郭富城在微博高調宣布與27歲上海模特兒方媛的戀情，「前城嫂」熊黛林（Lynn）今午出席記者會時指有留意報道，坦言現在不用擔心做錯事和講錯事，更暗示城城無安全感和不成熟。
圖：TUNGSTAR
Lynn今午身穿鮮紅低胸連身裙，以一姐身份出席其模特兒公司與林建岳的寰亞娛樂合作記者會。對於前男友郭富城高調晒與27歲方媛的新戀情，她指有留意但不認識「新城嫂」：「自己開心鍾意就得，我係外人只可以祝福佢。（佢現在高調會令你唔開心？）現階段我開心，唔會諗唔開心嘅事，人有成長經歷，現在開心就得，以前不重要。」
圖：TUNGSTAR
提到早前她將情侶鞋甜蜜照上載到網上被指是反擊，她回應指：「無話反擊，係公眾地方，你晒得我又晒得，開心就擺上去。（城城寸你不用一較高下？）無話分高唔高下，我覺得唔知道自己幸福的人才會同人比較，我依家沒有呢個需要。（你依家好幸福？）大家都看得出，看笑容、言行大家都知我是否幸福。（因為可以見光？）哈哈！可以好舒服，唔使擔心做錯嘢、講錯嘢，似普通人拍拖好舒服。」
圖：TUNGSTAR
有傳她與男友郭可頌將於聖誕到沖繩結婚，Lynn澄清到沖繩只為首次與男友一家去旅行，男友還未求婚。被問到如果男友乘機求婚會否答應？她甜笑說：「睇佢有冇做齊，求婚要有戒指、花、跪地，希望有其他新意。（佢係Mr Right？）應該係，不是都不會那麼快公開。（準備好結婚？）係，最緊要對方畀你安全感，下半世可一齊。（以前無安全感？）以前幾次我太後生不懂拍拖，要睇緣份同性格，依家男友很成熟。」
圖：TUNGSTAR
娛樂訪談節目《滙豐呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日（14日）播出的第二集，嘉賓陣容十分強勁，有電影《內幕》的演員郭富城、吳鎮宇、方中信及導演麥兆輝，主持則是王鎮泉（泉叔）。
今集有「三大型佬」：郭富城、吳鎮宇、方中信，加上電影導演麥兆輝坐陣。
郭富城親證保持62公斤長達40年真偽 吳鎮宇爆笑示範「瘋狂舉止」日常
本集繼續焦點多多，首先在「本尊Fact Check」環節，泉叔向郭富城求證「多年來始終保持62KG」傳聞是否屬實！城城更提及到，多年來為Keep弗每天平均只吃1.5餐的自己，為了一日食足三餐的太太方媛，竟然作出「重大讓步」，並大拋愛妻Bite：「咁我作為一個丈夫，又係一個爸爸，係要陪伴（老婆仔女）去做呢樣嘢嘅！」吳鎮宇則要回應兒子Feynman是否真的「吳鎮宇黑粉」，對此鎮宇笑言由於Feynman經常趁其不為意或露出醜態時偷拍他，他除封仔仔「天生狗仔隊」外，還笑言自己要長期處於提防狀態：「我一見佢懶係唔望我哩，我就知會有個攝影機對住我架喇！」鎮宇分享時，還會大方還原平時在街上的「瘋狂舉止」，保證觀眾大開眼界！
城城親自回應多年來一直保持62KG傳聞是否屬實。
城城完全係廿四孝老公和爸爸。
由鎮宇仔仔Feynman親自操刀嘅「吳鎮宇黑圖」大晒冷，咁到底鎮宇私下嘅「瘋狂舉止」係乜呢？就要密切留意節目。
但從佢呢個表情，感受到應該都幾瘋狂。
至於同為「型佬」的方中信，則要接受極度刺激、由太太莫可欣及愛女符迦晴「操刀」的「囡囡常識問答比賽」，當中啜核問題包括女兒所穿鞋子Size、「幾多歲開始學騎馬？」由於過半數問題夠晒刁鑽兼出人意表，方中信答錯率頗高，連他自己亦一度不敢面對現實、求製作組謂：「可唔可以唔好播出嚟？」非常搞笑。平時予人唔多出聲的方中信，在節目中還會難得開金口大談家中地位「貓狗不如」，以及最不能忍受女兒做的一件事；期間方中信更搞笑地以七字真言談及莫可欣的「御夫大法」，想知是甚麼？就要密切留意節目。
「囡囡常識問答比賽」，聽落都好玩。
啲問題同答案搞到方中信哭笑不得喎！
方中信講到家中地位時「唉」咗出嚟，點解佢會嘆氣呢？
城城和鎮宇拍攝電影《內幕》Making of。
年屆六十郭富城親身上陣拍打戲 被打到周身瘀零怨言勁專業
另城城及吳鎮宇還分享了《內幕》的拍攝點滴，談到戲中有大量打鬥戲，城城透露自己有逾九成戲份親身上陣，並指由於拍戲要打足「幾日幾夜」，為免嚇怕對手German（張文傑），故即使打到瘀痕纍纍也不會出聲，相當專業。「佢係有武術底子嘅，佢啲腳（功）重到哩...我基本上戴晒Pad，但係打完之後返到去第二日都係瘀晒，但就費事同佢講，以免影響對手。」在節目中曝光的《內幕》花絮片可見，城城不但打到飛起，而且更有強度極高的倒吊鏡頭，以實力證明60歲的他依然有心有力。另擅長考古的製作組，這次除找來城城和吳鎮宇25年前在劇集《午夜太陽》中的同框打鬥場口外，還曝光了城城在劇集《蜀山奇俠》的「搞笑哪吒頭」Look，萬勿錯過。
城城和鎮宇喺25年前嘅劇集《午夜太陽》合作過，仲同框拍打戲。
城城喺劇集《蜀山奇俠》嘅「哪吒頭」真係好經典。
