帶丹麥老婆上飛鵝山慶生 駱振偉：鑽石黃金不及一片真心

Thor同太太好恩愛～

駱振偉（Thor）2019年喺丹麥迎娶拍拖5年嘅丹麥女友Katrine Friis Olsen，婚後嫁夫隨夫，一齊定居香港。日前係Katrine嘅生日，雖然冇大肆慶祝，只係兩個人簡簡單單上飛鵝山飲茶，但已經好滿足，Thor喺社交網sweet爆留言：「其實快樂好簡單，Love You 。」仲hashtag：「#鑽石與黃金唔及我一片真誠與真心」。

Thor與丹麥太太Katrine。

超恩愛，日日都可以係情人節。

Thor話太太已變咗地道香港人，問佢生日想去邊，太太用Chinglish答：「想去flygoosemountain（飛鵝山）」，但現場冇燒賣蝦餃，真係沖茶飲，並應傳統買咗一個好好味嘅蛋糕，而太太亦好浪漫，自備咗蠟燭，而且天公造美，上到咁高都竟然唔係太大風，蠟燭順利燃點，營造超浪漫氣氛。

呢張係老婆幫Thor影嘅，都cut咗好多嘢。

好浪漫嘅生日，一齊上山點蠟光，享受美景同飲啖茶。

兩公婆當然有亦親暱嘅叫法，Thor自爆：「我老婆叫我做BEAR，我叫佢做Penguin，都唔記得由幾時開始。佢話想買新嘅傢俬，所以我送咗個BearCash俾佢，禮物我仲自己包㗎。」佢哋各自幫對方影咗張單人照，Thor幫太太影埋無敵港景，而Thor就得番大頭樣，Thor笑話：「我問佢點解可以爭咁遠，佢答返我生日大哂！fine健健康康、快快樂樂，快啲通關等佢唔使思鄉。」

ViuTV清談節目《晚吹 - 男人亂講嘢》逢星期二晚上11時播出。節目為舒緩廣大香港男士因為社會價值急速變化產生的焦慮和不安，由三位不同年齡層的主持人分別是193（郭嘉駿）、Thor（駱振偉）、灘叔（鄒凱光）與Helen（譚凱倫）每星期圍爐亂講，從男性角度和女性角度盡訴當代男人的難處。

節目主持193（郭嘉駿）

節目主持灘叔（鄒凱光）

節目主持Helen（譚凱倫）

節目主持Thor（駱振偉）

本集（10月14日）以「Wingman」為主題，指在感情中擔任軍師或助攻的角色，亦有幫助朋友掩飾「偷食」行為之稱。Thor指要做「Wingman」必須要有高超的演技，在沒有任何前提下要向朋友另一半編造出無破綻的故事。193亦分享自己做「Wingman」的經驗，經常需要幫朋友製造不在場證明，不過他坦言並非每次都能成功：「有一次朋友A個女朋友打電話嚟問我，朋友A係咪同我一齊？」作為專業「Wingman」，193理所當然地回答：「係」，但對方立即回應：「但係佢而家係我隔離喎！」自此193便被定義為不可信任的朋友，大呼「Wingman」難做。

Thor指要做「Wingman」必須要有高超的演技，在沒有任何前提下要向朋友另一半編造出無破綻的故事。

193亦分享經常需要幫朋友製造不在場證明。

灘叔更大爆一個女性朋友B的故事，她跟一位性格較為沉悶的男士組織家庭多年，直到近年認識一位男士，相對之下覺得對方好吸引、好有火花。於是，這位朋友B叫灘叔和自己老公相約一起看足球比賽，讓自己有三小時去「偷食」。灘叔直指：「本身同佢老公都唔係太熟，仲要我知佢老婆而家同人『搞緊嘢』，場波都睇得勁心虛。」朋友B老公在球賽期間還不時關心老婆的狀況，灘叔甚至忍不住想對他說：「不如你都去溝女啦！」而這時朋友B更要灘叔「加時作戰」，好在比賽2:2加時，灘叔激動地說：「個天都幫埋我！」完場後灘叔看見朋友B春風滿面的樣子更感內疚。但最後結局竟然是朋友B的老公出軌被發現，灘叔大感不公：「我嗰Friend最後竟然變成受害者，仲可以好靚咁落台」。

三位主持都有作為「Wingman」的經驗，但隨著年齡的增長，三人都認為有些情況會「過唔到自己個關」而堅決拒絕再做「Wingman」！

灘叔大感不公，朋友出軌結局竟然是其老公出軌反被發現。

隨著年齡的增長，三位主持都認為有些情況會「過唔到自己個關」而堅決拒絕再做「Wingman」！