Kelvin表示已經盡咗最大努力。
無綫全新「舞動」綜藝真人Show《盛．舞者》，昨晚（7日）播出第三集，延續上一集的「一人一個故事」，本集以「機會」為題，將故事聚焦在曾參演《愛．回家之開心速遞》的袁鎮業（Kelvin）身上，立了很多決心重拾舞蹈的他，險陷首輪被淘汰困局！
點擊看圖輯
昨晚播出第三集。
麥秋成示範。
王君馨示範。
狄易達示範。
兩位主持錢嘉樂和陳凱詠Jace。
導師揀蟀時個樣十五十六。
達仔同君馨成日出現爭人情況。
其中一個佢哋爭奪目標係火雞姐。
火雞姐練舞時好有力呀！
不過重師徒之情嘅火雞姐，最後揀跟達仔。
最後四位剩低嘅舞者。
Kelvin為自己平反時落下男兒淚。
達仔決定最後兩位舞者去留。
佢揀咗Kelvin。
好多人戥Kelvin有得留低開心。
第四集精彩片段。
第四集精彩片段。
昨晚播出第三集。
今集緊接上集繼續講述三位導師狄易達、麥秋成及王君馨如何在一眾舞者中，挑選屬於自己戰隊的精英。三人輪流作了專業示範後，參賽者便在指定時間內持續努力認真地練習舞步；至於導師，則趁參賽者練舞空檔，與錢嘉樂等開心分享心目中盛舞者應具備的條件，眾人七嘴八舌謂：「要表情管理啦、速度啦、要型！唔可以只係自己跳得好，Freestyle要有個性，但團體時又要有Team Spirit。」
麥秋成示範。
王君馨示範。
狄易達示範。
兩位主持錢嘉樂和陳凱詠Jace。
之後，三名導師便開始揀選心頭好，三人分七輪在手持的黑板寫上心儀舞者編號，如出現「爭人」情況，便由舞者奪回主導權挑選心儀導師。君馨與達仔爭火雞姐（丁可欣Yanki）期間，君馨竟大爆火雞姐是達仔徒弟，更搞笑謂：「你同佢跳咗十幾年 可以轉吓人！」達仔則簡單地還擊謂：「我要你突破自己！」最終獲火雞姐「重返懷抱」。
導師揀蟀時個樣十五十六。
達仔同君馨成日出現爭人情況。
其中一個佢哋爭奪目標係火雞姐。
火雞姐練舞時好有力呀！
不過重師徒之情嘅火雞姐，最後揀跟達仔。
全晚終極洋蔥位則落在Kelvin身上，身陷淘汰邊緣的他，談到因傷患等原因放棄當全職舞者時數度哽咽，並落下男兒淚：「今次呢個比賽好掙扎，因為我真係停咗好耐冇郁。我係好鍾意跳舞，我做全職，但不幸勞損咗，所以我發展咗新道路。我發展咗九年、付出咗九年，頭幾年我好努力操好弗好乾身，但都係冇機會…隨住年紀開始大，我想Pick Up番跳舞，身體暫時都仲未可以同步，但我已經盡咗最大努力。」
最後四位剩低嘅舞者。
Kelvin為自己平反時落下男兒淚。
達仔決定最後兩位舞者去留。
佢揀咗Kelvin。
錢嘉樂聞言即感性謂：「年青就係咁好，有咩心事都可以真情流露，到我呢個年紀會收埋好多嘢架。」幸好達仔最終選了Kelvin作最後一位戰隊成員；對於Kelvin得償所願，現場舞者大表振奮，紛紛擁著他道賀及安慰，場面感人。
好多人戥Kelvin有得留低開心。
事後，Kelvin接受電話訪問時，坦言九年的演藝路雖然比別人行得慢，也曾錯失一些機會，但他卻依然沒有失望，因為他覺得反而讓自己多了時間去修煉演技、累積經驗、汲取足夠知識去裝備自己，以最佳狀態抓緊機會。他又指入行初期曾對擔任替身感到反感：「我轉幕前就係想企前啲，想多啲人望到自己。但當我做替身，我係唔需要講對白，只係影我膊頭、背影咁，我會有啲唔開心，因為唔係我鍾意做嘅嘢。」不過他透露最近依然接了一個替身工作，不過卻大感雀躍，因為感到備受尊重及有很多學習機會，足見其單純。
觀看相關影片按連結：https://youtu.be/oCHzPrSpIvc
問到Kelvin藝人與舞者何者較艱難，他坦言做藝人更複雜，更需要靠自己努力；談到經濟狀況，他坦言當全職舞者時收入穩定，反而當了藝人後有時會入不敷支，不但要靠儲蓄，更試過有段日子「冇畀家用」，幸而得家人支持及體諒：「佢哋都好明白同支持，家人真係好好」。而明晚第四集《盛．舞者》將移師巨型躉船，展開首場團體賽，經過齊舞及Battle兩個回合比併後，將再有舞者被淘汰，十分緊張刺激。
第四集精彩片段。
第四集精彩片段。