上車客買單邊樓被同事話蠢 網民：最重要自己住得舒服

好不容易上了車……

置業是人生大事不少人都想分享，旁人恭賀都還好，若然是潑冷水則令人不悅。有網民在「香港討論區」發文指，好不容易上了車，購入一層單邊樓單位，「好開揚好光猛，我自己好滿意。」

資料圖片，非涉事單位

發文者指，「但有個同事知道咗之後，就話我蠢，連單邊樓都買，話單邊樓風水差。」發文者十分無語，「其實我都唔知點解佢咁講，始終我唔熟風水，真係風水差啲咩？」

資料圖片

單邊樓是指樓層無雙連的單位。有網民數出好處，「單邊樓會多隻窗光猛啲」、「開揚私隱度高，點會差」。不過也有人指，「常理去睇，單邊多啲外露表面，太陽曬就熱啲，外牆爆裂同漏水機會高啲，同天台一樣」。

設計圖片

有網民就指，「你已說出重點。你同事又無份供， 又無份住， 佢嘅意見有咩份量?再講， 風水要夾人， 佢話唔好時， 你亦可以話好到不得了， 反正大家都係斷估。」、「自己鍾意，價錢合理就ok，咪鬼理人地囉」、「香港地，有乜嘢好過有自己嘅安樂蝸。」

也有人懷疑同事是否出於眼紅才潑冷水，「你同事買咗樓未先，未買就唔駛聽咁多。」、「最蠢係話畀同事知」

帖文轉載自《買咗單邊樓，被同事話我蠢... 》

網民置業後同事反而潑冷水。示意圖片，非涉事單位

有網民日前在社交平台分享，有一高層單位住戶，竟在睡房窗外橫向伸出一根長桿，懸掛十多件衣物，猶如「紅杏出牆」！

有一高層單位住戶，竟在睡房窗外橫向伸出一根長桿晾衫！Threads圖片

高難度方式晾衫

雖然涉事單位另一側窗戶外設有晾衣架，但住戶仍選擇以高難度方式晾衫。影片可見衣物隨風擺動，危險情景令拍攝者驚呼「好神奇啊，究竟點解會曬到咁樣？」

遠處見到特別顯眼。Threads截圖

網民推測或涉鄰里問題

有網民推測背後或有慘情原因，「可能另一邊不斷滴水，投訴極都無人理，咪出此下策」、「上面滴水落嚟」。亦有人指外牆晾衫易沾塵埃雀屎，「洗完搵啲濕衫吸塵」。

有網民指以前公屋也是這樣。Threads截圖

危險行為惹安全憂慮

有網民指出，這種「晾衫神棍」可在網上購買，屬伸縮設計。不少網民擔心此舉危及路人安全，「大風少少就跌」、「如果支鐵通唔夠力跌咗落去，會掟死人」。有人批評行為「漠視他人安全」，甚至戲稱「算唔算僭建」。網民建議應向屋邨管理處反映，避免發生意外。

有網民指出，這種「晾衫神棍」可在網上購買。資料圖片