許軼Day超班晉級 獲網民力撐入女團

《全民IV》大熱門。

昨晚（4日）於《全民造星IV》出場的91號參賽者許軼（Day），於節目中亮相短短幾分鐘，已經成功俘擄不少網民的心。曾經在韓國做過半年練習生，令網民大讚她是必入女團的人選。而初回合表演完，又成功入圍，即令她多咗人認識，IG追蹤人數已超過9千，仍不斷上升中。

Day（左二）係KPOP舞團BRIGHTEN Dance HK成員。

Day昨晚（4日）於《造星IV》亮相。

Day去過韓國做半年練習生。

Day成功晉級，網民都好睇好佢。

不過網民追蹤其IG後，發現Day很少Po相，令網民大感好奇。其實本身是KPOP舞團成員的她，早已有不少Fans，以為她很享受經營社交網？咁就錯嘞！她曾經把IG帳戶設為不公開，而較少分享照片的原因其實是「懶」，她表示：「其實我真係一個超級懶人+宅宅（宅女），平時真係好少打扮得好靚咁出街，所以都廢事影相。」

Day行美少女路線。

平時都會影吓相，但好少Po上IG。

雖然Day少Po相，但其實都Save落唔少IG Story。

又自爆有時影完相，因為懶而沒有即時Po，事隔一段時間，又不好意思再Po。另一個少Po相原因則是：「唔鍾意見到自己咁大個樣喺Profile。」在這個人人都要Po相行先的年代，想不到還有這樣的年輕人。

少Po相其實都係因為懶。

曾自爆少Po相原因。

雖然Day只得19歲，但做事其實頗有計劃，她有追夢的心，但也早已想好後路。早前她出席《全民造星IV》記者會，就曾透露有意重考DSE，似乎想以入大學為目標。現在參賽被外界看到她的潛質，未知她會否打消重考DSE的念頭呢？

Day被視為《造星IV》大熱。

身高161cm，但佢張張相都影到好修長，就知佢對影相幾有經驗。

Day係今年考完DSE，但佢有意重考。

女子組合COLLAR成員Day許軼，繼先後推出《Wait A Second》及《hold on》兩首個人單曲後，昨日（10月16日）再推出本年度第三首單飛作品《これも愛》（Koremo愛)，今次曲風節奏澎湃，以她擅長的跳唱快歌為主，帶出主題-無論外界有幾多批評聲音也好，都要做好自己、堅守自己信念，用愛感化他人。Day直言對此信念一直堅守不懈，不過入行初，面對外界的「聲音」，她亦曾備受動搖。

女子組合COLLAR成員Day（許軼），昨日（16日）再推出本年度第三首單飛作品《これも愛》（Koremo愛)。

新歌《これも愛》由Oscar填詞、T-Ma監製，以「做自己」為題，Day表示：「首歌名稱係日文，意思係帶住愛去對待所有事。有啲00後整頓職場概念，因為而家社會，有好多人去批評其他人，但無論啲人點講、點話你都好， 只要堅持做自己，同埋堅持自己信念，愛自己，仲要用愛感化埋其他人，咁就會有自信，亦會越來越閃亮。」為配合主題，Day在MV中，以修女造型的設計上陣，喻意用愛感化別人。

今次曲風節奏澎湃。

以Day擅長的跳唱快歌為主。

澎湃曲風
對於歌曲帶出的信念，Day滔滔不絕，不過問到她在入行初，面對外界的批評聲音，可有被動搖？她直認不諱說：「出道時，我都有講過，外界對自己批評，我都可以一笑置之，但對其他人嘅批評，我就會諗『我都識呢個人，佢唔係咁㗎喎，點解會咁話佢呢？』我就會有好大感覺，所以同Oscar傾呢首歌嘅時候，就融入曲中，想拍拍膊頭，同我覺得閃亮嘅所有人講：只要心中有光，知道目標，就會好閃亮、好靚。」

來到第三首單飛歌曲，Day終於在《これも愛》中展現擅長的勁歌熱舞，有別於《Wait A Second》的cute cute風格，與《hold on》的小清新曲風，Day謂：「呢一年，想呈現多啲不同面向畀大家，呢首歌係其中一個性格及其中想表達嘅嘢，今次特別嘅地方係排舞上，呢首歌由兩位香港排舞蹈師所排，比較女仔型格，過去都未跳過呢個風格，所以好鍾意。」

Day誓要實踐00後整頓職場。

恨再拍劇
問到Day今年除了單飛出歌，又有劇集出街，她還想嘗試其他領域的工作嗎？她表示：「好想再拍劇，上次拍劇之後，有一段時間未有新劇拍，好期待，拍劇學咗好多嘢，經歷嗰次後，想有多啲不同經驗。」

在MV中，Day以修女造型的設計上陣，喻意用愛感化別人。

女子組合COLLAR成員Day（許軼），昨日（16日）再推出本年度第三首單飛作品《これも愛》（Koremo愛)。