Anson Lo 12月打造終極跳唱國度 超長延伸式舞台近距離與「神徒」見面

Anson Lo（盧瀚霆）正式宣布將於2025年12月6至9日舉行其第二個個人大型演唱會，由MakerVille主辦、恒生銀行呈獻《ANSON LO "KINGDOM" LIVE 2025》。這是繼2023年以「The Stage」主題成功打造個人舞台後，Anson Lo今年將概念昇華，以「KINGDOM」為主題，意喻帶領觀眾踏入其氣勢磅礡的專屬跳唱國度。

Anson Lo將於12月6至9日舉行《ANSON LO "KINGDOM" LIVE 2025》。

Anson Lo解釋是次演唱會命名為「KINGDOM」的構思，旨在承接首個演唱會「The Stage」的基礎，展現表演境界的全面進化，說：「『The Stage』代表了一個起步的舞台；而『KINGDOM』則象徵一個更宏觀、更具規模的表演世界。是『The Stage』一個演唱會延伸。」

Anson Lo

Anson Lo

此次演唱會將以「跳唱國度」為核心，Anson Lo承諾將在舞台上呈現各式各樣不同風格的舞蹈與音樂，務求讓每位入場的觀眾都能沉浸於這個多元的表演領域之中。而在「KINGDOM」這個宏大的主題下，演唱會將劃分為多個特色鮮明的「國度」。Anson Lo預告表演環節將涵蓋氣勢恢宏的黃金閃耀風格、性感熱情的段落，以及觸動心靈的溫情時刻等等，並注入溫暖的人情味。

Anson Lo

為強化「跳唱國度」概念，是次演唱會更特別融入古埃及主題元素，增添神秘而濃厚的民族色彩。無論在服裝設計或舞台造型上，團隊均追求突破，採用較為浮誇與大膽的設計，配合宏大的舞台效果，決心為觀眾帶來一場前所未見的演唱會。一向寵粉的Anson Lo更預告今次嘅舞台有可能打破Arena延伸舞台的紀錄，說：「我都好proud of今次的production ，舞台的T台與panel只有幾行隔離，拉近與觀眾和神徙（Anson Lo粉絲暱稱）距離，比較遠都可以近一點看見大家。」

Anson Lo

為以最佳狀態迎接這次事業上的重要里程碑，Anson Lo透露自己於今年初已開始積極備戰，不僅專注於身體線條的鍛煉，更重點提升心肺功能與體能耐力。他堅持不懈地進行跑步訓練，由室內健身房延伸至室外街跑，務求讓身體機能及表演氣魄能應付演唱會的高強度需求。演唱會門票將於2025年10月21日透過Klook平台正式公開發售。樂迷萬勿錯過親身見證Anson Lo築構其「跳唱國度」的歷史性時刻。

Anson Lo

演唱會資料如下：

《恒生銀行呈獻：ANSON LO「KINGDOM」LIVE 2025》
日期：2025年12月6日至9日
時間：晚上8時15分
場地：亞洲國際博覽館 Arena
票價：港幣$1,180 / $980 / $680
主辦及經理人公司：MakerVille
冠名贊助：恒生銀行
指定贊助：FWD 富衛保險| Katch 音樂娛樂平台
演唱會搶飛神卡：恒生Visa信用卡
優先訂票：The Club | MIRROR Official Fan Club
駐守國度：叱咤903
神隊友：MOOV
購票平台：Klook
發售日期：2025年10月21日中午12時正
官方網上購票平台：Klook（https://s.klook.com/ansonlo2025）

ViuTV原創劇《預防100種牙漬嘅 Darlie 呈獻 COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

MIRROR成員邱士縉（Stanley）為角色練習咬字。

在《COURT!》中，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。Stanley飾演的Peter是一名法官，Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」

Stanley表示榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」

朱鑑然對劇本嚴陣以待。

陳子豐今次飾演一名法官，為Stanley嘅上司及師兄，「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」

雖然角色是一名法官，不過他今次沒有法庭戲，「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」

陳子豐演法官做Stanley上司。

劇中一位精明能幹的年輕律師Mark由朱鑑然飾演，他說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待， 係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」

他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」

Stanley趁轉機位補眠。