做皮紋分析師好搵過幕前 陳嘉桓自認麻煩難搵對象

Rose因疫情幕前工作大減，所以全力轉做皮紋分析師，望再創一番事業。

擁D Cup豐滿上圍兼長腿的28歲陳嘉桓（Rose），日前於TVB綜藝節目《開心大綜藝之暑假玩到盡》中，跟一班女星鬥「胸」狠掀起不少話題！由16歲入行至今，Rose的花邊新聞較演藝作品更引人關注，她自認過去爛玩、唔黐家，但經過疫情長期Stay home，其心態也有所轉變。將緋聞男友黃宗澤（Bosco）降呢朋友的Rose，去年因疫情幕前工作大減全力轉做皮紋分析師，望再創一番事業，至於感情事？單身的Rose自認性格極端，難找到一個好夾的對象，所以急唔嚟。

細細個入行的Rose較同齡成熟，故鍾情如周潤發般正能量、識享受生活又照顧人的哥哥。

過埋下年生日就29+1，開始出現「初老症」的陳嘉桓，近年經歷親人和愛犬先後離世，令她決心不再浪費時間在毫無意義的事情上，「以前收工會去飲一杯Chill吓，而家都冇飲酒。年初我隻狗急病，一個月就走咗，嗰段時間做完嘢就好想快啲返去陪佢，希望所有時間畀晒佢，所以呢半年嘅轉變有啲大，亦珍惜多咗同屋企人一齊嘅時間。」早幾年仍會諗幾時結婚，但人成熟了，Rose反而想努力推廣皮紋分析， 「見身邊好多朋友舉家移民，都會諗搞掂自己先啦。（恨拍拖？）恨唔嚟。」

愛犬年初因病離世，令Rose思想更成熟、更珍惜身邊人，她稱揀對象都要顧家、愛小動物。

Rose經常湊住同母異父細佬周圍去，她笑言已湊夠「𡃁仔」，故不想照顧年下男。

Rose認為跟Bocos傳緋聞只當茶餘飯後的話題，未有太介意。

身邊不少朋友為Rose牽紅線，她直言「夾硬去識一個人好怪」，認為兩個人要相處過才知大家的生活習慣，故寧願慢慢嚟。Rose又笑稱現時會先分析男生皮紋，擇偶會揀有正箕和弧形紋，即富同理心、隨和、顧家的才華男，最怕有螺旋、雙箕和伸長斗紋，「勁好動嘅人即係時間管理大師，我都驚好大男人、收埋唔講嘢。（怕太Social好花弗？）少少啦，如果對熟嘅朋友先咁樣，對外正正常常，我又覺得OK。（接受另一半更重視朋友？）唔得，以往我都鍾意一大班人，但而家寧願留喺屋企。」並謂不喜歡年下男，偏好成熟、識享受生活的男人，就算大10年也不介意。

Rose坦言當皮紋分析師後，發現好難搵到好夾的對象，尤其自己性格頗極端。

做皮紋分析師能幫助人，Rose稱較拍戲的滿足感更大，故望在港大力推廣。

Rose得閒獎勵自己食多啲，但坦言25歲後減肥較慢，幸早前可享受代言福利輕鬆修身。

Rose做皮紋分析師之餘亦有教班，為她帶來穩定高收入，但她對幕前工作興趣不減，以「打女」出道的她拍過《葉問前傳》、《競雄女俠秋瑾》，「我係活在當下，如果有得入劇組拍幾個月都好玩，電影就好想拍時裝嘅打戲，因為以前都係拍古裝、民初，網劇《反黑》都唔係打好多。」問開班教授皮紋分析後，可會顧及專業形象而減少性感演出？Rose說：「唔會，我都唔太明啲人話要『封胸』、唔露，其實冇需要發一個聲明講，隨心囉，一個普通人都係睇心情揀着咩衫㗎啦。」

雖然成為皮紋分析師，但Rose早前於《開心大綜藝之暑假玩到盡》仍晒「胸」器。

入行前唔做運動的Rose機緣巧合簽約冼國林，她笑稱當初是迫住學打。

陳嘉桓在鄭王廟打卡時更成為其他遊客模仿Post的對象。

陳嘉桓（Rose）相隔4年來首飛，早前與朋友到泰國旅遊，盡情吃、玩和按摩，來一個極度放鬆的旅程。出發時在香港機場仍穿冬衣包到實的Rose，去到泰國即來個大解放，大騷好身段與長腿；換上泰服於鄭王廟打卡，Rose更成為其他遊客模仿Post的對象。

Rose換上泰服於鄭王廟打卡。

Rose換上泰服於鄭王廟打卡。

Rose換上泰服於鄭王廟打卡。

Rose更成為其他遊客模仿Post的對象。

Rose更成為其他遊客模仿Post的對象。

作為國際大腦皮紋分析師及導師，Rose受疫情影響未能外遊，她就不停教班，積極創立其皮紋生意，即使去年開關復常，但都沒第一時間計劃旅行，終於忙到今個農曆過後，她驚喜發現自己有4日空檔，立即相約好友到泰國放鬆一下。Rose說：「喺農曆年前我病咗一個月，又牙痛、剝智慧齒同B型流感，都想去啲地方曬下恢復能量，好似去充電咁。旅行嗰幾日天氣好好，自己好開心食咗好多好多嘢，豁咗出去冇特別控制飲食。」

Rose忙到今個農曆過後，驚喜發現自己有4日空檔，立即相約好友到泰國放鬆一下。

遊程十分開心！

之前Rose曾透露另一個不捨外遊原因，是為了陪伴家中的老狗，所以起行前她就嘗試帶愛犬回媽咪的家暫住一兩晚，幸好沒大問題，她終於放心把愛犬留在媽咪家住幾晚，故經過今次之後，她不排除短期內再去叉電，「因為今次去食好多嘢，我日日都去按摩做Spa，所以返到香港我都仲好精神爽利。」

Rose今次旅程去食好多嘢，又日日去按摩做Spa。

Rose表示不排除短期內再去叉電。