拍船P出意外。
J2綜藝節目《#後生仔傾吓偈》眾主持馮盈盈、戴祖儀、陸浩明（6號）、孔德賢、黃凱儀（波波）等早前走出錄影廠，齊齊出海開船P，寓工作於娛樂！不過盈盈開工期間竟發生意外，不但血流如注，更因而入院縫了6針，十分誇張！
右腳腳趾公「包到成隻糭」咁，行動受影響。
今（9日）午受傷未愈的盈盈，在助手攙扶下一拐一拐現身《#後生仔》錄影現場；穿著拖鞋的盈盈，右腳腳趾公「包到成隻糭」咁，行動力亦大受影響，需要助手常伴身邊幫忙。開朗的盈盈依然與現場工作人員有講有笑，期間更遭同事封為「縫六針」，令她哭笑不得。
盈盈被同事封為「縫六針」。
及後盈盈接受TVB娛樂新聞台主播許文軒（Edmond）訪問時，笑著「還原」事發經過：「嗰日其實我已經唔使玩啲好激烈嘅水上遊戲，只係留喺船上面做好主持嘅工作，點知偏偏我係最傷嗰個。」盈盈指當時可能未有為意船上翹起了的鐵片，結果腳趾公因而遭殃，她說受傷當刻沒有半滴血，但過了數秒後即時血如泉湧：「鎅親嗰吓好似俾紙鎅到手咁，唔係好痛，但現場同事就好緊張，同埋見到有塊皮反咗出嚟。跟住我就用水沖個傷口啦，呢個時刻啲血就係咁湧出嚟喇。」
盈盈受訪Edmond還原事發經過。
盈盈又謂到了醫院後，聽到醫生表示需要縫針後才知事態嚴重，更嚇至哭了出來。她又笑指原來打麻醉針才是最驚嚇：「打針先係最痛㗎！支針一拮落嚟，我就尖叫咗出嚟，全個醫院都聽到。我唔知係咁，因為我第一次縫針咋。」
又關船P事，馮盈盈好明顯不利出海。
