直擊《青春本我》煞科戲現場 炎明熹化身小鐵人好捱得

Chantel同Yumi睇落都好攰。

本周日炎明熹（Gigi）抱病出席event時，喺台上腳軟跌倒爆喊，事後解釋因為感冒未清，加上之前一晚瞓得唔好，而非休息時間唔夠。由《聲夢傳奇》入行短短4個月嘅Gigi好受廣告客戶及「Gi炎粉」（fans暱稱）歡迎，面對海量工作已變身「小鐵人」。之前Gigi拍攝新劇《青春本我》煞科戲，由朝早5點開工，再趕場直踩去演出，拍劇鏡頭以外不時笑笑口，人仔細細經已相當專業，好捱得！

終極鏡頭有啲修改，學生們齊齊掟書簿上天花板。

Gigi鏡頭內外全程都好high，仲拉住鍾柔美吹水。

當日Gigi邊跳舞邊笑笑口為自己加油。

《聲夢傳奇》學員炎明熹及姚焯菲（Chantel）人氣爆燈，由佢哋主演嘅青春校園劇《青春本我》亦食住個勢，趕喺12月5日（周日）晚八點半啟播，TVB相當重視呢個劇，加入咗重量級藝人錢嘉樂和湯盈盈、陳煒、姜皓文等客串助陣。對炎明熹嚟講11月嘅時間表真係好緊迫，因為學校喺11月9日開始考試，同時間要為劇集埋尾，兼且要出席商演、為新歌造勢及做台慶……真係少啲耐力都唔得。

姚焯菲、炎明熹及鍾柔美一聽到Roll機就Freestyle狂舞，好盡情。

Chantel頂唔住要撓住雙手，爭取時間閉目養神。

14歲嘅Yumi好瞓得，戲外不停「中」眼瞓。

鍾柔美姚焯菲要「快叉」

頭條日報記者之前深入校園外景場地，採訪炎明熹拍《青春本我》煞科戲，直擊呢位「小鐵人」耐力有幾犀利。當日所有飾演學生哥嘅演員要喺大禮堂大合跳，劇情講一班考緊試嘅學生哥「靈魂出竅」飛咗去舞會派對，齊齊狂歌熱舞。由於要爭取拍攝時間，提早到朝早五點開工，個個凌晨兩、三點就要起身做準備。當日人多手腳亂，跳舞鏡頭又要講求合拍性，同埋要拍唔同角度，見演員不停重覆，喺座位度起身然後再跳舞，足足拍咗幾粒鐘，真係拍得超辛苦，演員都拍到有啲攰，尤其14歲鍾柔美（Yumi）係睡寶寶，打燈期間坐著「中」眼瞓，最後瞓到伏喺枱面；至於姚焯菲就撓住雙手閉目小睡嚟個「快叉」。反觀Gigi精力充沛，仲坐到筆直留心等嗌Roll機，見她每跳完一次就呼出一口氣嚟鬆一鬆，然後整理好頭髮及衣服準備拍下個鏡頭，再攝時間猛練舞姿，而且全程都係笑笑口，好有行動力，見她拍咗幾小時都冇打過一個「喊路」，之後仲要趕場去表演，16歲女經已堅捱得，而且表現得好專業！

Yumi仲索性瞓到伏喺枱面。

Gigi幾時都咁留神做好拍攝準備，唔見倦意。

日前Gigi身體不適搞到腳仔軟，喺公開活動上跌親。

盡量休息Keep好精神

被讚表現專業，帶點童真嘅Gigi就話：「我都唔知點解會笑，我成日傻笑，可以唔使理我！不過我會盡量休息Keep好個精神，因為表演真係好重要，我好少跳舞，對我嚟講係有難度，要自己練得好熟，唔想做得太差。」不過，對她來說最難反而邊拍劇邊考試，她偷笑說：「好驚溫咗書變咗唔記得晒啲劇本，唔想劇本有甩漏搞到嘥大家時間，咁應該背邊樣先，點算好呢？通常要返到屋企先開始溫書，盡量分配好啲時間囉。」至於Chantel都力讚Gigi係個好堅強嘅人，唔會顯露好攰，好專業，而她會食糖嚟提神；Yumi就話會趁轉景嘅時候盡量搵位休息養吓神。

Gigi本身都係勤力學生，唔會因為工作而缺課。

劇中Chantel飾演好怕醜嘅女仔，同Gigi有好多對手戲。

劇中煒哥演Gigi媽咪，Gigi話真係學到好多嘢。

直擊《青春本我》煞科戲現場，炎明熹明顯比姚焯菲及鍾柔美捱得。

Chantel透露準備親手下廚為媽媽炮製晚餐！

母親節將至，香港街市為全港偉大的母親送上多重優惠及驚喜，由即日起至 5月12日期間，香港街市旗下20多個街市推出「好賞寵媽咪」母親節禮遇，大派100,000積分、電子買餸現金券及多個限定優惠。除此之外，「全港首間蔬菜花店」亦正式登陸藍田啟田市場，多款嬌豔優雅又實用的蔬菜花束供市民免費換領。於指定日子，市民可到街市揀選時令及新鮮蔬菜，讓駐場專業花藝師親手製作獨一無二的蔬菜花束，以答謝媽媽們對家庭付出的貢獻！為隆重其事，「聲夢小花」姚焯菲（Chantel）和靚媽「長腳蟹」呂慧儀更親身到啟田市場，提前準備母親節驚喜。

