講完絲打禁忌，係時候同一眾巴打傾傾喇。相信大家要諗禮物真係頭痛！大家都知道「女人心，海底針」，要準備一份啱女朋友心水嘅禮物永遠都是男人嘅難題。但要注要無論女朋友係港女又好，肯同你捱麥記都好，以下幾項女仔都唔多喜歡。巴打們，留意喇！
1. 鮮花
點擊看圖輯
情人節送花已變成傳統中的傳統。的確女仔收花第一個反應都會出現一個「冧樣」，不過買花嘅嘥錢、又無新意。點解咁講？即使你揀咗好耐決定買邊種花，但從「種花」到「養花」再到「包裝啲花」都唔係你一手包辦，參與得最多都係「俾錢」嘅環節。女性講求心意同新意，買夠999支玫瑰都未必討到女仔歡心。
2. 物質系列
名牌現金劵。冇錯，女人天生愛shopping，但自從「港女」這個 term 興起後，不少女仔都會避免做「典型港女」。無思之餘女朋友更會認為你暗寸她是只愛購物、重視物質，情人節無謂撩交嗌吖！
3. 改造形象系列
巴打要謹記千祈不好買化妝品或護膚品！大家都知女士有幾敏感，你買化妝品除咗要冒險俾女友話：「即係話我醜喇」，亦隨時買錯女友心水，唔啱用都係嘥。至於護膚品，除非你知女友皮膚適合用啲乜，否則都係咪亂買喇。
4. 美食系列
買朱古力俾女友都可以接受嘅，不過唔係個個女仔都受落，始終女人介意自己身型體重。除非冧爆講返句「你幾肥我都要你」喇。
其實無論你送啲乜，女士應該唔太計較嘅，反而關心男朋友知不知道自己鍾意同憎啲乜。有意義同心意的禮物往往最能令女朋友感動到暈。
以下的一些貼士，讓你更加了解女性的心意：
i. 女人最重視安全感，送完禮一個熊抱，必冧到入心。
ii. 情人節多說幾句骨痺嘢，讓女朋友開心一晚。
iii. 學個小魔術，將周街買到嘅嘢變成最獨特嘅禮物。
各位「巴打」都係多啲了解女友，留意佢喜好，小編就介紹兩個DIY小禮物的建議給「巴打」，激發大家小宇宙。
1. 鐵片玫瑰
女士們雖然愛玫瑰，但由於「橋太舊」，她們都會覺得非常老土。如果你能親手弄玫瑰，送與別不同的玫瑰，女朋友可能已經好開心。
除了鐵片玫瑰，你有閒情逸致的話，你也可以試試弄乾花，整成一件靚首飾給女友。
2. 螢光花瓶
如果親手整唔到玫瑰，也可以買鮮花，不過在送花的方式一定要夠特別。小編就為你找來一條短片，教你如何整個螢光花瓶。
3. 每日的情書
將深情的說話寫在朱古力包裝紙或小紙條上，寫好再包進朱古力內，叮囑女友每天只可吃一粒。她一打開就能感受到你的愛。
後記：以上的建議最終都要視乎你的女朋友是「港女」還是「捱麥記女」。
