荃灣美食多籮籮，小食店尤其多，中西日韓星馬泰，應有盡有；更經常有新食店進駐，老字號風味或新口味都不難搵到，不時帶來舌尖驚喜！
紮根荃灣22年的「千色車仔麵」，提供廿多款車仔餸，滿足到不同口味，贏盡食客口碑，更榮登米芝蓮街頭小吃推介。
點擊看圖輯
網上圖片
網上圖片
網上圖片
網上圖片
網上圖片
燃味棧官網圖片
燃味棧官網圖片
燃味棧官網圖片
王子廚房官網圖片
網上圖片
網上圖片
小店堅持用新鮮食材，麵底和佐料任君選擇，蘿蔔、魚蛋、豬紅、豬皮等琳瑯滿目，必試招牌「四大天王」，包括魷魚、豬大腸、牛腩和冬菇。牛腩炆足7個鐘，腍身兼入味。
網上圖片
豬大腸由屠房新鮮直送，通乾淨裡面的肥膏，加滷水汁熬煮，食落爽口。嗜辣者可加入自家秘製辣汁，令你食完碗車仔麵仍齒頰留香。
網上圖片
千色車仔麵
地址：荃灣兆和街49號地下
查詢：2492 2831
營業：一至日 11:30am ~ 1am
「榮安小食」是區內另一間臥虎藏龍的小店，店內經常人頭湧湧，車仔麵、腸粉等勁受街坊歡迎，價錢也非常相宜，叫多幾個餸都不怕埋單貴。
網上圖片
車仔餸之中，鹵水雞全翼是店內的招牌菜，鹵得入味、先甜後鹹，皮滑肉嫩，連骨都咬得開，容易令人食上癮！滋味無窮的鹵水系列又點止咁少，還有牛腩、鳳爪、豬腸、雞翼尖等食物，全部入味可口！大腸乾淨腍身，不會有過多肥膏；鹵水蛋都充滿鹵水味。
網上圖片
榮安小食
地址：荃灣大河道24號B地下
查詢：2492 6300
營業：一至日11am ~ 12mn
售賣多款小食的「燃味棧」主打烤卷和炸芝士波，亦有坊間較少有的意大利飯球。炸芝士波有四款口味，瑪蘇里拉芝士球最正，薯仔皮內包著Mozzarella芝士，輕輕一拉就能拉出芝士絲，食落卜卜脆，「芝味」十足！
燃味棧官網圖片
燃味棧官網圖片
烤卷亦有多款餡料選擇，包括豬肉、雞肉、魚柳、芝味及菠蘿，墨西哥餅皮內捲入生菜、番茄及自選配料和醬汁，創作個人獨特風味，即叫即製，啖啖足料，「掃」完呢間都飽晒！
燃味棧官網圖片
燃味棧
地址：荃灣鱟地方80-84號華成樓B座B4號舖
查詢：6297 1314
營業：一至日 11am-9pm
昌寜商場內不太起眼的咖喱專門店「王子廚房」，炮製出非一般的咖喱，5種顏色、5種口味！5色咖喱包括黑、白、紅、青、黃，黑色是香蕉朱古力咖喱，白色是白椰香咖喱，紅色是蕃茄咖喱，青色是班蘭咖喱，黃色是巴基斯坦咖喱。
王子廚房官網圖片
有別於一般咖喱，當中以黑咖喱最令人驚喜，咖喱夾雜了香蕉朱古力的甜味。紅咖喱則食落解膩，番茄湯底的酸甜與咖喱香味夾得嚟有股清香。想試齊5款，叫個酥脆薄餅可以慢慢點、嗒真啲！
網上圖片
王子廚房
地址：荃灣荃昌中心昌寜商場1樓48號舖
查詢：3480 1048
營業：一 11:30am ~ 3pm；二至日 11:30am ~ 10pm
