Tiger邱傲然夥TELLER雨中「寵粉」 《聲夢》、《聲秀》勁歌辣舞掀廣東歌熱潮

近年復古風潮席捲全港，舊式廣東歌不僅是跨世代的集體回憶，更已轉化為當代時尚的社交語言。經典旋律一響起，總能瞬間點燃全場氣氛，因此「經典廣東歌」已成為現今各大音樂派對及節慶活動中最受歡迎的主題之一，讓不同年齡層的觀眾都能在共鳴中盡情狂歡 。理財TrendyToo、中銀Chill Card與Mastercard攜手於西九文化區藝術公園海濱東草坪舉行「中國銀行（香港）及 Mastercard 呈獻：THE PAPARAZZI CANTOPOP PARTY」 ，邀得MIRROR成員Tiger（邱傲然）、TELLER王偉俊、《聲夢傳奇》、《聲秀》系列的一眾新生代歌手，包括Aska張馳豪、Ziva穎喬、Emily周智敏及Ophelia柯雨霏齊齊開騷力撐廣東歌。

大會邀請DJ打碟為活動打開序幕，將經典廣東歌串連，令歌迷如痴如醉，投入廣東歌的世界 ！而Tiger（邱傲然）打頭陣為這晚活動表演，一口氣唱出《脫兔》、《Live the way I want》、《Alright》，令現場氣氛頓時升溫 。即使現場下著細雨，歌迷亦照樣為偶像呐喊助威：「你哋點啊？呢個舞台夠晒近，我想行近啲落嚟舞台好唔好啊？」 ，雖然歌迷心疼Tiger要「淋雨」高呼：「落雨啊！」 不過Tiger都非常寵粉走近Fans，仲逐一同大家擊掌：「多謝你哋落雨都嚟呢個Event，俾啲掌聲自己！」

其後TELLER王偉俊緊隨其後登場，他為這晚表演重新編曲，仲不時表演拿手beatbox，仲把握機會大冧Fans：「今日啲歌全部都係Special version，因為你哋全部都係special嘅每一位！呢度（維港景）真係好靚，但都唔夠一個『紫海』（Fans燈牌）靚，love you all！」

TELLER王偉俊

TELLER王偉俊

《聲秀》代表Emily周智敏、Ziva穎喬及Ophelia柯雨霏勁歌熱舞出場，Fans歡呼聲不絕 。周智敏短裙上陣，不時跳出火辣舞步令全場氣氛升溫，翻唱容祖兒金曲《隆重登場》 ！而Ziva穎喬都非常性感，性感高叉露腰裝束非常養眼，型格戴太陽眼鏡跳舞：「大家so far睇得開唔開心？我今日又係跳《Taxi》，我跳到好熱啊，見到你哋着晒雨褸都嚟支持我哋，真係好多謝你哋，大家要保暖唔好凍親，近排好多人病，你哋一定要保暖！」而Ophelia柯雨霏則小背心上陣，非常青春可人，她非常心疼Fans淋雨支持自己，所以非常識做走近Fans收花！

Emily周智敏

Emily周智敏

Emily周智敏

Ziva穎喬

Ziva穎喬

Ziva穎喬

Ophelia柯雨霏

Aska張馳豪壓軸出場，他大show手臂肌肉盡顯大隻線條：「嚟到先知道原來四面台，所以冇排過都係執生 ！多謝大家今日咁嘅天氣都嚟聽我哋唱歌，希望大家玩得開心！你哋飲咗幾多杯啊？希望大家包容呢個有鬚嘅造型，因為我依家拍緊劇《警是個大佬》，唔知今年出定係出年播呢？希望盡快出街俾大家睇！」 最後，Aska跳了落台同大家握手，仲好識搞氣氛叫全場拍手和唱：「唔使擔遮同唔使攞電話！」為這晚的節目畫上完美的句號 。

