住屋問題困擾不少香港人，並非人人都有錢付首期。有港男表示，哥哥與女友均任職公務員，最近欲結婚買樓，但兩人月入合共僅5萬元，男方亦只有40萬元儲蓄，故未能負擔首期，遂四出向親朋好友借錢，甚至情緒勒索他，令他感到相當不齒！
資料圖片
有男網民在網上討論區「連登」發文，指自己的哥哥任職政府工程技術主任（TO）已6年，其女友亦是公務員，兩人近日打算結婚買樓，並計畫購入荃灣西一個500多呎的單位。樓主表示，二人月入共約5萬元，男方亦只有40萬元儲蓄，不夠付首期，於是便四出問家人及親友借錢置業，當中包括樓主，並要求父母作擔保人，聲稱日後達頂薪點，與女友月入合共8萬元時定會有錢還。
資料圖片
樓主表示，哥哥及其女友「左𢯎右𢯎」，向父親借了30萬元後，又向他借30萬元。不過樓主直言只出社會工作兩、三年，存款實在不多，而他亦有自己目標及夢想，故拒絕了哥哥的要求，卻竟遭對方情緒勒索，「我唔肯借，就話當冇咗我呢個細佬」。樓主指，家人「個人都有壓力」，無太多閒錢，批評哥哥向手頭拮据的家人借錢實屬不當。
資料圖片
樓主續指，哥哥認為租樓等於替別人供樓，更直言「幫人供不如自己供」，又指是因抽不到居屋才會考慮買樓，聲言「第時抽到居屋會放返層樓出去」。不過樓主就相當不滿哥哥的做法，怒斥「冇錢就咪學人買樓啦，人買你就要買？」，雖然父母都有幫口，勸樓主借錢給哥哥，但他都決定「企硬」。
資料圖片
帖文引起網民熱議，不少人都批評樓主哥哥態度差劣，又認為以他現時的財政狀況，日後一定不會還錢，故一面倒支持樓主不借錢給對方，「痴線，首期都要咁樣借，唔借俾佢仲要話當冇咗個細佬，呢啲人一定唔會還錢」、「你阿哥太老馮，以為你係細佬，一定會幫硬，仲要唔幫就反面，佢都好自私下」、「咪借呀，屋企人錢最難追，到時佢要供樓，咪望佢會還錢」、「到時要供樓，又出去自己住，使費多過痴屋企幾倍，平時如果錢都儲唔掂，點還錢呀」。
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
