2014港姐亞軍王卓淇（Erin）接受本網專訪談及拍劇經歷和擇偶條件，她坦言是有準備參選港姐，不時練習Catwalk和談吐，希望做大方得體的「真·港姐」。
在廣州出生的卓淇笑言是因為有香港身份證，在媽媽推薦下踏上演藝之路：「我婆婆好想我返嚟定居，因為佢年紀大，喺英國完成學業，好似未搵工喎，又見到港姐招募緊，咁就填Form。」
點擊看圖輯
TVB.COM圖片
TVB.COM圖片
TVB.COM圖片
TVB.COM圖片
TVB.COM圖片
王卓淇提供圖片
TVB.COM圖片
卓淇指如果完全無把握不會夠膽參選：「我有準備過，選港姐前我會去上禮儀堂，起碼Catwalk、談吐都有對住手機練自我介紹。我覺得呢個準備係要有，好似見一份工咁，香港小姐其實係香港人嘅女，要代表香港有禮貌大方得體，咁我都希望成為嗰種人。」
TVB.COM圖片
參選時因貌似陳法拉被傳媒封為「碩士法拉」，卓淇指很開心獲此稱號，認為大家會容易記得自己，獲選變得更加了解自己：「以前選美就係最難將自己最真一面講出嚟，好驚講錯嘢，成個任期都驚，每次出活動都係諗過先講。」她又指當年與一眾候選佳麗感情可以說是最好，到現在仍不時有很多聚會。
TVB.COM圖片
近年中港矛盾不斷，提到參選時被揭來自廣州，她卻以此為傲，又指第一次見傳媒時已稱自己是廣州人。卓淇指廣州是一個傳統的地方，在那裡成長有好多回憶，亦覺得是優勢，因為港姐是文化大使，認為在不同地方生活過，可將香港和不同文化宣揚開去。
TVB.COM圖片
除首次參與拍攝劇集《愛情食物鏈》外，卓淇亦是資訊節目《安樂蝸》主持之一，但她坦言較喜歡拍劇：「我覺得拍劇太有意思，拍一百套劇會有一百種人生，每一種都不同。今次（拍劇）做完都了解自己多咗，原來我都可以搞笑，原來我都可以性感，再發掘多啲潛能。（想再做乜嘢角色？）喜劇容易入口啲，我都想做多啲喜劇。但我有陰暗面嘅一個人，可以做一啲愛得瘋狂嘅女仔，因為我覺得有呢一面喺入面。」
TVB.COM圖片
卸任港姐後的卓淇變得與粉絲有更多交流，在facebook及Instagram分享不同趣事，又鍾意跟粉絲玩遊戲。她指選港姐時要顧及形象，現在是藝人可讓大家多知道更多自己的事。
卓淇父母分別在廣州及香港兩地分居，直言不會因父母感情關係而對將來另一半存在陰影：「雖然佢哋分隔兩地，但我由細都大都充滿愛，因為佢哋都好鍚我已經夠，同爹哋媽咪感情好好。」
王卓淇提供圖片
