盆栽擺放有學問。
去年，麥玲玲贈送了富貴竹給薛家燕，整年家燕姐都好旺兼順順利利、平平安安，所以今年家燕姐想keep住道旺氣，再請玲玲師傅為她揀靚嘅富貴竹。早前，家燕姐同玲玲師傅到花墟拍攝《新春開運王》外景時，家燕姐順道買番一打富貴竹看門口，玲玲師傅帶她去幫襯開嘅花店，揀選又長又翠綠嘅富貴竹，玲玲師傅仲教大家揀富貴竹嘅小貼士，並話：「揀富貴竹最緊要睇有冇根，有根先靚，擺成年都可以。」
點擊看圖輯
左起：周志康、薛家燕、麥玲玲同宋宛穎，嚟到花墟拍《新春開運王》。
麥玲玲贈送富貴竹俾家燕姐，玲玲師傅話：「最緊要家燕姐間間office都生意興隆！」
左起：周志康、薛家燕、麥玲玲同宋宛穎，嚟到花墟拍《新春開運王》。
家燕姐每年都會買蘭花擺放喺屋企同公司。
當日，早上十時，家燕姐與兩位主持周志康和宋宛穎及麥玲玲師傅嚟到花墟拍外景，玲玲師傅指，唔同嘅花、唔同嘅盆栽、唔同嘅植物，擺喺唔同嘅地方，對運勢都有幫助，想知道應該喺邊個方位擺放邊種植物，明天(21日)就要收睇《新春開運王》。家燕組話：「本來係想玲玲師傅帶我去花店買富貴竹，上年佢送咗啲富貴竹俾我，擺咗成年都好靚，所以今次想玲玲師傅幫我揀，我可以擺喺屋企同公司，點知玲玲師傅好客氣，又送富貴竹俾我，我就送咗盆蘭花俾佢，點知臨走時，花店個老闆又送咗一盆蘭花俾我，一盆俾玲玲師傅。」
麥玲玲介紹家燕姐擺五代同堂，話好快又可以添丁！
家燕姐送番盆蘭花俾玲玲師傅。
家燕姐除了買富貴竹外，亦買了一大串嘅五代同堂，玲玲師傅亦提醒家燕姐話：「五代同堂要擺放高處，可以放喺門邊附近， Mani嗰時買咗，抬一支返屋企就添咗丁……我每次同家燕姐拍嘢都好開心，佢帶咗好多歡樂俾我哋。」而家燕姐亦大讚玲玲師傅除了玄學外，食嘢方面都好多好介紹。
麥玲玲贈送富貴竹俾家燕姐，玲玲師傅話：「最緊要家燕姐間間office都生意興隆！」
每次拍攝《新春開運王》，都會充斥著歡樂及歡笑聲。
一共五集的《大航假期呈獻：玩轉桂林懶人包》，今晚10點半翡翠台播出最後一集，由薛家燕、何廣沛、林正峰擔任主持。
品嚐桂林Style螺螄粉。
家燕姐形容林正峰似螺螄粉，形容得貼唔貼切？
桂林行程精彩之餘，主持們之間的搞笑互動亦是節目焦點，尤以昨晚（18日）一集互動最有記憶點。三人品嚐當地著名美食螺螄粉期間，家燕姐突然表示螺螄粉似足林正峰：「鍾意佢就覺得佢幾Nice，唔鍾意佢就覺得佢...」，然後何廣沛竟加把嘴：「寒酸...總之係孤寒啦！」，林正峰亦七情上面扮介意：「我覺得比喻得幾好，只係我個心硬係覺得有啲唔舒服」，十分搞笑。另外何廣沛和林正峰亦體驗「竹筏遊」，近距離觀賞灕江兩岸景色。期間二人興奮地在竹筏上擺出各種甫士，林正峰更即興向岸上女子請求幫忙打卡拍照，被何廣沛笑指：「原來林正峰係咁樣溝女嘅！」
何廣沛+林正峰孖寶兄弟搭竹筏欣賞灕江兩岸景色
做甫士吸引岸上女士注意，呢個就係林正峰識女仔嘅秘技？
何廣沛+林正峰「成親」儀式笑料滿載
何廣沛和林正峰這對孖寶兄弟除了互寸外，二人亦相當賣力哄「皇太后」家燕姐開心。前晚（17日）一集，三人到訪有「天下第一長髮村」之稱的黃洛瑤寨，這對孖寶兄弟更親身上台和當地的紅瑤婦女舉行「成親」儀式，過程中二人和紅瑤婦女載歌載舞，更接連被摸屁股，逗得台下的家燕姐大笑兼拍爛手掌。
孖寶兄弟在尋找美食方面亦是相當落力。主持們上天下海，體驗在隱世雲端Cafe浸住腳歎咖啡欣賞美景外，亦品嚐路邊攤檔滋味竹筒飯，而林正峰落力尋找美食的舉動亦獲家燕姐垂青：「峰峰，你每次發現都係食啊食啊食啊...不過好啱我！」而二人亦乘機「嗲」家燕姐親自餵食竹筒飯，林正峰更賣口乖：「覺得家燕姐餵畀我嘅飯特別甜！」而轉數快的家燕姐笑言：「因為有我啲口水！」互動相當搞笑。
何廣沛+林正峰親身上陣，同當地嘅紅瑤婦女嚟一場「成親」儀式！
禮成！
家燕姐睇到好開心！
林正峰自我感覺「非常油膩」？
除了路邊滋味，三人亦享用各式各樣盛宴，包括昨晚一集，以金桔為主題的「金桔宴」。當何廣沛將充滿霧氣的「金桔餅桂花煲藕」形容成「仙氣」時，林正峰即時賣口乖：「好似家燕姐，仙氣飄飄啊！」哄得家燕姐笑逐顏開；除「金桔宴」，前晚的桂式「農家宴」亦令人胃口大開，當何廣沛即場將「待客肉」塞進口感似豬油撈飯的「鼎鍋飯」時，林正峰竟口快快形容自己「油膩」：「你嗰啲咁就叫邪惡？邊有得（同我）鬥呀？我油膩過你好多！」然後馬上意識自己用錯形容詞，但仍被何廣沛無情揶揄：「你係真係油膩過我哋好多嘅！」
三人在隱世雲端Cafe，體驗浸住腳歎咖啡欣賞美景。
家燕姐親自餵孖寶兄弟食竹筒飯
就算品嚐金桔宴，孖寶兄弟依然唔會錯過任何機會哄家燕姐開心。
仲有地道農家宴。
林正峰竟然話自己油膩！
家燕姐乘船觀賞灕江景色，家燕姐更憶起當年拍攝電影時的回憶。
至於今晚（19日）播出的最後一集，三人將體驗觀賞灕江兩岸美景的「興坪遊船」。家燕姐望見灕江，更想起其年輕時曾和修哥（胡楓）、吳君麗拍攝電影《灕江河畔血海仇》（1963年）的點滴，雖然時隔62年，但家燕姐對當年的拍攝細節印象深刻，十分厲害！想知道家燕姐會分享當年什麼精彩的拍攝點滴，而製作組又為三人預備了什麼行程，萬勿錯過今晚播出最後一集的《玩轉桂林懶人包》。
