姚子羚:有種友誼叫「胡說八道」

2016年01月01日 11:00

入行十三年的姚子羚在台慶頒獎禮上奪得最佳女配角，指與多年來與一班「胡說八道會」姊妹互相支持，友誼好深厚，大家更會為各人的感情事着急，更推測下個嫁人的姊妹。　

講到與胡杏兒、胡定欣（Nancy）、胡蓓蔚、黃智雯（Mandy）、李施嬅（Selena）組成的「胡說八道會」，Elaine指原本無特意成立，笑言有種友誼叫胡說八道：「因為胡杏兒同定欣熟啲，佢哋三胡（胡杏兒、胡定欣、胡蓓蔚），我同Nancy熟，慢慢同佢哋一齊玩，反而Selena最遲加入。我哋幾個女仔有時出嚟食飯，有一日講起就叫『胡說八道會』，純粹玩吓。冇諗過會令到慢慢多人去識，亦感染咗人。我覺得好開心，因為呢樣嘢帶畀大家正面嘢。」

點擊看圖輯

圖：姚子羚 IG

更多相片

圖：姚子羚 IG

Elaine指她們互相支持，特別是今年Mandy同Selena在台上見證她和定欣攞獎：「呢個友誼好深厚，互相取笑大家，又一齊做運動，有人生日會盡量幫大家慶祝好難得。好開心大家為大家感情事着急。」Elaine日前在杏兒婚禮派利是時笑言本月結婚，未知孰真孰假，但她就猜測誰是下一位人妻：「其實個個都有可能，Mandy機會大啲，定欣啱啱攞完視后，應該唔諗呢樣嘢，努力工作。（會唔會反而係你自己？）工作先啦，感情事唔會咁着急。」

Elaine直言男友鄭子邦是她的導師：「有時候佢會話畀我聽一啲性格上嘅缺失，或者佢會話俾我聽點去面對一啲嘢，用唔同睇法睇一啲嘢，慢慢佢都會感染我對事情嘅一啲態度，我覺得係一件正面嘅事。」她又指與男友很多事情都在心裡明白對方，所以沒有特別慶祝，反而會想怎樣做得更加好，怎樣用藝人身份去幫更多人。

場地：EPURE
化妝：Sammy Lam （Gardenia）
髮型：Taylor Wan（Hair Corner）
服裝：iBLUES

往下看更多文章

《萬千星輝頒獎典禮2025》首發宣傳片張振朗黃庭鋒打到飛起睇頭十足何廣沛陳楨怡大談浪漫唯美愛情

大會繼12月15日公布「最佳劇集」、「最佳男主角」、「最佳女主角」、「最佳男配角」、「最佳女配角」、「最佳綜藝節目」、「最佳資訊及專題節目」、「最佳男主持」、「最佳女主持」、「飛躍進步男藝員」、「飛躍進步女藝員」、「最佳電視歌曲」合共12個獎項的10強名單後，連串強勢宣傳項目亦隨著正式展開。日前，大會於翡翠台黃金時段播放了頒獎禮頭炮宣傳片，除有7位10強候選藝人擔綱演出，分別是「男主角」候選人陳展鵬及張振朗、「女主角」候選人傅嘉莉、「女配角」候選人陳自瑤、「男配角」候選人何廣沛、「男飛躍」候選人黃庭鋒、「女飛躍」候選人陳楨怡，還有去年視后得主龔嘉欣，及出名好戲的姚子羚「幫拖」，絕對星光熠熠！

短短一分鐘的首發頒獎禮宣傳片以「影像可以由科技打造，但係感動只能夠由人心創造」作為開場白，之後便是連串精彩的演技及拳腳對壘，張振朗黃庭鋒打到飛起、何廣沛陳楨怡上演浪漫唯美愛情小品、陳自瑤姚子羚大玩「金錢版宮心計」、傅嘉莉陳展鵬玩轉「流落版花樣年華」；四場好戲Medley雖然只有十秒左右，但憑藉一眾演員的精彩投入演出，再配以用心又唯美的拍攝角度，不但帶出超強「戲」勢，更是一場視覺享受盛宴。

為配合今年大會主題「貪新‧不忘舊」，宣傳片亦將人與科技完美融合，但強調的始終是致敬演員的「堅持」、「專業」，以及對製作團隊的「信任」，正如宣傳片所言：「拳腳之間，真身承受，投入所有能量，每一吓心跳，都係由演員用生命演活」；而Ending一句「呢一晚，佢哋以最耀眼嘅姿態，聚集埋一齊，以作品回饋觀眾對佢哋嘅期望，呢個真正由人同科技一齊創造嘅表演，正式展開」，配以8位換上靚靚晚裝的演員開心地互動及拍照，為頒獎禮揭開完美序幕。

據知，今屆頒獎禮的官方宣傳片共有五條，之後四條將會是四個小故事的「加長版」，每條時長30秒。雖然加起來只是2分半鐘的宣傳片，但為了拍出最好的作品，台前幕後足足花了兩天拍攝，誠意十足。頒獎禮系列宣傳片主創、TVB企業傳訊部品牌傳播科導演吳鏡輝接受官方訪問時，感激所有專誠度期參與拍攝的藝人之餘，希望透過系列宣傳片、帶出參與藝人在演技上的強項及特色之餘，並想藉此向所有專業演員致敬：「其實好多效果，即使用咗科技Assist達至更好效果，好多嘢都依然係真人先做到，尤其係演技。今次嘅宣傳片，都係希望執行到人同科技完美配合嘅概念。」