張敬軒傳出手救Lolly Talk 女團被爆冇糧出兼倒欠公司20萬

由ViuTV選秀節目《全民造星IV》8位落選者組成的女團Lolly Talk，自成軍以來憑青春活力走紅，不僅開過個人演唱會，更吸引一大批忠實粉絲，人氣一度被指超越COLLAR。然而，早前卻傳出財困消息。

自成軍以來憑青春活力走紅，有唔少學生粉

更一度登上日本舞台

每次有活動都有大批粉絲撐場

據報，Lolly Talk已超過一年未有推出新歌，團隊更接連陷入是非，有傳「金主」因不滿狀況決定「閂水喉」，導致8位成員長達半年未支薪，甚至被公司通知每人「倒欠」約20萬元。

據報，Lolly Talk已超過一年未有推出新歌

據指，歌手張敬軒得悉情況後，隨即出手相助，嘗試撮合英皇娛樂簽下Lolly Talk。知情人士透露，張敬軒一直看好Lolly Talk的潛力。當英皇表明有意簽約後，8位成員反應熱烈，不過最終內部出現分歧——6人贊成，2人反對，其中一人是隊長Sinnie。反對成員擔心現有合約未理清可能牽涉法律風險，同時憂慮簽約大公司後自由度下降、資源分配不均及代表作版權問題。據悉，團隊有望於明年2月作最終決定。

張敬軒有學壇社工之稱，喜歡幫新人

隊長Sinnie反對

另一方面，因半年冇糧出，Lolly Talk成員近月生活緊絀，開始節衣縮食。有傳她們已失去保母車接送的待遇，活動結束後需自行搭車返家。日前，Yanny（劉綺婷）與MeiMei（曾美欣）被拍到共搭的士、親力親為提行李。有成員更傳為節省開支搬回與父母同住，或兼職維持生計。

去年曾傲棐（Arvin）跟女團Lolly Talk成員Sinnie合作年度Medley，影片上架後，即一度停留Youtube熱門音樂影片二十大。今年Arvin再下一城，他的「年度歌曲精選Medley」企劃，找來今年殺入「叱咤2025我最喜愛組合」五強之一的樂隊「晚安莉莉」一齊玩，將2025年的年度歌曲一次過大晒冷！

今年與「晚安莉莉」一齊玩

去年影片成績亮眼，今年更犀利！影片上架未夠24小時，已經極速衝上YouTube香港區熱門影片榜二十大，兩日內更升至第九位，不少網民都話要瘋狂重溫，又謂是每年最期待的影片之一。問到是否想將這個Medley變成年度指定動作，Arvin話：「希望有呢個能力啦！每年都有好多好歌，有啲係Greatest Hit，有啲係遺珠。做呢個Project除咗想大家回顧一年嘅作品，都想自己聽返啲聽漏咗嘅好歌。」

做呢個Project除咗想大家回顧一年嘅作品，都想自己聽返啲聽漏咗嘅好歌。

找來「晚安莉莉」合作，原來他們早於今年八月的「JFFTLIVE音樂擂台現場版」已經結緣，「演唱會搵咗佢哋，然後上年又搵咗Sinnie（晚安莉莉主音），佢哋（晚安莉莉）又作為今年新人單位，成件事就好自然咁樣走埋咗一齊。」佢就超級興奮：「唔理大家覺得夾唔夾硬，啲歌編排夾唔夾，或者出嚟效果好唔好聽，我哋就玩得好爽！好少有呢種一齊Produce件作品出嚟嘅感覺。」一年下來有不少歌曲推出，Arvin揀歌準則直接又霸氣，「每年都係一樣：我哋中意。」問到眾多歌曲中他最喜歡哪一首？他笑着說：「《第三人稱》，唔係唔推自己歌下話！」

玩得好爽

影片出街後，除了獲得不少網民大讚「好正」，同時亦有網民留言指Arvin跟Sinnie合作很有火花，畫面好Sweet，Arvin搞笑回應：「我係清白的。」唔知fans收唔收貨呢？除此之外，Arvin又透露正在籌備拍攝更多音樂向的影片，目的是自肥一番，「俾自己過多啲歌癮，但講到年度歌曲咁就梗係keep返一年做一次就夠晒數，哈哈。」

有網民留言指Arvin跟Sinnie合作很有火花