有司機上載影片顯示近日在彌敦道鬧市，有單車司機在馬路中線踩單車，險象環生，司機好心輕輕響咹提示小心，結果反換來單車手豎中指問候，網民對事件反應兩極，有人認為私車司機「好心着雷劈」，有人則認為單車手亦有道路使用權。
影片截圖
從影片看到，該單車手在彌敦道一直維持中線行走，上載影片的司機表示，當時後面好多車都因此被該單車塞住，於是他「輕輕呠你兩下話你知後面好多車」，「我唔係驚你hi花我㗎車，係驚你跌落嚟，大家車底見就唔好啦。」
影片截圖
影片看到該單車手聽到響咹後即靠左行駛，但隨即向司機多次豎起中指，似非常不滿。
網民對事件反應不一，有網民支持司機，認為單車手在馬路中線行走，對他自己及其他汽車構成危險，「繁忙時段就避免踩單車，響咹唔一定係叫佢行快啲，亦都可以係溫馨提示。同埋架單車左穿右插都有問題。」
影片截圖
不過，有網民則認為當時左面為巴士線，單車亦不能進入，因此靠中線行走並無問題，亦符合交通規則，「巴士專綫，單車都要遵守。」「巴士靠左，咁行中線有咩問題？」「片主忍幾秒根本冇問題，根本唔應該響咹，當然單車亦都唔應該向片主舉中指，但係片主咁樣都要擺上網真係小氣。」
影片來源：車cam特警
影片截圖
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
