張敬軒搞喊個唱嘉賓泳兒 Tyson Yoshi獨唱自嘲是廁所位

張敬軒在紅館的演唱會昨晚（26日）來到第四場，在Boxing Day軒仔向觀眾加碼送禮物，一次過請來Tyson Yoshi及泳兒出任嘉賓。當軒仔介紹Tyson Yoshi上台前表示：「我係訪問佢嘅人，佢嗰日重激嬲我，竟然同我講細細個就聽我嘅《孤單公園》。」Tyson Yoshi帶着巨型水槍上台，一上來就向軒仔發射，軒仔想反搶水槍報仇，但卻因為不懂怎發射而宣告失敗。

Tyson Yoshi帶水槍上台，公然射向軒仔。

軒仔拿着巨型螢光棒指向觀眾席，同樣貪玩。

軒仔昨晚個唱一口氣請來Tyson Yoshi及泳兒做嘉賓。

軒仔乘機再追問Tyson Yoshi：「你話細細個鍾意我，究竟幾細？你咪亂講野呀？」Tyson Yoshi即驚驚青青地回答：「中...中...中學，小學嗰陣你未入行。」軒仔即笑言：「你識話你小學我未入行，講得好有前途。」Tyson Yoshi隨即謂：「多謝大佬。」軒仔再笑稱：「好啦，咁我收你做o靚！」當Tyson Yoshi獨唱時，他竟自嘲：「嚟到今晚嘅廁所位！」 

Tyson Yoshi向軒仔賣口乖。

獨唱時自嘲是昨晚演唱會的廁所位。

Tyson Yoshi演出完後，輪到另一位嘉賓泳兒上台，與軒仔合唱《 石徑》，他重提當年因唱片公司人事變動被投閒置散，結果獲港台前高層周國豐安排到港台節目，軒仔說：「喺港台返工第一日，就收到呢位歌手第一隻派台碟 《感應》。」隨即泳兒出場，但她甫上台即眼濕濕：「我喺台下面聽你講已經好感觸， 我當年冇乜人識，第一個小小演唱會，你都願意嚟幫我做嘉賓。」軒仔即出手幫泳兒抺眼淚，再鼓勵她：「每個人都係由一張白紙開始，只要肯努力，聽眾耳朵係雪亮，你一定會有好成績！」

泳兒感動眼濕濕，軒仔即幫她抺眼淚。

適逢今日（12月26日）是萬眾期待的「拆禮物日」，獨立歌手Tyson Yoshi即趁機在社交網站「送大禮」，率先劇透將與全球人氣男神王嘉爾（Jackson Wang）合作新歌，只見Tyson在限時動態分享一段音樂播放畫面，歌名顯示為《Tyson x Jackson 00’s love song DEMO》，更寫道：「2026年1月25日，Let’s sing it on stage?」這顆「Boxing Day震撼彈」隨即掀起網友熱話，紛紛跪求兩大「True爆男神」來一次「真．合作」！

Tyson Yoshi佳節送大禮，投擲「Boxing Day震撼彈」，劇透與王嘉爾出合唱歌。

Tyson疑似透露與王嘉爾於澳門演唱會合唱新歌。

王嘉爾亦有轉發該限時動態。

無獨有偶，Tyson將於明年1月24日至25日在澳門舉行《TYSON YOSHI THE VILLAIN LIVE IN MACAO》，Jackson Wang亦第一時間轉發Tyson的限時動態，並寫上「Happy Boxing Day」，更令Jackson將擔任尾場嘉賓的傳聞更囂塵上！

有心水清的網友表示Jackson於早前的世巡澳門站曾邀請Tyson做嘉賓，扯衫的「黃金畫面」當時在各大社交網站洗版，如今Tyson首次進軍澳門，向來重情重義的Jackson「禮尚往來」做嘉賓的機率高達99.99%，更令網友熱烈期待「兩Son合體」首唱新歌的又一「黃金畫面」！

網傳1月24號嘉賓是Gareth. T。

網傳演唱會嘉賓陣容。

除了尾場嘉賓是Jackson Wang外，Threads更驚現「大膽猜測」帖文指：「24號嘉賓係湯令山，合唱《December》；25號嘉賓係王嘉爾，合唱新歌。Only9估，信不信由你，我估可能仲會保留跳水環節XD」此帖一出吸引無數網友留言，連Tyson本尊亦回覆話：「嘩X！」似乎對這個「大膽猜測」表示「有料到」，更有網友留言說：「到底Tyson同Jackson會著衫定除衫合唱呢？」、「期待Tyson同Jackson『用胸肌唱情歌』呀！」、「集氣湯令山同Tyson齊齊示範『令山轉』囉！」創意十足！

王嘉爾任Tyson Yoshi澳門騷尾場嘉賓。