關嘉敏及龔柯允（Karen）為網上旅遊節目擔任嘉賓，大談旅行時候遇到的趣事。剛從家鄉馬來西亞回來的Karen表示：「今次回鄉真係好開心，因為太耐無見屋企人，同埋可以喺好多靚嘅地方拍咗3首歌嘅MV，仲邀請到有『翻版彭于晏』之稱嘅演員做男主角。」
龔柯允。資料圖片
問到有否心動感覺？Karen說：「咁又無，雖然佢真係好靚仔又好大隻仔，但我鍾情香港小肥仔多啲，又細心啲。同埋今次去咗幾個零污染小島，真係好興奮，日日喺水清沙幼藍天白雲嘅地方，真係好治癒心情，今次叉滿電返嚟好好拚搏，嚟緊會有兩首新歌，希望可以帶啲新鮮感畀大家。」
點擊看圖輯
龔柯允回鄉探親兼拍MV心情治癒 關嘉敏難忘兒時艷遇
關嘉敏（右）及龔柯允（左）均表示較喜歡香港男仔。
龔柯允回鄉探親兼拍MV心情治癒 關嘉敏難忘兒時艷遇
最近忙於拍劇的關嘉敏，大方分享旅行艷遇：「細個有跟學校去英國遊學團，係我第一次出國真係超興奮，咁啱係我差唔多生日時間，同團有個意大利朋友仔親手整咗個蛋糕送畀我，印象好深刻，唔係因為佢靚仔，係因為個蛋糕係我鍾意嘅Pizza味。呢次遊學團都好難忘，可能日日都食薯條嘅關係，最後我返香港重咗5KG，真係超難忘。」被問到鍾情外國人嗎？她坦言較喜歡香港男仔，因為會明白她的冷笑話，以及鬧交都不會雞同鴨講。
正在拍攝兩部TVB劇的關嘉敏，搞到大腿都花晒。
由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（25日）主題為「逆轉天命 - 愛情篇」請來「女神」關嘉敏（Carman）、「通靈歌手」徐加晴（Rona）擔任嘉賓。
昨晚嘉賓關嘉敏及徐加晴。
昨晚嘉賓關嘉敏及徐加晴。
昨晚嘉賓關嘉敏（左）及徐加晴（右）。
Carman跟Rona早年出道時合作演出認識，後來成為閨密。二人因為太熟稔，Carman鮮有找Rona幫手算愛情運，反而參加節目《女神配對計劃》尋找真命天子，可惜仍未能如願。Rona透露私下已算到Carman早兩年已行姻緣運，她笑說︰「喺呢10年會有好多追求者出現，唯一係佢太過old school。
徐加晴（左）、 關嘉敏（右）多年前合作演出時認識。
徐加晴（左）、 關嘉敏（右）多年前合作演出時認識。
Carman承認為人比較保守，更笑稱要先確認男女朋友身份，才會進一步拖手及錫嘴。身旁思浩表示曾有相士為一當紅女星算命，他說︰「嗰位相士同對方講，話可以拍拖，仲可以一路好紅。但千祈唔可以行房，一行房就斷咗運，情況同Carman好似。Rona再爆好友秘密，指Carman前世是位皇后，被許配成婚，她說︰「佢拍拖之前會帶嗰男仔畀朋友、家人睇晒問得唔得先諗。」
關嘉敏獲好友批有眾多追求者時開心不已。
關嘉敏獲好友批有眾多追求者時開心不已。
節目中，Rona教逆天轉運改姻緣，方法是用紙筆寫下要求對象的條件，她說︰「例如外型條件，就算你想對方要有某款名錶、名貴房車都可以寫低。同時你都要寫自己具備條件，之後喺右下角簽名跟住許願。」接住她再爆Carman亦已「轉運」的秘密。連番追問下，Carman自揭擇偶條件是「專一同健康」，可謂非相務實。
關嘉敏被忠告行運期間要禁慾。
關嘉敏被忠告行運期間要禁慾。
此外，前晚主題「的士鬼故」請來《降魔的》原型人物黃志全 (Jacky哥)擔任嘉賓。當年無綫拍攝馬國明主演劇集《降魔的》時，Jacky哥提供不少參考資料。節目中分享一單女的士司機撞鬼經歷，令人毛骨悚然，他說︰「有一晚女行家車客去錦田，倒車離開時覺得撞到嘢，但落車睇又冇見到有嘢，只係堆草叢。」幾日後她載一位修佛的乘客，乘客稱車內「有嘢」，並為她唸經驅鬼。驚魂未定的女司機約行家宵夜定驚，飯後各人開攞離開，恐怖的事發生，Jacky哥說︰「位女司機清楚見到自己架車坐咗一位長髮披面嘅女子，但其他行家就睇唔到。」女司機當埸爆喊說甚麼都不肯上車，最後老公到場將的士開走。女司機事後有半年沒有開的士，還聽聞專誠到泰國求佛牌保平安。
《降魔的》原型人物Jacky哥講鬼故。
《降魔的》原型人物Jacky哥講鬼故。
