女神配對計劃 ｜關嘉敏向細John「淚的告白」 9個字玄妙概括二人關係

由林盛斌（Bob）擔任金牌媒人兼主持的《Funki Finance呈獻：女神配對計劃 最後告白》，將於明晚周日（9月14日）晚八點翡翠台播出大結局。

關嘉敏Carman/黃家俊Matthew最後約會

Carman嫌Matthew AI

Carman送畀Matthew條鏈好有心思

昨晚（9月12日）一集，分別有關嘉敏Carman/黃家俊Matthew、梁敏巧Maggie/劉啟進Matt，及葉蒨文Sophie/林堡熙Eddie上演「最後約會」。向來鬼主意、表情兼笑料多多的Carman，竟約Matthew到室內遊樂場大玩「空中鋼索」及「波波池」約會，不浪漫程度與Matthew的MMA格鬥約會不相伯仲！

Maggie好有心思咁送上用M&M朱古力砌成嘅M&M送畀Matt。

Maggie好有心思咁送上用M&M朱古力砌成嘅M&M送畀Matt。

阿Matt難得展現甜笑。

Maggie講到同阿Matt嘅緣份時，除咗大叫「好癲」，亦都喊到癲。

阿Matt嘅「不後悔」錄音，亦有啲料到

約會期間，Carman要求Matthew在空中鋼索上奮力前進時，力數自己五個缺點，結果是畏高、唔識溝女、唔夠細心、唔夠話頭醒尾，及唔夠搞笑！事後Carman直指之所以帶Matthew玩刺激遊戲，全因想測試對方是否真的「零情緒」：「我冇諗過佢玩咁刺激嘅嘢，個樣都係咁咯」、「我成日覺得佢淨係一個樣，好想發掘吓佢另一個樣。」並直指Matthew很AI：「我覺得你有少少似AI架講真。」雖然Carman咁Harsh，Matthew又直認玩遊戲時好驚，但他仍努力一再向Carman表達愛意：「你會唔會考慮吓我呀？」、「我希望你會考慮吓我」。不過Carman對Matthew的結論卻是：「我都諗緊揀唔揀佢好，我驚我會hurt到佢。」

而Carman送Matthew的禮物，是為了回應男方在「三角枱約會」中的「燈燈燈凳」爛Gag、專誠自家製的「燈燈燈凳」頸鏈，相當有心思，Carman：「想記錄番你第一次講笑話畀我截咗糊。」Carman接受官方訪問時，坦言單是為了尋找這些別具意義的吊墜，前後花了足足數小時，相當有心，Carman：「我特登去深水埗搵材料，我都搵咗成幾個鐘，因為一來嗰日黑色暴雨，二來爭啲搵唔到。本身個凳係搵唔到，但我搵咗幾次，係咁喺同一間舖來回打轉，跟住問老闆會唔會有類似嘅，佢先拎出嚟。」

Eddie呢個行為，令Sophie同網民都好心痛。

Eddie呢個行為，令Sophie同網民都好心痛。

一張即影即有、一次二人約會，算是圓了Eddie的遺憾。

Carman完美還原細John網絡創意甜品超有梗
而Carman與細John（姜卓文）的「最後約會」，將在本周日晚播出的大結局中登場！據知，為了迎合細John，Carman刻意安排了餐廳約會，除了齊齊食對二人來說充滿回憶的牛肉他他（這個位的緣份點是，細John暗地為Carman準備的驚喜也是牛肉他他），並為細John炮製了他曾經在網上示範過的創意甜品—杜拜朱古力芒果糯米飯雪糕，並笑言此舉是想補償細John在「三角枱飯局」失去的甜品時間！面對Carman的細心及誠意，細John高呼「That’s crazy Man！」

