公司嫌工作效率低要在家開鏡頭 網民呻失WFH自由惹議

疫情反覆下，重過正常生活遙遙無期。有網民於「香港討論區」發文抱怨指，公司要求員工辦公時間在家居開設鏡頭監察工作。

設計圖片

發文者說，已經在家工作一個半月，公司嫌員工在家工作工作效率太低，懷疑員工在辦公時間「hea」住做，所以要求員工在家中要啓用鏡頭監察住工作，如果電腦無鏡頭就要手機安裝程式開鏡頭。發文者抱怨，「咁就失去左WFH嘅自由」。
不過有網民覺得合情合理，「樓主公司有無裝CCTV ? 我想問下在家工作應該有咩自由」、「咩叫WFH嘅自由，即係你公司冇講錯啦」、「打工要自由根本是偽命題」。有人就覺得不合理，「開cam咁痴線？我寧願返office 」。

網民的公司不滿員工效率低，要求在家工作開啓鏡頭監察。《愛回家之開心速遞》示意截圖

有人就認為在家工作無可厚非是效率較低，「我有些朋友， WFH， 下午落街嘆下午茶， 因為下午茶餐多數會便宜一些， 跟住同個仔去公園玩一會。當然， 過年後疫症更勁， 這種活動就少了很多， 只是多了打機， 他們說， 工作十分輕鬆。但有些朋友， 說在家裡仍很努力， 但會受到家人滋擾， 不時問食唔食野， 個仔唔聽話， 鬧下個仔.......」、「唔講hea唔hea先，正常喺屋企嘅較率一定低啲架啦！屋企嘅電腦配套點同公司比？又無得print嘢，屋企部電腦又慢啲（我係）。WFH最大好處時間彈性啲，可以訓晏少少，但收工收夜少少（我會補返鐘），lunch又可以揀晏少少食，樓主講嘅係呢種自由囉。」

網民的公司不滿員工效率低，要求在家工作開啓鏡頭監察。《愛回家之開心速遞》示意截圖

也有人覺得最重要是交出功課，「其實WFH hea得嘅，份工係咪本來都唔忙，喺office返工都只係扮忙？我哋老細從來唔睇我哋忙唔忙，總之by幾時，你要交啲乜，deadline前交得出就得，話之你hea住做定滴哂汗。你有本事，人哋做一個鐘你做一分鐘嘅，咁你咪hea 59分鐘囉。」

帖文轉載自「香港討論區」

網民的公司不滿員工效率低，要求在家工作開啓鏡頭監察。《愛回家之開心速遞》示意截圖

於剛過去的第25/134期六合彩攪珠，頭獎彩金每注高達逾2,000萬元，二獎彩金超過34萬元，三獎彩金亦近2萬元，有港女於臉書群組透露，買了電腦飛並中了其中6個號碼，但卻因一原因，只獲80元獎金，大呼「心好痛」！

資料圖片

頭獎1.5注中每注派逾2000萬

第134期六合彩攪珠結果於12月28日揭曉，攪出的號碼分別有7號、10號、11號、19號、25號、30號，特別號碼45號。頭獎1.5注中，每注20,594,740元；2獎6.5注中，每注派342,350元；三獎314.5注中，每注派19,200元。

六合彩網頁截圖

所中號碼分別在兩注不同號碼條上

港女在臉書群組發文並Show出彩票的相片，可見到她所揀的號碼有其中六個中了，應可以獲頭獎，全因她買的電腦票是購買了2注6個號碼的六合彩，而所中的號碼則分別在兩注不同的號碼條上，故只可獲得安慰獎，亦即是七獎40元，而樓主每注都中了3個號碼，兩注則共80元彩金！亦算有小幸運。

全因樓主買的電腦票是購買了2注6個號碼的六合彩，而所中的號碼則分別在兩注不同的號碼條上，故只可獲得安慰獎。網上圖片

網民同情「真係激死人，分開兩注中晒」

網民見相都為樓主不值，同情留言，「真係激死人，分開兩注中晒」、「天意再買都係天意」、「最慘嘅80元」。有網民就指此情況經常發生，樓主毋須太介懷，「電腦飛有咩咁痛，間中都會㗎啦」、「基本嘢，試過無數次」、「你唔係第1個亦唔係最後1個」、「安慰獎都係中嘛」、「今次當買個教訓，下次記得數碼打散再補多幾注飛」。

資料圖片