黃澤鋒去年底見祝文君最後一面 已消瘦但未提患病

黃澤鋒跟祝文君同樣出身於藝員訓練班，認識多年合作無間，近年大家都成為藝進同學會委員而經常見面，所以昨晚11時多收到文君死訊，感到相當愕然，「唉！真係諗都冇諗過文君走咗，大家幾十年朋友，早排仲見過佢嘅，因為我哋每年藝進同學會都會搞會慶，會慶係1230，即係12月30號，文君就係藝進同學會永遠名譽會長，嗰晚都有見到佢，佢仲同妃妃（澤鋒女兒）影相玩，佢幾鍾意妃妃，每次出席宴會，佢見到妃妃都會同佢影吓相，我同佢幾十年老友，大家都係訓練班出身，佢一出嚟我就識佢，我早過佢啲，由《城巿追擊》開始合作咗幾十年，藝進同學會又成日見，最後一次咪上次會慶囉！」

澤鋒跟文君都是應屆藝進同學會委員。

1992年，澤鋒和文君跟周潤發等藝進同學會成員，齊演出舞台劇《皮草店的春光》。

澤鋒透露去年12月底會慶見到文君，完全不覺對方有病在身，「我上次見佢都冇事，佢淨係瘦之嘛！冇諗過佢有肺癌，佢又乜都冇講，個樣又好開心，嘻嘻哈哈咁，都唔知佢有肺癌，後尾發生咗事，問過其他會長先知，佢係瞓覺走咗去，其實佢肺癌已經兩年，大家只係覺得佢瘦，唔覺得佢有病㗎！大家咁老友都冇講呢啲嘢，佢仲好後生嘛！」

澤鋒跟文君2002年與肥姐等人，為胡楓慶祝七十歲生日。

2017年，澤鋒跟文君齊參與藝進同學會成員麥包執導政府宣傳片。

黃澤鋒去年12月藝進會活動最後一見 文君消瘦出席冇提有病

關注一下過去24小時娛圈事Top 5熱話。

孫慧雪12月日日都好充實 攰到秒睡渴望瞓到自然醒

43歲的「宅男女神」孫慧雪與「富二代」羅天彥（Edwin Lo）婚後先後誕下兩子，一家四口生活幸福美滿！雪雪近年淡出電視圈轉型做KOL，雖然家庭工作兩不誤，但聖誕節將至，要為開始放長假的囝囝安排不同活動，更是忙過不停，令她最近每晚也攰到幾乎秒睡！

▼詳情點擊圖片查看或按連結

高鈞賢巨廳變BB遊樂場 全面啟動「慈父模式」

現年41歲的首屆香港先生冠軍高鈞賢（Matthew），去年底與細10歲的圈外女友黃梓漫（Christine）結婚，今年1月正式升呢做爸爸，迎來愛女高子琳（Liona），一家三口生活幸福美滿。雖然目前定居深圳，但高鈞賢早已為女兒將來升學鋪路，早前更豪擲約2,250萬元，購入九龍塘畢架山一號一個三房單位連車位，成交價較銀行網上估價高出近三成，盡顯慈父本色。

▼詳情點擊圖片查看或按連結

黃澤鋒大女完美遺傳父母運動細胞 6歲小黃妃兒童水運會奪一金一銀

58歲的黃澤鋒與同齡圈外太太陳麗麗（Lilian）於2010年結婚，2019年陳麗麗以52歲之齡懷孕，並於同年7月剖腹誔下女兒黃熙恩（小黃妃），今年8月再迎來細女黃熙喬（小貴妃），榮升幸福的四口之家！最近黃氏一家又有新喜訊，就是6歲的小黃妃在元朗區兒童水運會奪得一金一銀，相當叻女！

▼詳情點擊圖片查看或按連結

鍾柔美低調迎19歲生日 晒粉紅色座駕獲粉絲讚靚

「聲夢小花」鍾柔美（Yumi）於昨日（12月21日）正式踏入19歲，生日前夕，她在IG晒出一輯靚相，並留言：「Last year as a teen.」

▼詳情點擊圖片查看或按連結

金宇彬、申敏兒世紀婚禮現場照曝光 賓客獲「高級回禮」顯心思

韓國演藝圈模範情侶金宇彬與申敏兒，歷經10年堅定愛情，終於12月20日舉行婚禮，正式結為夫妻。婚禮僅邀請親友與圈內至親出席，現場保密嚴密，一度無任何新人的照片外流，直到22日經理人公司AM娛樂首度釋出婚禮現場照與婚紗照，夫妻倆甜蜜攜手入場的畫面瞬間引發粉絲熱議，宛如現實版浪漫韓劇。

▼詳情點擊圖片查看或按連結