騰雞殺手孭晒鑊

商台早一日將志雲大師擺埋一邊做智囊，外界摸不著頭腦，初時以為志雲大師單官司政府可能上訴成功，但睇落又唔似。後來又傳出話志雲做主持唔做得CEO，甚至有傳佢權力無減，此安排是叫佢加大力度控早晨節目云云。但今天一睇商台解僱李慧玲，就知上述猜測都無乜根據。

首先要睇今次商台解僱李慧玲的手法，十分強硬，借住今日跑馬無咗李慧玲主持的節目，即日就通知佢以後不用返工。想當日陳志雲處理李慧玲事件時，又話叫慧玲姐回公司傾，又希望佢傾好咗一齊出席記者會，你話當日志雲大師手段懷柔又得，話佢拖泥帶水亦得，總之佢想做到面面俱圓，等外界無乜藉口批評他，和今天的手法大異其趣，管理層仲擺明在志雲大師調職後馬上出手，好似配套行動。

有資深傳媒業人士形容，陳志雲呢個慘劇，可以咁去形容，老細叫佢做殺手去殺人，佢就十分騰雞，話咁殺人唔得架，會有好大反嚮架，會死人架，不如溫和啲啦，不如唔好殺人打吓人算啦，不如咁咁咁啦…….老細怕咗你，好啦照你意思做啦。若果做完真係有十級颱風，老細覺得你咁搞都OK啦，但做完風平浪靜，老細就有點後悔，覺得信錯你，你咁騰雞點做殺手呀，等我嚟啦。

該名資深傳媒業人士話，過去的社會較平和，志雲大師呢種圓滑人士，面面俱圓，兩面討好，的確係得。但如今社會已經裂晒面，郁啲就打交，打交講實力，圓滑人士想兩面都討好，變成兩面皆不討好。

有傳聞話志雲大師抗命唔願殺李慧玲所以才調職，但照事實分析，都唔係抗命的問題，係覺得你處理得唔好的問題。若然志雲大師係抗命，就應該劈炮，唔應該留在商台做首席智囊啦。

Ariel

** 博客文章文責自負,不代表本公司立場 **

阮小儀將於10月31日正式離開效力逾31年的商業電台，結束其在商台的職業生涯。離別在即，她早前出席最後一次商台二台例會，場面感人。

小儀IG圖片

小儀事後在社交平台分享當日的大合照，相中一眾DJ及高層均做出難過、不捨的表情，更有同事淚眼汪汪，與笑著比出心心手勢的小儀形成對比。她發寫道︰「每次2台例會，大家都會喺匯報節目情況時講 『正常』～～～今日係我最後一次喺2台例會出現，對我嚟講，將會『唔正常』了。多謝2台呢家人咁𡃶我，令我滿載30年多嘅快樂回憶。」

小儀IG圖片

小儀IG圖片