其實交收前一天，這位歌迷已在facebook群組看到有網民稱受騙，網名、門票座位、日期甚至聯絡電話都相同，但仍心存僥倖可以交收成功。
張敬軒去年12月底於紅館舉行《The Next 20 Hins Live in Hong Kong 張敬軒演唱會》，原定開18場，點知一月時爆發第5波疫情，個唱無奈煞停。而日前主辦方宣佈除了餘下的8場，仲會加多8場，即一共會開16場，於2022年5月10日至2022年5月29日期間舉行，歌迷雖然係多咗機會買門票，不過同時都有歌迷擔心為黃牛製造搵食機會，其實除了黃牛，大家都要小心受騙，日前YouTuber Sunny和Creamy就收到一名學生B小姐的Email，表示上月22日、23日，於網上欲購內部門票而被騙去共5,700元。
點擊看圖輯
張敬軒將於本月重啟個唱。
Sunny和Creamy代公開B小姐受騙經歷。
B小姐仲係個學生，為咗睇騷誤墮陷阱。
張敬軒演唱會一票難求。
騙徒Felix Dick已經人間蒸發。
B小姐係張敬軒歌迷，本來一月睇到尾場，可惜重啟後補場，她被分配到尾二場次。
B小姐為咗留內部門票，好快手就過數。
B小姐總共被騙5700元。
網民呼籲小心受騙之餘，仲要杜絕黃牛。
有鏡粉準備搶飛，都警惕到佢小心啲。
MIRROR將於7月至8月開10場紅館騷。
張敬軒學生歌迷欲購內部門票共被騙5700元 YouTuber Sunny代公開中陷阱經過
張敬軒將於本月重啟個唱。
Sunny和Creamy在片中雖沒有公開B小姐買哪位歌手的演唱會門票，不過就透露這位歌手早前因疫情導致演唱會要取消，近日宣佈5月底會重啟演唱會，因此網民都估到B小姐是張敬軒的歌迷。B小姐希望透過Sunny和Creamy的影響力，分享她受騙的經歷，警惕其他想買門票的歌迷不要受騙。
Sunny和Creamy代公開B小姐受騙經歷。
B小姐仲係個學生，為咗睇騷誤墮陷阱。
B小姐其實本身已持有1月15日尾場的門票，但受疫情影響，她未能如期入場觀賞，而她的門票則被主辦方改為尾二的場次，即5月28日的場次。由於B小姐本身想睇尾場，因此有意購入這次重啟後的5月29日尾場門票，於是到社交網睇吓有冇人放售該場的門票，卻因而墮入陷阱。
張敬軒演唱會一票難求。
騙徒Felix Dick已經人間蒸發。
B小姐於facebook一個群組看到一位網名叫Felix Dick的網民，聲稱持有「5月29日尾場46段10行」兩個相連座位，於是B小姐透過WhatsApp與對方聯絡，票價共2600元，B小姐被致電要求先以一半價錢，即1300元落訂留兩張內部門票，但不久又稱要先支付全數2600元才可留位，及後安排交收，而要求付款及約交收，對方都以致電方式通知，明顯是不想讓B小姐有機會Cap圖留底。直至交收前一天，B小姐在facebook群組看到有網民稱被一位網名同樣叫Felix Dick的網民，以購內部門票的方式騙取金錢，而門票座位及日期都與B小姐翌日準備交收的門票一樣，連聯絡電話都相同，B小姐心生懷疑，但與Felix Dick聯絡後仍心存僥倖可以交收成功。
B小姐係張敬軒歌迷，本來一月睇到尾場，可惜重啟後補場，她被分配到尾二場次。
B小姐為咗留內部門票，好快手就過數。
豈料交收當天，對方再次訛稱：「唔好意思，原來同事已將46段10行賣咗畀其他人，但冇同我講，所以而家只剩A行的位置，市面上已炒到7,000元。」由於A行更近舞台，票價更貴，正當B小姐猶豫之際，對方軟硬兼施，一時稱「當天我都會坐在你隔離」、「我都係Fans」，一時又催促B小姐5分鐘內盡快過數，否則會錯失靚位，令B小姐冇時間思考，最終B小姐再過多1,600元給對方後，再到交收地點等待。不過對方遲遲未出現，當B小姐再催促時，對方竟然再開口要求過多1,500元，但理由卻是：「我都話唔到事，我都係聽Order做嘢，總之你5分鐘後過畀我。」B小姐雖感不滿，但因為以為門票快將到手，於是再次過數1,500元給對方，前後總共被騙5,700元。B小姐傻傻地在交收地點等咗幾個鐘，發現這位Felix Dick已經人間蒸發，才驚覺自己受騙。
B小姐總共被騙5700元。
網民呼籲小心受騙之餘，仲要杜絕黃牛。
B小姐對Sunny和Creamy表示，自己是一位學生，被騙5,700元的確是個大金額，做了一段時間兼職才賺到，希望將這次經歷分享給大家，小心因為想睇騷而被騙取金錢。有不少網民留言表示內部門票，多數公開發售前已經留起，而且無得揀位，又稱自己一定要認識內部的人才可信任對方。另外有不少MIRROR Fans都呼籲7月要睇紅館騷嘅鏡粉都要理性冷靜，而且要齊心杜絕黃牛。
有鏡粉準備搶飛，都警惕到佢小心啲。
MIRROR將於7月至8月開10場紅館騷。
張敬軒學生歌迷欲購內部門票共被騙5700元 YouTuber Sunny代公開中陷阱經過
