娛圈事
58歲的黃澤鋒與同齡太太陳麗，星期日（11月23日）在尖沙咀設宴40席，為8月底出生的細女「小貴妃」黃熙喬慶祝百日之喜。而吳啟華舊愛羅泳嫻亦有到場祝賀，不過她因為IG貼文的祝福語，成為網絡焦點。
黃澤鋒IG圖片
羅泳嫻在社交平台Threads上載與與黃澤鋒一家三口的合照，並留言寫道：「幾時生第三個」，文末加上笑到喊的表情符號。這句祝福卻引來兩極反應，有網民認為陳麗以高齡產婦身份誕下兩女已屬不易，過去亦曾因考慮人工受孕追多一胎而惹來討論，質疑羅泳嫻的玩笑欠妥。
鋒IG圖片
黃澤鋒IG圖片
黃澤鋒IG圖片
部分網民留言直指「又要去博影相，去完有嘲笑人」、「你講嘢都幾賤，仲加多個笑emoji」、「心地唔好」、「呢句說話真心唔好笑，知唔知人地幾努力先有第二個，同計劃晒，講埋 啲冇腦野既，會令人討厭呀，你自己言行尊重d 啦」。不過亦有網民為羅泳嫻護航，認為她只是出於好意送上祝福。
黃澤鋒IG圖片
58歲黃澤鋒與同齡太太陳麗麗及大女兒「小黃妃」黃熙恩，日前一同亮相由薛家燕、思敏及范振鋒主持的《開心大派對》節目訪問。今年八月，陳麗麗誕下第二位千金黃熙喬（小貴妃），並於上周舉辦百日宴，夫婦二人在節目中分享高齡之年再度迎來女兒的勇敢決定，陳麗麗更透露在成功懷上第二胎前曾經歷小產，以及透過試管嬰兒（IVF）艱難求子的過程。
主持薛家燕、范振鋒、思敏與黃澤鋒及太太陳麗麗、大女兒
黃澤鋒與陳麗麗一家四口
第二胎計畫透過「IVF」而來，而這個決定背後，源於一段傷心的過去。陳麗麗透露在這次成功之前，曾經歷過一次小產，「嗰次佢（大女兒）都好開心，本身已經跟我講『我啲同學有細佬，點解我冇』？」正當全家滿懷期待時，產檢卻傳來壞消息，陳麗麗憶述：「當時個胎都不足三個月，係十個星期……BB突然冇咗心跳。」這個打擊讓原本興奮的他們感到非常可惜。
薛家燕與黃澤鋒及太太陳麗麗、大女兒
經歷失落後，醫生給予他們希望，陳麗麗轉述醫生的話：「你哋係唔係真係仲想？如果係，你們諗清楚，我有方法幫你。」為此，他們召開家庭會議，連大女兒也一起商量，陳麗麗表示：「我哋係一家人，唔可以突然多咗一個唔話佢（大女）知，佢會小器，我唔想。」在考慮了金錢、時間、生理及心理等各因素後，他們決定勇敢再試一次，「其實之前冇咗嗰個（BB）都畀人鬧，所以要好好保護呢個（第二胎），太早畀人知就鬧爆，鬧爆呢個仲大壓力，所以用咗一年時間去籌備。」
薛家燕與黃澤鋒大女兒
小黃妃好錫妹妹。
別以為求子輕鬆，但陳麗麗表示「IVF」絕非易事，她稱：「好多人都話我好容易，對唔住，唔係好容易，我都做咗兩次先成功，算係好幸運，有啲人做五次都唔得。」她透露當時需要香港、台灣兩地奔波，但為了不影響照顧大女兒和保密，她經常獨自早機去、夜機返，舟車勞頓。黃澤鋒則在整個過程中給予太太全力支援，他表示在家庭會議中已承諾：「我一定支援老婆，無論係心理、金錢，一定無限量支持，任何情況我都係陪足嘅。」
薛家燕與黃澤鋒及太太陳麗麗、大女兒
一家四口好幸福！
詳細節目內容，請重溫11月29日，下午2-3時，新城知訊台《開心大派對》節目，網址：https://www.metroradio.com.hk/MetroInfo/
