IG勁多外國Follower有蠱惑 193「老婆」自爆出錢「造數」

疑似是193「老婆們」怕偶像IG Followers暴跌而出手！

ERROR成員郭嘉駿（193）日前被光顧其自家服裝品牌的買家，於私訊追討指付費半年仍未收到貨品。193將對話內容上載個人IG限時動態，對話中193稱該買家是文盲並表示：「燒俾你！」事件成為網民討論熱話。其後193兩度在IG限時動態回應事件，直指是買家無禮在先。

193日前與網民就退款風波掀起罵戰。

193於IG公開與買家的截圖，其回應被網民批評冇禮貌。

有網民就193的行為，呼籲其他網民取消追蹤193的IG，因而引出193與網民隔空開戰，表示：「你搞唔死我㗎！」但193的IG Followers似乎真的受事件影響，日前一度跌穿40萬大關。但近日其IG Followers於短時間內重回40萬，就引起網民質疑。

網民呼籲Unfollow 193 IG!

但不出幾日，193 IG Followers人數又重回40萬。

有網民於討論區發文，指193 Followers人數於幾小時內就重回40萬十分不尋常，似乎有買Followers之嫌。同時附上截圖指許多Follower 193的賬號都沒有頭像，質疑是「空殼賬號」，另外又有很多疑似是外國人的賬號於數小時內Follow 193的IG。

有網民上載193 IG Followers人數一度跌穿40萬的數據表。

有網民指193 IG疑似有很多「空殼賬號」!

仲有好多外國人突然瘋狂Follower 193。

有網民上載疑似是193 Fans群組的對話截圖，有人自爆：「幫33（193）喺淘寶買咗1000個Followers，好似畀人發現咗。」有人回應：「再買多啲囉！」疑似是193的「老婆們」怕偶像IG Followers暴跌而出手為193「造數」呀！

有疑似193 Fans對話流出，似乎是有「老婆」幫193 IG造數!

193懶理網民質疑，如常Po IG分享近照。

組合ERROR成員郭嘉駿（193）日前到新城廣播接受葉文輝（啤梨）主持的《梨事會》錄音訪問，193去年因「跑車事件」引發輿論風波，他在訪問中透露事件發生後事業陷入低潮，更驚爆自己出現創傷後壓力症候群（PTSD）症狀。

193郭嘉駿接受新城廣播《梨事會》訪問。

193直言購買跑車是為了實現童年夢想，並強調這是靠自己努力賺取的成果：「我自從返到香港出嚟做嘢之後，冇問過屋企攞一分一毫，我覺得自己好努力得到呢啲嘢，實現自己夢想覺得好好。所以我真係好想喺呢個年齡用我嘅錢去買一架車，如果我等到50、60歲先買，已經唔係嗰個感覺，我年輕時擁有過，我對得住自己。」

事件發生後，193痛定思痛，將跑車賣掉，「我擁有過就已經好叻，但以後唔好咁招搖，招搖一次就夠。」可是，情緒仍受到衝擊，事業亦陷入低潮：「係有啲驚，有PTSD（創傷後壓力症候群），覺得好sad，好似全世界都喺到講，我覺得自己錯咗，但你改變唔到，只能夠認錯，每日都匿喺屋企，工作又取消晒，最重要係嗰種無力感，真係發生咗，你認一百次錯都改變唔到。」

193與主持人葉文輝

後來他親自填詞寫了一首歌《Keep Walking》作自我療癒，「我發覺我聽番自己嘅詞，個人都正面咗，有時會有人DM我，話我首歌啲歌詞鼓勵到佢，幫到人我覺得無憾。」

193剖白「跑車事件」後遺症。

193在訪問中主動提及，從小是新城廣播的忠實聽眾，童年時期經常於深夜躲在被窩偷聽啤梨主持的《卡拉O！BABE》，他憶述：「媽咪叫我瞓覺，我就喺床上偷偷哋聽。」他坦言當時已幻想終有一天都要打來點唱，但因性格害羞而未有實行。

對於入行初衷，193表示：「純粹覺得主持賺到錢……我覺得我有個外形，高高大大，我又會講英文，廣東話都OK，做一個正常嘅MC好似好合情合理。」未料參加《全民造星》後，人生走向完全不同。

驚爆患PTSD陷人生低潮！

今年是ERROR成軍七週年，193回應關於團隊關係的提問時坦言：「當然有爭執，尤其係初出道，大家四個唔同嘅個體，突然間要困埋一齊，係會有好大嘅分歧，所以初時成日嗌交。」但經過多年磨合，現在反而想見一輩子，「大家都知道你底線係咩，會互相遷就，好似情侶咁。」

詳細節目內容，請留意12月9日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo/