無懼被Jer拖落水拍騷肌照 姜濤：你得我就得

Jer大讚兩位Anson的肌肉照！

姜濤、柳應廷（Jer）、陳瑞輝（Frankie）出席活動，吸引數百粉絲到場，他們走近粉絲揮手和拍照。談到有粉絲早於昨晚（2日）9時通宵排隊，Jer表示感謝支持，辛苦一晚排隊，也想粉絲身體健康，不想他們通宵排隊令身體變差。

姜濤、Jer、Frankie出席活動。

吸引數百粉絲到場。

對於口罩被搶購，問身邊朋友有否索取口罩？Jer即說：「我都想要，我都冇，想要姜濤隻色。（有指口罩被炒至6、7百元？）如果炒到那麼貴便不要買，要量力而為，不要食炒價。」姜濤也表示不要炒賣，要原價購買。

Jer知道口罩被炒至6、7百元後，說太貴不要買。

此外，姜濤與Jer快將與另外幾位成員於12月舉行的演唱會作準備，問到剛完成彭秀慧執導的新片拍攝，是否多了休息時間？姜濤說是，第9首歌快將推出，要專心準備新歌。Jer即爆料笑說：「前幾日排舞他好開心，食到好飽。」

姜濤自暈倒後果然乖乖食飽飽。

提到姜濤送給故友的歌曲《Dear My Friend,》登上電台冠軍歌，他說：「多謝所有DJ。好開心大家有共鳴，這歌的初心是送給朋友，好開心大家在這首歌找到自己的理解。（朋友在天之靈也開心。）是，希望他聽到。」

Frankie、姜濤、Jer

問Frankie是否也希望推出個人單曲？他說：「自己無諗過，若出Solo會是自己的代表作，要諗過度過才出，因對自己未滿意，適當時候才向花姐提出。但現時唱歌方面未滿意，尤其企在Jer旁邊。」Jer即說自己不及Frankie跳舞好，大家努力裝備自己。

Frankie因對自己未滿意，適當時候才向花姐提出出Solo歌。

談到Anson Lo和Anson Kong擔任男模的內褲騷肌照，Jer即笑說：「下次可以考慮搵我和姜濤…講笑啫。你接唔接受先？」姜濤反過來大Jer說：「你得我就得。」Jer說：「點會唔得，操fit啲。平時一星期做gym一次，依家做兩次。」姜濤即爆Jer拍MV時食宵夜，Jer解釋工作太大壓力便經常吃東西。Jer又讚兩位Anson的肌肉照：「梗係勁，第一次睇啲相覺得使唔使去到咁盡呀。佢哋真係好犀利，操咗好耐，好勤力。我自己都要努力。」

雙Anson的肌肉照被讚好。

 Fans聚首一堂齊慶祝

4月30日是姜濤25歲的生日，他雖然人在新加坡，為準備明天的《MIRROR FEEL THE PASSION CONCERT TOUR 2024》巡迴演唱會新加坡站外，同時亦要與MIRROR各成員一起接受當地傳媒訪問，在工作中度過，不過他早前特別製作了第15胎〈好得太過份〉，並於生日推出，送給一眾Fans。

早前特別製作了第15胎〈好得太過份〉，並於今日生日推出，送給一眾Fans。

〈好得太過份〉由徐浩作曲、陳詠謙填詞，是繼〈愛情簽證申請〉後再次跟陳詠謙合作的個人單曲作品。過去姜濤聽過很多Fans對他默默付出的故事，其中一個印象特別深刻，他說：「我聽過一個故事，有個Fans Keep住舉牌，但因為大家都舉住牌佢見唔到我，但佢覺得好值得，仲話見唔到我唔緊要，最重要係我要見到佢舉住嗰個牌，令我安心。呢件事大家聽完，連工作人員都覺得想像唔到。」所以他在去年的演唱會上，拍下自己舉應援燈牌的短片，回想那次拍攝，姜濤道：「大家見Fans出 Event 舉牌好似好容易、一瞬間嘅事情，都唔係好辛苦，但佢哋為咗舉牌呢個行動，可能要付出好多時間，提前去排隊，又拎住咁多嘢，但佢哋只係想話俾你聽佢哋喺度嘅時候。喺安靜嗰一排，我就係諗咗好多呢啲嘢，然後好想話俾大家聽，你哋對我太好喇，真係好得好過份，好感激佢哋由以前到而家，無論我發生乜嘢事情，經歷咗乜嘢低谷，佢哋都會喺度。」〈好得太過份〉亦因此而誕生。

過去姜濤聽過很多Fans對他默默付出的故事，其中一個印象特別深刻

今次拍攝MV時，姜濤拿來大量Fans寄給他的信件作為道具，他表示其實很喜歡收到Fans的來信，他說：「不嬲都鼓勵Fans寫信俾我，唔使嘥太多錢去送好多禮物俾我，因為你哋寫信俾我，我已經接收到你哋內心嘅想法，呢個重要過禮物。」被問到當中可有一些內容十分深刻，姜濤說：「令我印象好深刻嘅有太多，好似前幾日都睇到一封，佢話佢係單親媽咪，帶住幾個小朋友，唔知而家點做，只可以去聽我嘅歌去支撐住佢。我唔知自己嘅歌可以有咁大力量，去支撐住人哋，但如果你可以喺我嘅歌入面攞到力量就已經好足夠。希望大家聽完〈好得太過份〉，可以俾你哋有一個好好嘅力量，呢個係我對Fans嘅感情，但係你都可以透過呢隻歌，話俾你好重要嘅人知： 你都對我好好。」

今次拍攝MV時，姜濤拿來大量Fans寄給他的信件作為道具

今年生日雖然要在海外工作中度過，但姜濤心情大好笑著表示：「又到一年一度嘅生日，每一年嘅生日，都漸漸地變到好似唔係我嘅生日，但我好開心，大家會因為我嘅生日而聚埋一齊咁開心。好多謝一直以來支持我嘅Fans，好多謝身邊每一個愛我嘅人。今年生日願望，係希望身邊所有人身體健康，身體係好重要，希望每個人都願望成真，大家開開心心，生活愉快。」

今年生日雖然要在海外工作中度過，但姜濤心情大好

今年生日願望，係希望身邊所有人身體健康，身體係好重要，希望每個人都願望成真，大家開開心心，生活愉快。

相關影片可以按以下畫面觀看：

影片連結： www.youtube.com/embed/DaQNnnU1DA4