恆仔笑住強調從不戲言！
一連兩場《HERE and NOW ToNick Live 2021》演唱會昨晚在Star Hall 完成。尾場邀得專程從馬來西亞來港嘅林明禎獻出「第一次」，處女下海擔任演唱會演出嘉賓，一起合唱《長相廝守》，再加埋周國賢（Endy）突然殺出，掀動全場氣氛，令fans驚呼狂叫。
點擊看圖輯
林明禎及周國賢現身令觀眾好驚喜。
「大馬女神」林明禎喺台上大晒迷人長腿。
陳明禎第一部電影《救殭清道夫》是恆仔讓她演出。
林明禎及周國賢結過片緣。
拍完電影《一秒拳王》後，恆仔曾要求同好兄弟周國賢說過，不如一齊開騷！
恆仔High到除衫唱歌。
仲赤裸上身彈結他。
呢次係ToNick人生第一次開兩場show，四子演出成功開心到攬埋一齊。
ToNick 4子下個目標係登上紅館舞台。
林明禎及周國賢現身令觀眾好驚喜。
林明禎笑稱，自己將很多「第一次」獻給了恆仔：「這次是我第一次做演唱會嘉賓，夫人（恆仔女友小花）你不要在意！我的第一次不是他！」除做演唱會嘉賓，陳明禎的第一部電影《救殭清道夫》也是恆仔相信她，讓她飾演片中的彊屍，然後才有香港人認識她，更有機會跟Endy合作拍《一秒拳王》，所以要特別多他。Endy對恆仔笑言：「佢（明禎）同我講，話『第一次』畀咗你，下次留畀我！」引起全場大笑聲！
「大馬女神」林明禎喺台上大晒迷人長腿。
陳明禎第一部電影《救殭清道夫》是恆仔讓她演出。
林明禎及周國賢結過片緣。
Endy又乘機試探恆仔可有好消息（結婚）想公布？眼見恆仔沒有回應，Endy笑住為自己打圓場說：「我飲醉咗！」恆仔表示，拍完電影《一秒拳王》後，二人成為好兄弟，謝票時他向Endy說過：「不如一齊開騷！」此語一出，台下觀眾即叫好，兩人語畢合唱《時間的初衷》及《不敵》。
拍完電影《一秒拳王》後，恆仔曾要求同好兄弟周國賢說過，不如一齊開騷！
恆仔衷心多謝觀眾說：「呢次係ToNick人生第一次開兩場show，無論世界變成點，有幾差，我哋都唔要認輸，繼續行落去。」在Encore 時，恆仔除去身上T恤騷腹肌，更將T恤掉落台送給觀眾，有人竟大叫要求他除褲，他則回應：「除褲就去較大嘅場地先除，（到時）嚟唔嚟睇呀？」
恆仔High到除衫唱歌。
仲赤裸上身彈結他。
呢次係ToNick人生第一次開兩場show，四子演出成功開心到攬埋一齊。
完show後，ToNick表示不捨，而且兩場真係唔夠喉，但係一次好好嘅經驗。問到下個開show目標是否登上紅館？他們坦言有計劃，希望大家一起集氣，相信有信念便能成事。至於恆仔是否留待紅館開show才上演除褲一幕？恆仔笑住強調從不戲言！在旁嘅隊友晨曦幫口話：「可以着泳褲打底。」
ToNick 4子下個目標係登上紅館舞台。
此外，九展將改建為甲級寫字樓，對於這個演唱會場地快將消失，ToNick感到非常可惜，因為九展演出場地孕育很多不同的音樂人，希望香港會再興建這樣的演唱會場地，提供給等待成長嘅音樂人，不斷練習和演出機會。