一心想與細John好好探討二人關係的Carman，還未真正開口已經想飆淚，Carman坦言「呢個傾偈唔想喊」：「每一次想同佢講我哋嘅嘢嘅時候，我就忍唔住咯。」之後Carman幾經掙扎、才成功收拾情緒訴心聲：「其實我尋日同你傾完偈，我都唔開心咗成晚…我係好痛。（笑）」Carman極力以笑臉忍住淚水的堅強，亦確實觸動了細John，他說：「見到佢喊我都好傷心，我唔夠成熟有啲位，我有啲位處理得唔夠好，先會搞到佢咁」，並主動向Carman Say Sorry，但Carman卻著他不要講Sorry：「我覺得冇對與錯，我最唔開心係我明你…最慘係我明你。」想知Carman為何得出這個慘情的結局，密切留意明晚播出的大結局。

牛肉他他，成為咗Carman同細John嘅定情食物。

Carman原本想向細John剖白，可惜一嚟就想喊，搞到佢要擰轉背。

細John都有啲不知所措。

Carman講到自己好心痛時，擠出嘅竟然係笑臉同鬼臉，嗰種哀傷感大家明白嗎？

Camping嘅呢次對話，原來對Carman別具意義。

到底Carman同細John嘅最終結局，會唔會好似呢次約會咁，甜蜜收尾呢 ?

昨晚播出的第五集其他焦點位：
‧梁敏巧連嗌三次「好癲」 力數與Matt「爆喊緣份論」
—梁敏巧細訴與Matt的「M&M緣份」：「我想講呢個朱古力，係我其中一樣最鍾意食嘅朱古力；最癲係上次去camp完咗後，你答我你住邊，原來你住我隔籬，好癲呀真係！我覺得真係好癲，從來未試過有呢種緣份嘅感覺咯」
—Matt：「我覺得其實冥冥中係有啲緣份，本身（我哋）真係大纜都扯唔埋，唔係我無啦啦癲咗參加呢個節目，我唔會發現呢個世界上，原來仲有人可以同我夾，我都好想知道如果呢個緣份延續落去會係點。」

‧Eddie與Sophie的海邊即影即有
—約會期間，Eddie突然拿出GM面具遮著自己，並說：「冇呀，想試吓喺佢嘅視角望吓你。」Sophie的即場反應雖是忍俊不禁，但她事後接受製作組訪問其實不無心痛：「好難受，我覺得每個人望每個人嘅眼神都係唔同嘅，做自己就ok咯。」

Sophie現場還即時叮囑Eddie「唔需要咁樣judge自己」：「你哋係好唔同嘅人，亦都代表住我性格嘅兩面…我都有鍾意哲學同沉思一面，呢個係我哋嘅connect位，可能我同其他人都冇，所以我覺得唔需要去比較。」Eddie事後雖無奈表示：「我好想感受Sophie望GM嘅眼神，一次都好吖…」但他在與Sophie在約會期間拍了專屬他們二人的即影即有後，算是釋懷了一直夢寐以求的「二人約會照」，故Eddie節目最後表現大方round up：「有啲釋懷、有啲開心、有啲圓滿。」

對於Eddie出奇不意的行為，不少網民留言大表心痛：「讓人很心酸」、「心痛Eddie」、「Eddie你值得更好的」、「明知結局，但仍然想感受一下被愛嘅感覺」。

現正於成都舉行巡唱的林子祥和葉蒨文，以及一眾工作人員在得悉大埔宏福苑的火災情況後感到很痛心，心情非常沉重。雖然他們人在成都，但心繫香港，所以在綵排時特別錄製《每一個晚上》緬懷香港大火中的遇難者，及向奮戰一線的消防員及義工致敬，並勉勵大家一起心連心渡過這次難關。

林子祥與葉蒨文正在成都舉行巡演，全體演職人員集體演唱《每一個晚上》，以此緬懷大埔宏福苑五級火中的遇難者。

並向奮戰一線的消防員及義工致。

林子祥和葉蒨文表示：「蓉港同心，以歌寄願。祈願平安，你我同在。蓉港兩地，心手相牽，共為香港祈福。」

他們用音樂傳遞跨越千里的擁抱。