獨自銅鑼灣行街乜都睇 周國賢周圍摸狂捽眼

雖然香港疫情持續放緩，但啱啱先摸完其他嘢似乎唔多衛生喎！

周國賢（Endy）原定去年4月舉行處男紅館騷，未料年初傳抑鬱復發，自前年10月拍畢電影《一秒拳王》便一直沒有公開露面，連唱片公司也無法聯絡他，搞到個唱都要取消！

Endy周圍摸完仲用手狂捽雙眼。

「好奇寶寶」Endy拎起口罩研究。

神隱多時，原來Endy與家人飛往外地上靈修課程，至去年底他終於積極參與幕前工作，包括為《一》片宣傳、為Serrini及KOLOR擔任演唱會嘉賓，並宣佈回歸樂壇。日前《頭條日報》記者發現Endy到銅鑼灣「行大運」，他試完Cream又揀榴槤，但最後都冇幫襯。

Endy用戴上護腕的手「撩」Cream試上手。

Endy企喺度揀咗一輪榴槤都冇幫襯。

周國賢於IG透露正投入錄音工作，還表示養傷一年今年要「全面還債」。日前晚上9時許，身穿白恤衫襯黑褲、戴Cap帽的他，獨自到時代廣場的LOG-ON行街。繞實雙手行的Endy見到好多花款的口罩，即駐足攞上手研究，但睇咗兩睇便開始篤手機；之後繼續行周圍望，雙眼勁攰的Endy不停用手捽眼，雖然香港疫情持續放緩，但啱啱先摸完其他嘢似乎唔多衛生喎！

Endy最終乜都冇買就搭的士返屋企。

Endy早前忙為主演電影《一秒拳王》宣傳。

齋行零使錢

接着經過美容區，曬到好黑的Endy估唔到都幾貪靚，拎起一罐369蚊的真皮修復活肌面霜搽上手，徹底捽勻兩隻手後都係冇幫襯，隨即走到隔離的citysuper睇嘢食。可能Endy好耐冇出街，見佢對好多嘢都好有興趣，例如泰國干腰榴槤，繞手彎腰睇完一輪，就行去揀散件裝，全程逗留15分鐘左右，最終Endy乜都冇買便搭的士走人。

Endy上月底擔任KOLOR演唱會嘉賓。

Endy對好多嘢都好有興趣，唔知係咪好耐冇出街呢？

周國賢前助手捲入借錢風波！

歌手周國賢（Endy）近年被周姓前男助手藉其名義到處借錢，據指周姓前男助手先後向多位圈中藝人、幕後工作人員及粉絲埋手，以周國賢之名借錢，每次要求借出數千元至數萬元。

周國賢前助手到處借錢

經理人公司貼出離職啟示

周國賢為富二代歌手

周國賢更新了IG限時動態

周國賢

周國賢於IG限時動態分享了其公司三大文化的一則離職啟示：「周劍雄先生（Mr. Chow Kim Hung, Anthony）前為本公司兼職宣傳人員，已於2022年10月1日離任，今後周劍雄先生在外之一切華洋轇轕，概與本公司及歌手藝人（林一峰、周國賢、糖妹）無關，本公司將不承擔任何責任。如有損害本公司及歌手藝人的聲譽，本公司將保留法律追究權利。特此聲明。三大文化啟 2024年3月27日」

三大文化貼出一則離職啟示

消息指，周國賢的周姓前男助手曾以家人患病的名義向他及其經理人公司借錢，成功借獲6位數字的金錢。其後，經理人公司得悉周姓前男助手對外宣稱自己被拖欠薪金後，便於2022年將他解僱。