔使比錢呀」，有網民留言回應並上載短片，「今朝早見住佢走入嚟車廂」，片中有隻白鴿車廂內悠閒地踱步。不少網民都指當時的場面頗為嚇人「勁恐怖！」、「嚇死人」、「離遠見到唔係好驚，但飛埋嚟就會好驚」。

有網民留言回應並上載短片，「今朝早見住佢走入嚟車廂」。threads影片截圖

網民笑稱要「捉佢逃票」

但有網民就好奇隻白鴿點入到去？更有人形容這隻鴿「放蕩不羈」，笑稱要「捉佢逃票」。另有人網友搞笑猜測白鴿只是「攰，想唞吓啫」，估計「到站開門自然會走㗎啦」、「其實佢到站會自己落車？」。

有網民留言回應並上載短片，「今朝早見住佢走入嚟車廂」。threads影片截圖

港鐵回應白鴿之後去向

港鐵回覆傳媒查詢時表示，1月3日屯門站職員曾登上屯馬綫列車處理有雀鳥飛進車廂，其後雀鳥飛走並離開車站。