Aska張馳豪

Aska張馳豪

口碑載道、以廣東歌串連而成的本地原創音樂劇《大象的告別式》載譽歸來，以全新面貌推出《大象的告別式2.0》。除了黃靖程、強尼及馮志佑原班人馬悉數回歸外，更邀得人氣偶像李駿傑（Jeremy@MIRROR）首踏台板，強勢加盟。

一連9場《大象的告別式2.0》

一連9場《大象的告別式2.0》

一連9場《大象的告別式2.0》

一連9場《大象的告別式2.0》

《大象的告別式2.0》於6月12日假東九文化中心劇院盛大首演，一連9場展開新一輪「告別式」。一眾藝人朋友包括李幸倪（Gin Lee）、李佳芯（Ali）、談善言、阿冰@小薯茄及楊天宇等親臨捧場，為演員團隊打氣。

首次參演音樂劇的Jeremy今次飾演「暖男版」陳朗，除了需要投入大量情感演出，更要挑戰現場演唱多首廣東歌，真摯演出令人動容。Jeremy於首演謝幕時感激觀眾買飛捧場，笑言：「千祈唔好劇透呀！」談到首次登上劇場舞台，他坦言原以為自己會非常緊張，結果卻比想像中興奮：「我身體話畀我知我緊張，今朝8點自己彈醒咗瞓唔返，但一上到台就淨係覺得興奮，好想快啲出台Show off交成績表！」Jeremy又大讚觀眾反應熱烈，更笑言觀眾比他預期中更快被劇情觸動，不時聽到台下傳來抽紙巾的聲音，令他大感鼓舞。他直言首次感受到劇場獨有的魅力：「一落台就同工作人員講啲觀眾好正，原來做舞台劇係呢種感覺，同演唱會真係好唔同！」對於自己的首演表現，Jeremy表示滿意，並為自己打出8分，希望在接下來的場次能夠發揮得更好。

藝人朋友親臨捧場

藝人朋友親臨捧場

藝人朋友親臨捧場

Jeremy與Unicorns合照

談到劇中的連場催淚戲，Jeremy笑言當日連同Dress Rehearsal及正式演出，已經哭足兩場、每場長達20分鐘，因此眼腫上陣亦在所難免。「我完全唔夠膽望觀眾，驚一對到眼會一齊大喊，所以只可以望遠方。」Jeremy亦特別感謝經理人花姐連日來陪伴支持。花姐更爆料指Jeremy早在排練室已經投入到喊，連自己亦忍不住眼濕濕。為配合角色演出，Jeremy更特意染黑頭髮，以全新形象示人。除了Jeremy外，黃靖程、強尼及馮志佑亦再度攜手演出，以細膩動人的歌聲及真摯自然的演技，帶領觀眾走進一段關於遺憾、成長與告別的療癒旅程。

導演鄧偉傑（豬仔老師）於謝幕時表示：「今日晏晝已經Run咗一次，估唔到大家嘅感情仲係咁澎湃。」強尼亦透露，演出期間多次看到觀眾拿出紙巾拭淚，令他深受感動。他更呼籲觀眾回家後細心翻閱場刊，並分享自己與馮志佑的共同感受：「我哋呢個製作團隊，每一個崗位都係香港最頂尖嘅，你哋今日買呢張飛， 我敢擔保絕對物超所值！」

相隔三年再次演出同一角色，強尼坦言由於劇本及歌曲均經過大幅修改，感覺猶如重新經歷整個故事。他表示，音樂劇最大的挑戰在於同時兼顧情緒起伏與歌唱表現，每次演出都像重新活一次角色的人生。除了情感戲份外，強尼今次的造型亦成為焦點。他笑言：「今次都算係我演藝生涯其中一次最性感嘅演出！」隨即補充：「真正嘅性感係由骨子裡散發出嚟，我成功做到著晒衫都性感。」談到未來，強尼透露兒子因忙於準備考試未能到場觀賞，因此特別希望作品有機會再次重演：「希望有《大象3.0》！」他更形容音樂劇是表演者的豪華享受：「有Live Band、有燈光、有現場觀眾，由頭到尾一次過演晒，真係好正！」