過往不少人視轉售新款iPhone為商機，多多少少賺返啲，不過今次iPhone 6s似乎燶味十足，炒價在今早開售一小時後每況愈下，部分型號更跌穿原價，只剩下玫瑰金色iPhone 6s Plus可炒高，最多可賺約一千元。
本網記者攝
今早全港掀起一股炒風，有誰又料到iPhone 6s會炒燶呢。本網記者走訪旺角先達廣場多間手機店，雖然仍有店舖收購iPhone 6s，惟炒價未如市場早前預期中高，部分手機店更已停收，以免賣唔出。
本網記者攝
以其中一間手機店為例，除了玫瑰金色iPhone 6s及iPhone 6s Plus可炒高約120元至900元外，其他顏色均全部跌穿原價，相信打算轉售iPhone 6s賺錢的市民欲哭無淚。
本網記者攝
手機店負責人劉志剛(Lo哥)表示，iPhone 6s炒價在今早開售一小時後已開始下跌，「有諗過一個鐘後就開始跌價，但無諗過(價位下跌)咁快」。
Lo哥 (本網記者攝)
Lo哥指，iPhone 6s開售前接到約50張訂單，今早收購的手機已夠應付訂單，暫時不會再收機，除非有新訂單，以免滯銷。他坦言「今次比之前難賺，賺好少， 之前每部賺幾百，現在每部只有100至200蚊」。