與歐陽佩珊結婚成人生最大得着 郭鋒喪妻跌入深淵無法演戲

曾效力麗的及TVB、現年70歲的資深演員郭鋒，自從太太歐陽佩珊在2017年因癌病離世後，因傷心過度而開始淡出幕前，甚少公開露面，近日他接受「香港演藝人協會」YouTube頻道的訪問，精神奕奕，但談到太太時郭鋒依然一臉傷感，十分長情，他更指家庭是自己人生中一大得着。

觀看相關影片按連結：https://youtu.be/PbVFyiu1IPY

訪問甫開始郭鋒先大談自己入行經過，他又回想當時因拍《無語問蒼天》而認識了歐陽佩珊，二人於1977年結婚，婚後形影不離；十分恩愛。談到太太歐陽佩珊離世，郭鋒直言人生跌入谷底：「因為太太出咗事，本來我同TVB仲有兩套部頭，嗰時係散簽，唔得，我真係做唔到，心情唔得；埋唔到位，思潮太犀利，所以多謝TVB，唔好意思。」

雖然年屆70歲，但郭鋒外貌比真實年齡年輕。

兩人因拍劇而相識。

太太離世對郭鋒造成很大打擊。

因太太離世，令人生跌入深淵，無法投入拍戲。

郭鋒又指當時的親人及朋友也十分關心他，尤其是太太的學生：「佢哋好關心我，亦都好擔心我，因嗰時我真係跌咗落去（心情低落），而家講起都有啲酸酸哋……」說畢郭鋒嗦鼻及揮手要求暫停拍攝。

兩人絕對是圈中模範夫妻。

郭鋒又表示不少人視事業十分重要；但亦有人以家庭為重，在他而言，家庭是自己人生中最大的得著，他謂：「好幸運，事業令到我認識咗我太太，呢個係天意一個安排。」談到有沒有代表作，郭鋒自言仍有很多不足之處：「如果你覺得嗰套係代表作，你就會停留喺嗰度，應該要繼續去鑽研，點樣令演戲有藝術性，演戲係有深度。」

相信不少觀眾都想再看郭鋒演出。

演技出眾，是難得的好演員。

在TVB有不少精彩演出。

薛家燕、龔慈恩、林愷鈴（Ashley）與澳門特別行政區政府旅遊局合作的四集式短劇，今日終播映結局篇，劇中三人飾演三代同堂，故事講述「嫲嫲」家燕姐到澳門尋找初戀男友，引發連番趣事，從而介紹跨代旅遊的好去處，探索社區深度遊。而結局篇請來了在經典劇《十月初五的月光》飾演家燕姐舊情人的郭鋒，客串擔演「嫲嫲」初戀男友，二人相隔多年重返澳門合作拍劇，再次《十月初五的月光》「Re-U」，掀起觀眾集體回憶。

薛家燕、龔慈恩、林愷鈴

眾演員與監製兼導演何嘉華（右）及導演黃芷苓（左）合照

郭鋒被家燕姐打動

在澳門取景拍攝的經典劇集《十月初五的月光》，2000年播映，贏盡口碑同收視，當中除了男女主角佘詩曼與張智霖獲得好評外，飾演「Q姨」家燕姐與舊情人「祝展輝」郭鋒的戲份，亦令觀眾津津樂道，成為一時佳話。而家燕姐與郭鋒，相隔多年，為今次澳門特別行政區政府旅遊局短劇，再次重返澳門合體，家燕姐表示：「2000年合作拍劇《十月初五的月光》，之後2015年我哋有合作《十月初五的月光》電影版，所以上一次合作，係2015年。」

郭鋒、薛家燕

相隔十年，再度合作，家燕姐指郭鋒依舊熱情、感覺親切，有一份濃濃的情義結，而郭鋒則笑言自己跟往年大有不同，他笑說：「舊時好多頭髮，後生冇咁肥，而家肥咗。」

問到郭鋒有何特別原因客串此角色？他笑說被家燕姐打動，身旁家燕姐即補充表示：「故事講我要喺澳門搵初戀情人，播咗幾集，好多人問邊個飾演我初戀情人，我諗喺澳門度拍，《十月初五的月光》有個做我情人，不如請番佢嚟，呢套劇好多人睇過，好大回憶，於是我就嘗試打畀郭鋒，請佢客串做我初戀情人，佢好賞面，令到大家都好開心，對整套劇嚟講，係大家都好期待見嘅嘢。」

郭鋒早前亦晒出一張與薛家燕的合照。

家燕姐爆郭鋒蝦碌事

二人難得再次在澳門拍劇，家燕姐透露大受歡迎，她說：「好欣賞澳門朋友嘅熱情，唔知點解拍攝時候，個個街坊都當我哋好似親戚咁，好熱情咁打招呼。」而問到二人合作時可有趣事？家燕姐指：「再度喺澳門拍攝，鋒哥（郭鋒）話想請我去龍記食乳鴿同魚翅，原來龍記都冇咗好耐，而家澳門變得好繁榮同國際化，但亦有保留古代歷史文物，好似澳門茶文化館，所以係一個好值得嚟嘅地方。」

薛家燕與郭鋒

此外，郭鋒指澳門是他人生首次出埠的地方，他說：「細個時候，剛讀完書，啱啱攞到身份証，第一個出埠到嘅地方就係澳門，當年同朋友一齊坐船，當年去澳門坐船，要坐3個半鐘。」