話過足湊女癮！
繼《暖男爸爸》後，強尼再拍ViuTV劇《反起跑線聯盟》，今次角色絕對是暖男，除了飾演梁詠琪（Gigi）的好老公，更對個女「瑤瑤」（張曦晨）錫到濃，現實有個10歲囝囝的強尼，私底下一樣俾劇中乖女冧爆，他承認拍劇令他過足湊女癮，遺憾因疫情，完劇後仲未同囡囡再見。
點擊看圖輯
強尼有幸演Gigi老公，他笑言自己夠好彩。
「瑤瑤」個為食樣，在「強強爸爸」眼中就最得意。
「瑤瑤」親自畫畫送給「強強」，難怪搞到她真爸爸都呷醋。
講起「瑤瑤」，強尼就爸爸上身，不停讚個女。
強尼就算俾「瑤瑤」蝦，一樣覺得好開心。
現實中，強尼有個10歲囝囝傲喬，兩父子似朋友相處。
強尼拍《反起跑》過足湊女癮 俾「瑤瑤」嗲功冧到爆
現實的「瑤瑤」有個大幾歲哥哥，所以比同齡小朋友成熟。
強尼有幸演Gigi老公，他笑言自己夠好彩。
「瑤瑤」個為食樣，在「強強爸爸」眼中就最得意。
現實跟10歲囝囝傲喬似朋友相處的強尼，面對劇中囡囡「瑤瑤」的嗲功，除了叫他爹哋，仲幫他改花名「強強」他承認冧到爆，「唔使自己養，但有個女咁大個，係咪好正！」講到同「阿女」相處，拍屋企戲時被滿枱美食吸引的得意樣，已令這個「爸爸」好回味，「未roll機，佢就望住啲嘢食吞口水，我話你𠵱家唔好食住，roll機先食，佢試過一次最搞笑係掛住食，唔記得講對白，見佢食嘢就好開心，佢拍完仲會繼續食，真係好得意！」
「瑤瑤」親自畫畫送給「強強」，難怪搞到她真爸爸都呷醋。
講起「瑤瑤」，強尼就爸爸上身，不停讚個女。
狂讚「瑤瑤」演技勁
慈父樣出晒嚟的「強強爸爸」，忍唔住狂sell「瑤瑤」，「最勁係喊戲，佢係真喊，佢媽咪有套方法可以令到佢喊，有啲magic words咁，佢只要撻着副偈，我哋就算拍一場戲要好多take又轉機位，佢媽咪個magic words都唔使再用，停完可以再嚟，超勁，好似㩒pause制咁，只要進入個情緒同狀態，take 10 take佢都可以做到，所以話呢套劇，識睇就係睇啲小朋友。」
強尼就算俾「瑤瑤」蝦，一樣覺得好開心。
現實中，強尼有個10歲囝囝傲喬，兩父子似朋友相處。
可惜因為疫情，完劇後強尼仲未有機會再見到「瑤瑤」，想送禮物給「乖女」都未有機會，「煞科嗰日我去唔到，嗰日拍緊第二組嘅嘢撞咗，原本諗住送份嘢畀『瑤瑤』，諗住記招或者咩活動都好，遲啲實會見到佢，點知真係一路冇機會再見，可能下次見到佢已經嫁，要送份結婚禮物畀佢。」
強尼拍《反起跑》過足湊女癮 俾「瑤瑤」嗲功冧到爆
現實的「瑤瑤」有個大幾歲哥哥，所以比同齡小朋友成熟。
