小儀及學而參加ViuTV《中女唔易做》。
ViuTV《中女唔易做》剛在本周一（24日）首播，49歲的趙學而及50歲的阮小儀分別化身電器售貨員及農夫，體驗藝人以外的生活。在學而眼中，30多歲已是中女，雖然她當時甩拖兼負資產，但一個人更自在，「我對自己幾有信心，反正拍少一陣拖問題唔大，趁單身去遊歷世界，認識更多人再慢慢揀囉！」
點擊看圖輯
小儀及學而踏入中女年紀，心態反而更放得開。
小儀體驗做農夫。
Edan（右）與小儀早前合作《考有Feel》。
學而在電器鋪擔任售貨員。
學而曾與相差8年的謝霆鋒拍過3年拖。
ERROR成員193
小儀及學而踏入中女年紀，心態反而更放得開。
小儀30歲時跟拍拖多年的男友分手，「當時覺得死喇！因為入行後更難識男仔，我咁嘅樣喎，森美當時都話『圈外人要同女藝人拍拖，點會夠膽搵你，唔驚俾人笑咩？』所以單身中女更加驚，尤其是30至40歲，擔心自己冇機會結婚生仔。但過咗40歲生仔機會更渺茫，世界反而唔同，開始隨遇而安，知道自己唔係要名份，而係想搵個伴。」
小儀體驗做農夫。
小儀不諱言以往是自找壓力和煩惱，忠於自己後活得更瀟灑，例如最近她對「小鮮肉」MIRROR成員Edan（呂爵安）也公然「心心眼」，同時也不抗拒姊弟戀，「悲觀睇人生係倒數，反而每分每秒都要善待自己，過得精彩。所以年齡唔係問題，最重要係溝通到。」學而就笑指自己姊弟戀經驗豐富，只要大家思想能同步便可以。
Edan（右）與小儀早前合作《考有Feel》。
學而坦言心態轉變不少，希望可在有限的時間做值得自己驕傲的事，例如跟後生女分享養生之道。她更笑言有意與小儀開設網上頻道傾「女人經」甚至性事，小儀即表示：「想唔想試吓麻繩？我都想試吓呀，哈哈！或者一齊探討更年期都可以。」學而又指，女人不同階段都很美，要學會欣賞自己：「人一定會老，一定會有皺紋、雀斑、眼袋之類，所以我唔接受打針做微整形。」
學而在電器鋪擔任售貨員。
學而曾與相差8年的謝霆鋒拍過3年拖。
同樣崇尚自然美的小儀笑言，童顏全因生得矮，而非Keep得好：「如果我個樣加193（郭嘉駿）嘅身高，大家都唔會覺得我童顏啦，哈哈！」她又謂現在與年輕時不同，不會只顧著工作、搵錢及獲取認同，因忙碌的生活節奏令她甲狀腺出現問題，健康響起警號後便學懂享受生活。
ERROR成員193
