田蕊妮與193合照 引用對方金句：知我咩料啦

網民表示期待兩人合作。

田蕊妮（阿田）於周日完成十多場舞台劇《聖荷西謀殺案》，今日她在社交網一連出了兩個Po，笑認患上「完Show後遺症」，不停重溫舞台劇花絮照，更貼出一張與「宇宙天團」ERROR成員193（郭嘉駿）的合照，並引用對方Hit爆「金句」留言：「193同我玩自拍！知我咩料啦！」

觀看相關影片按以下畫面：

見阿田小鳥依人般仰望193，十足小Fans一樣，有網民即笑指：「拍埋一齊，你似少女」、「重點係身高唔爭太遠」、「阿田都幾高」，同時亦有不少人留言呼籲二人合作，又笑指若阿田老公杜汶澤與ERROR合拍節目的話，未知誰人的爆粗率更高！

MV中，193仲同女主角有「牀戲」！

193於新歌MV中獲靚女餵食水果。

此外，193透過《ERROR自肥企画》得到出歌機會，MV更找來兩大女神級KOL阿冰及Ah Gi任女主角，當中不乏「牀戲」及餵生果，仲有被阿冰用「死亡行星」攻擊的橋段，難怪網友也取笑他是「真自肥」！

193透過《ERROR自肥企画》得到出歌機會。

自稱患「完Show後遺症」的阿田，不停重溫舞台劇花絮照。

昨晚播出的《ERROR自肥企画》幕後花絮，「格仔導演」Mike及團隊公開拍攝辛酸史。

另昨晚播出的幕後花絮中，「格仔導演」Mike及團隊自拍如何在困難中堅持拍攝，感動不少觀眾！

193邀得女神級KOL Ah Gi做MV女主角。

193邀得女神級KOL阿冰做MV女主角。

193再次被「死亡行星」擊中！

阿田遇上193即變得小鳥依人，不少網民都笑她似少女！

《自肥》團隊大談如何在困難中堅持拍攝，感動不少觀眾！

組合ERROR成員郭嘉駿（193）日前到新城廣播接受葉文輝（啤梨）主持的《梨事會》錄音訪問，193去年因「跑車事件」引發輿論風波，他在訪問中透露事件發生後事業陷入低潮，更驚爆自己出現創傷後壓力症候群（PTSD）症狀。

193郭嘉駿接受新城廣播《梨事會》訪問。

193直言購買跑車是為了實現童年夢想，並強調這是靠自己努力賺取的成果：「我自從返到香港出嚟做嘢之後，冇問過屋企攞一分一毫，我覺得自己好努力得到呢啲嘢，實現自己夢想覺得好好。所以我真係好想喺呢個年齡用我嘅錢去買一架車，如果我等到50、60歲先買，已經唔係嗰個感覺，我年輕時擁有過，我對得住自己。」

事件發生後，193痛定思痛，將跑車賣掉，「我擁有過就已經好叻，但以後唔好咁招搖，招搖一次就夠。」可是，情緒仍受到衝擊，事業亦陷入低潮：「係有啲驚，有PTSD（創傷後壓力症候群），覺得好sad，好似全世界都喺到講，我覺得自己錯咗，但你改變唔到，只能夠認錯，每日都匿喺屋企，工作又取消晒，最重要係嗰種無力感，真係發生咗，你認一百次錯都改變唔到。」

193與主持人葉文輝

後來他親自填詞寫了一首歌《Keep Walking》作自我療癒，「我發覺我聽番自己嘅詞，個人都正面咗，有時會有人DM我，話我首歌啲歌詞鼓勵到佢，幫到人我覺得無憾。」

193剖白「跑車事件」後遺症。

193在訪問中主動提及，從小是新城廣播的忠實聽眾，童年時期經常於深夜躲在被窩偷聽啤梨主持的《卡拉O！BABE》，他憶述：「媽咪叫我瞓覺，我就喺床上偷偷哋聽。」他坦言當時已幻想終有一天都要打來點唱，但因性格害羞而未有實行。

對於入行初衷，193表示：「純粹覺得主持賺到錢……我覺得我有個外形，高高大大，我又會講英文，廣東話都OK，做一個正常嘅MC好似好合情合理。」未料參加《全民造星》後，人生走向完全不同。

驚爆患PTSD陷人生低潮！

今年是ERROR成軍七週年，193回應關於團隊關係的提問時坦言：「當然有爭執，尤其係初出道，大家四個唔同嘅個體，突然間要困埋一齊，係會有好大嘅分歧，所以初時成日嗌交。」但經過多年磨合，現在反而想見一輩子，「大家都知道你底線係咩，會互相遷就，好似情侶咁。」

詳細節目內容，請留意12月9日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo/