印度多粉絲可去當地發展 成家宏拒任陳欣妍經理人

Karan話：「咁我仲點做演員呀！」

陳欣妍（Shirley）跟印度裔成家宏（Karan Cholia）首度合作港式Bollywood電影《我的印度男友》。Karan雖然在港長大，但要應付戲中大部份廣東話對白仍有難度，幸好有Shirley和喬寶寶指點。由於疫情關係該片未能到印度取景及宣傳，令Shirley大失所望，但Karan爆她印度已有很多粉絲，可去當地發展，提議Karan做Shirley印度經理人，他竟斷言拒絕，「咁我仲點做演員呀！」

Shirley跟Karan合作後成老友，Shirley笑指兩人是歡喜冤家。

由於是初次合作，Shirley見Karan比較cool，唯有做主動，「佢唔笑個樣好cool，但原來只係怕醜，比較慢熱，拍拍吓有日拍外景喺個島上面，我就問佢情史初戀嗰啲，傾完偈我哋就熟咗啦！」

戲中兩人感情經過好多波折同壓力，當然都有sweet時。

這場在的士的激咀戲，由於時間緊迫要一take完成，他們已不懂得尷尬。

Karan經常講廣東話，但面對戲中廣東話對白，他一樣呻難，「我同家姐、細佬會講廣東話，父母就講印度文，同印度朋友講印度文同英文，同香港朋友講中文同英文。我識睇少少中文，劇本我會睇咗英文再睇中文，叫埋朋友幫我錄音，我再寫拼音背，都用咗好多時間。（邊句對白特別難？）家有一老如有一寶，係喬寶寶幫咗我！」在片場Shirley和喬寶寶都是他導師，特別戲中爸爸喬寶寶會當他仔來照顧，「佢會話畀我聽應該點樣講，自己怕醜，佢叫我唔好咁怕醜，『得㗎啦，爸爸喺度呀！』」

Karan大讚前輩喬寶寶戲裏戲外都好照顧他。

Shirley最初得知去印度拍外景勁興奮，可惜最終因疫情，連去當地宣傳都有困難，令她好失望，「𠵱家都未知印度幾時上，或者喺院線定喺線上睇，因為當地疫情好嚴重，就算上得院線都唔會係短期內嘅事，所以未知佢哋計劃係點。我本身諗住着套好靚嘅印度衫，喺好靚嘅景擺吓甫士跳吓舞，我係好想做，但係去唔到，我係諗住去打咭同埋食嘢，希望下次有機會啦！」

Shirley本來期待着上這些靚靚印度衫去當地靚景下拍攝。

Karan爆Shirley因該片在印度已有好多fans，Shirley興奮話：「我收到好多印度電影嘅casting，我真係好想好想去，但係𠵱家去唔到囉！」叫Karan幫她做經理人，怎料Karan竟露出個嫌棄樣，「我幫你做經理人，我仲點做演員呀！」

Karan爆Shirley印度多fans，Shirley承認收到好多印度試鏡邀請。

ViuTV節目《不一樣的愛情》逢星期一至五晚上10時30分播放，由鄧小巧（小巧）、黃正宜（阿正）、何居倬（Adams）和黃凱逸（Zelos）擔任主持，與觀眾一同走進各式各樣看似不相襯的親密關係之中，仍能在彼此世界裡，找到屬於他們的默契和愛。

明晚（12日）《不一樣的愛情》播出的最後一集，請來沈震軒與陳欣妍（Shirley）擔任嘉賓。

明晚（12月12日）播出的節目最後一集，請來沈震軒與陳欣妍（Shirley）擔任嘉賓，分享兩人相差十年的相處之道。二人同為演員，Shirley 憶述初次相識是在一次拍攝現場，當日日曬雨淋，加上正值生理期首日，身體十分疲憊。然後沈震軒主動讓出座位，並從背包中取出朱古力給她補充體力，其細心體貼的一面，令Shirley對他留下深刻印象。

沈震軒與Shirley談到同居生活，形容是「一凹一凸」的組合。

Shirley形容沈震軒與自己過往認識的男士十分不同，「原來搣咗層紗布先知佢咁穩定，好似執到寶咁」，她直言過去遇到的對象多屬「Playboy」或不夠穩重，而沈震軒卻性格自律、專一，生活作息固定，就連健身時聽的歌曲清單七年來都未曾改變。

沈震軒亦分享，真正令他對Shirley產生好感的一刻，是某次送對方回家時，對方即使比自己年輕十年，仍能對自己創作的歌詞產生共鳴，令他深受感動。相處過後，Shirley的處世態度亦讓他學會放鬆心情，他坦言：「尤其我哋八十後男士，成日覺得唔可以放假，要做到隻牛咁，最好係身邊嘅人可以令我放鬆，而佢就係嗰個人。」Shirley亦補充指，沈震軒即使只是駕駛時行錯路，都會責怪自己。

沈震軒稱「男人聽女人話會發達」。

談到同居生活，兩人形容自己是「一凹一凸」的組合。沈震軒喜歡整齊但不算潔淨，Shirley則剛好相反，喜歡潔淨卻較不善整理。磨擦自然難免，沈震軒笑言：「雖然我好鍾意佢，但佢有好多嘢都令我唔順眼，尤其係佢嗰種『Chill』、『慢』，真係會令人炆憎。」至於解決方法，沈震軒表示二人吵架「唔會隔夜」，一定要當日解決。Shirley聽後忍不住偷笑，直言對方清楚自己最大問題是只有短時間的專注力：「你最好Chur盡嗰十分鐘，之後我就無㗎喇。」她亦形容沈震軒是「道理王」，由平復情緒、整理思緒到講道理，整個過程需時六小時，但又必須在睡前解決，令她哭笑不得。

被問到情侶一同經營生意會否帶來壓力，兩人坦言反而更享受一起承擔。沈震軒亦透露，生活中大大小小的事情都會顧及對方感受，給Shirley帶來十足安全感。他更笑言，有時會將最後決定權交給另一半，因為相信「男人聽女人話會發達」。二人因同居關係，工作早已融入生活之中，就連閒話家常亦離不開工作，但彼此均未感到困擾。

節目中Shirley亦爆料，沈震軒每日在健身室待足四小時。沈震軒澄清，真正訓練時間只有兩小時，其餘時間多數用作招呼客人、聊天及整理器材。不過Shirley則反指，即使在家中私人健身房，對方同樣待足四小時。沈震軒隨即解釋，純粹因為太愛健身器材，總希望將擺放位置調整至最完美狀態。

Shirley大讚沈震軒專一。