薛家燕郭鋒《十月初五的月光》Re-U 再續「前緣」合體拍短劇

薛家燕、龔慈恩、林愷鈴（Ashley）與澳門特別行政區政府旅遊局合作的四集式短劇，今日終播映結局篇，劇中三人飾演三代同堂，故事講述「嫲嫲」家燕姐到澳門尋找初戀男友，引發連番趣事，從而介紹跨代旅遊的好去處，探索社區深度遊。而結局篇請來了在經典劇《十月初五的月光》飾演家燕姐舊情人的郭鋒，客串擔演「嫲嫲」初戀男友，二人相隔多年重返澳門合作拍劇，再次《十月初五的月光》「Re-U」，掀起觀眾集體回憶。

薛家燕、龔慈恩、林愷鈴

眾演員與監製兼導演何嘉華（右）及導演黃芷苓（左）合照

郭鋒被家燕姐打動

在澳門取景拍攝的經典劇集《十月初五的月光》，2000年播映，贏盡口碑同收視，當中除了男女主角佘詩曼與張智霖獲得好評外，飾演「Q姨」家燕姐與舊情人「祝展輝」郭鋒的戲份，亦令觀眾津津樂道，成為一時佳話。而家燕姐與郭鋒，相隔多年，為今次澳門特別行政區政府旅遊局短劇，再次重返澳門合體，家燕姐表示：「2000年合作拍劇《十月初五的月光》，之後2015年我哋有合作《十月初五的月光》電影版，所以上一次合作，係2015年。」

郭鋒、薛家燕

相隔十年，再度合作，家燕姐指郭鋒依舊熱情、感覺親切，有一份濃濃的情義結，而郭鋒則笑言自己跟往年大有不同，他笑說：「舊時好多頭髮，後生冇咁肥，而家肥咗。」

問到郭鋒有何特別原因客串此角色？他笑說被家燕姐打動，身旁家燕姐即補充表示：「故事講我要喺澳門搵初戀情人，播咗幾集，好多人問邊個飾演我初戀情人，我諗喺澳門度拍，《十月初五的月光》有個做我情人，不如請番佢嚟，呢套劇好多人睇過，好大回憶，於是我就嘗試打畀郭鋒，請佢客串做我初戀情人，佢好賞面，令到大家都好開心，對整套劇嚟講，係大家都好期待見嘅嘢。」

郭鋒早前亦晒出一張與薛家燕的合照。

家燕姐爆郭鋒蝦碌事

二人難得再次在澳門拍劇，家燕姐透露大受歡迎，她說：「好欣賞澳門朋友嘅熱情，唔知點解拍攝時候，個個街坊都當我哋好似親戚咁，好熱情咁打招呼。」而問到二人合作時可有趣事？家燕姐指：「再度喺澳門拍攝，鋒哥（郭鋒）話想請我去龍記食乳鴿同魚翅，原來龍記都冇咗好耐，而家澳門變得好繁榮同國際化，但亦有保留古代歷史文物，好似澳門茶文化館，所以係一個好值得嚟嘅地方。」

薛家燕與郭鋒

此外，郭鋒指澳門是他人生首次出埠的地方，他說：「細個時候，剛讀完書，啱啱攞到身份証，第一個出埠到嘅地方就係澳門，當年同朋友一齊坐船，當年去澳門坐船，要坐3個半鐘。」

藝人陳啟泰（Ken）日前到新城廣播接受薛家燕、思敏及范振鋒主持的《開心大派對》訪問，大談近況及復出幕前的心路歷程。陳啟泰在訪問中真情剖白過去幾年深受抑鬱症與焦慮症困擾，體重曾飆升至216磅，幸得太太不離不棄、24小時貼身陪伴七個月，才令他逐漸走出陰霾。

陳啟泰接受新城廣播《開心大派對》訪問。

早前有網民議論陳啟泰在地鐵站出現，以為他轉行到地鐵上班。陳啟泰在訪問中澄清，那只是為一個網上遊戲節目拍攝宣傳片：「其實我真係返工，返咗一個多鐘頭嘅工作，不過嗰個時薪高啲。」他笑言拍攝當日被不少市民問路，但大部分他也不敢回答，怕指錯路。

家燕姐力撐陳啟泰復出幕前。

陳啟泰在訪問中詳細談及患病經歷，他透露約四年前疫情期間，接種疫苗後約兩個月開始嚴重失眠，繼而出現抑鬱及焦慮，他強調：「我唔敢講一定係Covid，我唔想危言聳聽，但喺我嘅case係有啲關係嘅。」他憶述情況最差時，因害怕外出會染疫被隔離，所以終日留在家中。

陳啟泰坦言當時最依賴的是太太的陪伴，身邊不能沒有人，太太於是推掉所有工作，全天候相伴七個月：「見到老婆就會放鬆，佢丟低所有工作、教會事務，陪咗我七個月，每日由早到晚，冇出街。」他感激太太在他最「水深火熱」時從未離開，是他康復的最大動力。

陳啟泰剖白抑鬱症煎熬。

陳啟泰透露，病發初期依賴精神科藥物，惟副作用導致臉部及身體嚴重浮腫，體重暴增至216磅。後來他透過排毒療程配合運動，成功減去40磅，現時體重回落至176磅。他形容：「我永遠都同自己講，仲有進步空間。」他又寄語聽眾，若有情緒困擾應及早求醫，不要諱疾忌醫。

訪問尾聲，曾於2002年推出過唱片的陳啟泰，提到對音樂仍有熱誠，正籌備在內地推出重新編曲的廣東歌，又計劃創作新歌，家燕姐讚他：「其實你好多瓣都好掂喎！」Ken笑言：「我係『瓣啟泰』。」他期望日後有機會與家燕姐同台合唱，家燕姐聞言即興奮高呼：「好呀！」

感激太太全天候陪伴七個月。

重溫節目，請於6月20日下午二時登入知訊台《開心大派對》：https://www.metroradio.com.hk/MetroInfo/