姚焯菲（Chantel）和呂慧儀昨日（4月22日）出席母親節活動，製作蔬菜花束。

全港首間蔬菜花店進駐啟田市場 一場結合花藝與新鮮蔬菜的療癒饗宴
新鮮的西蘭花、三色彩椒、粟米、紫洋蔥、甘筍、蘆筍、車厘茄及韭菜花等食材，不但健康有益，在花藝師的巧手下更能製作成美麗的蔬菜花束。為迎接母親節，香港街市特別於藍田啟田市場開設「全港首間蔬菜花店」，以獨特而創新的方式將蔬菜和花卉相結合，營造出一個充滿綠意和生機的空間。當你經過蔬菜花店，各種鮮豔多彩的花朵及蔬菜率先映入眼簾，綻放著迷人的色彩和芬芳的香氣，讓人心情愉悅。

香港街市更於指定日子安排了駐場花藝師服務，會員可直接於街市選購時令新鮮蔬菜，將其變成獨一無二「窩心即包蔬菜花」花束。只要成為香港街市會員，並在活動日子於啟田市場消費滿指定金額，即可免費換領蔬菜花束；會員即日消費滿 $288，可換領迷你蔬菜花1束(每日限量100份)；會員即日消費滿 $388，則可即場自行選購蔬菜，交給香港街市的花藝師為你紮成一束「窩心即包蔬菜花」(每日名額30個)。由即日起至 5月3日，香港街市App會員可用250分免費預訂 「520蔬菜花」1束(限量200份)，數量有限，換完即止！想為媽媽送上獨特又實用的禮物的你絕對不能錯過！

消費尊享：會員於啟田市場內即日消費滿$288，即可免費獲贈迷你蔬菜花1束 (每日限量100份)
APP限定換領：香港街市手機App會員用250積分即可換 520蔬菜花1束
(香港街市APP限定，須於2024年4月22日至5月3日期間預訂，並只限指定日子及時間內於啟田市場領取)(限量200份)
窩心即包蔬菜花：於啟田市場內即日消費滿$388，駐場花藝師即免費於現場將會員選購的時令新鮮蔬菜紮成獨一無二的蔬菜花1束 (每日名額30個)

換領地點：藍田啟田市場
換領日期：5月4、5、11及12日
換領時間：下午3時至5時

Chantel表示母親節當日已赴紐西蘭讀書，會預早慶祝，為媽媽親自下廚。

Chantel母親節好「煮」意

將於月底返回新西蘭開學的「聲夢小花」姚焯菲和靚媽呂慧儀日前抽空親訪啟田市場內的「全港首間蔬菜花店」，異口同聲表達對蔬菜花店的讚賞，呂慧儀更笑言這絕對會成為她媽媽歷年最愛的母親節禮物：「每年母親節我都會送鮮花給媽媽，而每年她亦會埋怨鮮花太過奢華；今年為她送上香港街市的蔬菜花，睇得又食得，絕對會深得她的心！」被問到最想收到甚麼母親節禮物，呂慧儀表示囝囝非常有心思：「他每年都會為我親手準備不同的手作禮物，小時候會親手畫卡，近年更收過自製相框和手工包包等，每份禮物我都有好好收藏，今年亦非常期待收到他的手作禮物！」

而快將要返回新西蘭開學的姚焯菲表示非常珍惜離去前的時間：「今年未能在港與媽咪慶祝母親節，為了彌補這個遺憾，這段期間除了工作外，其他所有時間都陪著媽咪，讓媽咪覺得每天都在過母親節。我與妹妹更準備親手下廚為媽媽炮製晚餐，我留意到香港街市推出了不少限定優惠，多款海鮮、牛排和其他新鮮食材都有非常吸引的優惠，我立即把詳情發給妹妹，約她今晚一起設計菜單！」

呂慧儀大讚蔬菜花束很實際！

參與市場：
天瑞街市、T Market頌富市場、本灣市場(小西灣)、太和街市、啟業市場、良景市集、青衣市場(長發邨)、隆亨市集、寶達市場、竹園市場、慈雲山市場、廣源市場、恆安市場、沙角市場、啟田市場、祥華市場、華明市場、茵怡市場、香港街市-逸東邨、葵盛東街市、寶林市場

關於香港街市
「香港街市」旗下各個街市均具備獨特而新穎的主題設計，配合完善的配套設施，包括採用開放式通道設計，建立無障礙空間、安裝空調設施等，為顧客提供舒適的購物環境。另外，隨著社會消費模式轉變，「香港街市」亦與時並進，推出各項推廣及多種現代化的創新服務，包括：全港首創街市DJ、電子會員制度、電子支付服務等，為新世代打造現代化的「智能街市」。展望未來，「香港街市」將會繼續保持傑出的管理及經營質素，並繼續提升旗下街市的質素，讓市民和商戶都能獲得「不一樣的街市體驗」。

兩人出席母親節活動，製作蔬菜花束。