Anson Lo超強班底打造新歌《King Kong》 拍攝懶理受傷型格至上

為樂迷帶來新鮮感！

MIRROR成員盧瀚霆（Anson Lo）最新作品《King Kong》作出不少新嘗試，由音樂製作到MV拍攝都為樂迷帶來不少驚喜，Anson Lo即使拍攝期間搞到全身傷痕纍纍也在所不惜。

Anson Lo新歌《KING KONG》創作班底曾奪格林美音樂獎。

今次新歌《King Kong》繼續有Edward Chan 監製、Oscar Li 填詞，但作曲人則找來外國多位音樂人Willie Weeks、Ninos Hanna、Jonna Hall合譜旋律，幾位音樂人的來頭不小，其中格林美音樂大獎得主Ninos Hanna曾為Chris Brown、Will Smith、NCT 127及KAT-TUN等作歌，而Willie Weeks亦為BTS、Super Junior、太陽@Big Bang寫過無數作品。不過外國音樂人的創作方式與風格都跟Anson Lo以往的作品有不同，他解說道：「今次音樂風格採取唔同元素，因為今次唔只有黑暗感覺，我仲特登同Edward講想加入多啲電子元素，所以大家聽到電子結他、 Band Sound常用樂器喺歌曲裡面。」而歌詞方面，亦因應旋律的特性而變得猶如急口令，Anson Lo續說：「因為收到返嚟英文Demo，譬如本身歌詞係I just wanna know，咁『Wanna』一隻字就要用返兩個中文字，歌詞就變得密密麻麻，呢個情況係基於語言上嘅分別，但我一定會盡力唱好啲，幾密都要唱得清晰。」話雖如此，今次Edward卻沒有要求Anson Lo字正腔圓去演繹，Anson Lo解釋道：「因為想營造落寞、荒島氛圍，而歌曲本身聽落去都似去咗一個宏偉、壯大嘅廢墟或者荒廢咗嘅城市，所以用比較沙啞嘅聲線去唱，襯返首歌嘅感覺。」

教主為拍型格MV搞到周身損傷。

動作幅度大！

在過去的作品中，Anson Lo都會挑戰複雜的舞步，但今次跟Rock Sir溝通後，卻選擇了大手大腳清晰的步法，Anson Lo說：「我哋諗舞步時會諗King Kong形象係咩？應該會有不同嘅動作，甚至係打自己心口。我哋就將呢啲元素擺入歌裡面，大家睇多幾次就發現好多手部動作做主導，同用前臂比較多。」雖說舞步較以往的歌曲簡單，但由於動作幅度大，在拍MV時反而增加了難度，Anson Lo說：「MV裡面有一件衫有銀色扣披住，係Stylist團隊將逐個拉鍊扣針埋一齊形成個披，因為好多唔同金屬扣拼埋一齊變得好重，一郁感覺就似做Gym舉鐵，比起排舞室著Tee跳會難好多，加上扣與扣之間有細扣Fix死，但拍MV時細扣鬆開或叉開，會刮到我啲肉。」Anson表示，不少神徒（Anson Lo Fans）見他在社交平台出Post時，都眼利見他有疤痕，其實都是拍MV刮傷的。

多次跳爆衫！

Anson Lo親解歌詞密集有原因。

其實在兩天的拍攝中，Anson Lo亦真的有受傷，不過他表示只是小意思。Anson Lo回憶道：「其中搭升降機一幕，製作團隊做咗一個生銹鐵籠，因為上面好多生銹物料，我要對嘴拍Mood Shot，唔能夠就住，否則唔夠有型，所以就會一嘢揩落去、摸落去，最終搞到隻手𠝹到爆血，感覺似一把刀𠝹開，但只係皮外傷，唔係好痛。」

Anson Lo又指，每次做歌到拍MV都想有不同的感覺，今次《King Kong》可算是心願達成，做到有氣勢、有神秘感，更有壯觀畫面，是自己計劃之中想做的事，他感謝團隊很團結去完成這次製作，亦希望大家會喜歡《King Kong》。

MV繼續由Rock Sir編舞。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。